Actualitats
Una blogaira afronta H&M per parlar de l’esplecha en Cambòtja
Lo jornal norvegian Aftenposten creèt una emission de telerealitat dins la quala tres joves afogats de la mòda anèron en Cambòtja per descobrir cossí se produtz çò qu’eles vestisson cada jorn. Los joves i passèron un mes e lor vejaire del Mond cambièt, en seguida de viure las meteissas condicions de vida e de trabalh que las obrièras textilas cambotjanas. La seccion de vidèos d’aquel jornal ne publiquèt qualques capítols de la sèria nomenada Sweatshop (usina d’esplecha).
A qualques unes lor agradarà de veire aqueles joves plorar, mas aquela emission de telerealitat es una escasença de las bonas per difondre e denonciar las terriblas condicions de trabalh, amb de salaris miserables, qu’enriquisson las principalas multinacionalas de la planeta, coma o denóncia sovent lo blòg ispanofòn Muhimu.
Al delà de l’afar de Primark, que Muhimu ja denoncièt, un rapòrt elaborat pel Centre de Recèrca sus las Corporacions Multinacionalas, qu’es una organizacion neerlandesa sens tòca lucrativa, avertís de las practicas esclavistas de grandas marcas conegudas coma Celio, Noel Soccer, Norprotex, Tommy Hilfiger, Timberland, H&M, Marks & Spencer, Diesel, Gap, C&A, El Corte Inglés, Cortefiel o Zara.
La censura d’H&M
Una de las joves participantas d’aquela emission, Anniken Jørgensen, aviá començat una campanha de denóncia sus son blòg. Decidiguèt de denonciar qualas èran las marcas responsablas d’aquela esplecha, coma la suedesa H&M. Mas sul pic, la direccion del jornal que la menèt en viatge li enebiguèt de parlar dirèctament de çò qu’aviá viscut e de nomenar de marcas, mai que mai H&M. “Es espantant qu’es pas de creire qu’una importanta cadena de vestits aja tant de poder per espaventar e condicionar lo jornal mai important de Norvègia. Es pas estranh que lo Mond siá aital. Pensavi que dins mon país i aviá de libertat d’expression. M’enganèri”, çò diguèt Jørgensen.
Après un periòde de silenci mediatic e de menaças, Jørgensen a capitat a far un blòg que seguisson un fum de mond e sas denóncias an de difusion. H&M li a demandat de se reünir un jorn dins sa sedença d’Estocòlme (Suècia).
A qualques unes lor agradarà de veire aqueles joves plorar, mas aquela emission de telerealitat es una escasença de las bonas per difondre e denonciar las terriblas condicions de trabalh, amb de salaris miserables, qu’enriquisson las principalas multinacionalas de la planeta, coma o denóncia sovent lo blòg ispanofòn Muhimu.
Al delà de l’afar de Primark, que Muhimu ja denoncièt, un rapòrt elaborat pel Centre de Recèrca sus las Corporacions Multinacionalas, qu’es una organizacion neerlandesa sens tòca lucrativa, avertís de las practicas esclavistas de grandas marcas conegudas coma Celio, Noel Soccer, Norprotex, Tommy Hilfiger, Timberland, H&M, Marks & Spencer, Diesel, Gap, C&A, El Corte Inglés, Cortefiel o Zara.
La censura d’H&M
Una de las joves participantas d’aquela emission, Anniken Jørgensen, aviá començat una campanha de denóncia sus son blòg. Decidiguèt de denonciar qualas èran las marcas responsablas d’aquela esplecha, coma la suedesa H&M. Mas sul pic, la direccion del jornal que la menèt en viatge li enebiguèt de parlar dirèctament de çò qu’aviá viscut e de nomenar de marcas, mai que mai H&M. “Es espantant qu’es pas de creire qu’una importanta cadena de vestits aja tant de poder per espaventar e condicionar lo jornal mai important de Norvègia. Es pas estranh que lo Mond siá aital. Pensavi que dins mon país i aviá de libertat d’expression. M’enganèri”, çò diguèt Jørgensen.
Pendent lo sejorn en Cambòtja, los participants d’Sweatshop foguèron enebits de vesitar cap de sit d’H&M, mas Jørgensen capitèt a parlar amb qualques salariats d’aquela societat que contavan de testimoniatges espantants. Pasmens la multinacionala suedesa a negat aquelas afirmacions.
Après un periòde de silenci mediatic e de menaças, Jørgensen a capitat a far un blòg que seguisson un fum de mond e sas denóncias an de difusion. H&M li a demandat de se reünir un jorn dins sa sedença d’Estocòlme (Suècia).
Sweatshop - Dødsbillig mote (trailer) from HACIENDA on Vimeo.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari