Dempuèi 2005 existís en Bretanha una revista completament a despart: Bretons. Aquesta revista es compausada d’entrevistas, de retraits de bretons de tota mena e d’enquèstas sus de subjèctes tochant Bretanha. Per exemple, dins lo darrèir numèro, los legeires pòdon trobar un article entitolat “Perqué los bretons dessabon lor istòria?”. Dins lo numèro 93 èra “Perqué Bretanha se revòlta?”, dins lo numèro 87: “Se los bretons sabon rire?”...
Ça que la, Bretons es pas una revista coma las autras. La linha editoriala balha la màger part aus tèmas “bretonistas”. Lo tèrme es pas gaire emplegat en Bretanha, mas es parlant per los occitans. En Bretanha, lo mond parlan puslèu de tèmas autonomistas o independentistas o “bretons” simpletament. Chasque mes, dins la revista, de paginas son consagradas a la reünificacion amb lo Léger Atlantic, a l’autonomia, a l’independéncia. Lo numèro de feurèir de 2013 aviá menat de brut: sus la primèira pagina èra escrit: “Sondatge: lo 18% daus bretons per l’independéncia”. François-Régis Hutin, lo chap dau totpoderós jornal Ouest-France qu’es dins lo capital de Bretons e qu’es encharjat de la distribucion, s’èra encolerat. Las revistas arribadas dins las botigas foguèron retiradas sus lo còp. Mas la rumor que n’aviá corregut, l’escàndol foguèt gròs.
Pr’aquò la vertadèira originalitat de Bretons es de publicar, forra-borra, de retraits de celebritats e de subjèctes mai politics. Dins un numèro lo legeire trobarà lo retrait d’una actritz a la mòda que conta sa Bretanha de carta postala e la pagina d’après un escrivan amb de ditas independentistas e politicas. E la revista es d’una qualitat irreprochabla amb una identitat visuala unica e achabada. Estant que la chapredactritz adjunta es britofòna (faguèt tota son escolaritat dins Diwan), una pagina es en lenga bretona chasque mes.
Mas aquesta revista seriá anecdotica s’èra nejada dins los presentadors, demest 200 autras. Òr, gràcias au grop Ouest-France, es plaçada totjorn davant. Per exemple, dins tots los supermerchats de Bretanha, lo darrèir numèro es a costat de las caissas o a l’intrada. Es la plaça que tots voudrián aver segur! E la revista fai miranda.
Fin finala, entre la “revista de celebritats” e lo “magazine de nòvas”, Bretons es, de segur, la sola revista bretona (o “bretonista”) que s’adreiça vertadèirament a tots los bretons.
Henri Salers
_____
bretons-mag.com
Ça que la, Bretons es pas una revista coma las autras. La linha editoriala balha la màger part aus tèmas “bretonistas”. Lo tèrme es pas gaire emplegat en Bretanha, mas es parlant per los occitans. En Bretanha, lo mond parlan puslèu de tèmas autonomistas o independentistas o “bretons” simpletament. Chasque mes, dins la revista, de paginas son consagradas a la reünificacion amb lo Léger Atlantic, a l’autonomia, a l’independéncia. Lo numèro de feurèir de 2013 aviá menat de brut: sus la primèira pagina èra escrit: “Sondatge: lo 18% daus bretons per l’independéncia”. François-Régis Hutin, lo chap dau totpoderós jornal Ouest-France qu’es dins lo capital de Bretons e qu’es encharjat de la distribucion, s’èra encolerat. Las revistas arribadas dins las botigas foguèron retiradas sus lo còp. Mas la rumor que n’aviá corregut, l’escàndol foguèt gròs.
Pr’aquò la vertadèira originalitat de Bretons es de publicar, forra-borra, de retraits de celebritats e de subjèctes mai politics. Dins un numèro lo legeire trobarà lo retrait d’una actritz a la mòda que conta sa Bretanha de carta postala e la pagina d’après un escrivan amb de ditas independentistas e politicas. E la revista es d’una qualitat irreprochabla amb una identitat visuala unica e achabada. Estant que la chapredactritz adjunta es britofòna (faguèt tota son escolaritat dins Diwan), una pagina es en lenga bretona chasque mes.
Mas aquesta revista seriá anecdotica s’èra nejada dins los presentadors, demest 200 autras. Òr, gràcias au grop Ouest-France, es plaçada totjorn davant. Per exemple, dins tots los supermerchats de Bretanha, lo darrèir numèro es a costat de las caissas o a l’intrada. Es la plaça que tots voudrián aver segur! E la revista fai miranda.
Fin finala, entre la “revista de celebritats” e lo “magazine de nòvas”, Bretons es, de segur, la sola revista bretona (o “bretonista”) que s’adreiça vertadèirament a tots los bretons.
Henri Salers
_____
bretons-mag.com
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari