Actualitats
Un macrojutjament contra 28 joves bascos met en question las detencions amb d’incomunicacion
Los detenguts afirman que lors declaracions foguèron obtengudas amb de torturas
Comencèt diluns passat a Madrid un jutjament contra 28 joves independentistas bascos acusats de far partida de Segi, una organizacion politica illegalizada per èsser considerada de l’entorn d’ÈTA. Dins lors declaracions, los joves acusats afirmèron que signèron las acusacions prepausadas pels policièrs en tot èsser torturats.
Aquel macrojutjament es exclusivament basat sus las tèsis policièras, segon çò que rapòrta Naiz.info, e sus las declaracions que faguèron los detenguts quand èran incomunicats, qu’es dins aquel periòde qu’eles denóncian que foguèron torturats.
En començar la session, los joves virèron l’esquina al tribunal e mostrèron d’afichas contra los jutjaments politics e demandant la resolucion del conflicte al Bascoat.
D’aqueles 28 acusats, 5 anèron pas al tribunal, mas demorèron dins la vila de Loiola, entornejats d’una massa populara de mai de mila personas que los protegissiá de la polícia. Aital volián denonciar publicament las torturas qu’avián patit pendent lor detencion. Fin finala, la polícia basca capitèt a desfar aquel mur uman e detenguèt los 5 joves. Los detenguts seràn jutjats tanben per desobesissença a las autoritats.
Las incomunicacions
Dins l’estat espanhòl una persona pòt èsser detenguda en incomunicacion fins a 13 jorns, que pendent los 5 primièrs a pas drech de rescontrar cap de jutge. “Aquela practica facilita la tortura e los marrits tractaments e aumenta la violacion dels dreches umans contra los detenguts”, çò denóncia Amnestia Internacionala.
Mòstran tanben lor chepic, per aquel tipe de detencions, d’organismes coma lo Comitat contra la Tortura, lo Raportaire contra la Tortura de l’ÒNU e lo Comitat Europèu per la Prevencion de la Tortura.
Aquel macrojutjament es exclusivament basat sus las tèsis policièras, segon çò que rapòrta Naiz.info, e sus las declaracions que faguèron los detenguts quand èran incomunicats, qu’es dins aquel periòde qu’eles denóncian que foguèron torturats.
En començar la session, los joves virèron l’esquina al tribunal e mostrèron d’afichas contra los jutjaments politics e demandant la resolucion del conflicte al Bascoat.
D’aqueles 28 acusats, 5 anèron pas al tribunal, mas demorèron dins la vila de Loiola, entornejats d’una massa populara de mai de mila personas que los protegissiá de la polícia. Aital volián denonciar publicament las torturas qu’avián patit pendent lor detencion. Fin finala, la polícia basca capitèt a desfar aquel mur uman e detenguèt los 5 joves. Los detenguts seràn jutjats tanben per desobesissença a las autoritats.
Las incomunicacions
Dins l’estat espanhòl una persona pòt èsser detenguda en incomunicacion fins a 13 jorns, que pendent los 5 primièrs a pas drech de rescontrar cap de jutge. “Aquela practica facilita la tortura e los marrits tractaments e aumenta la violacion dels dreches umans contra los detenguts”, çò denóncia Amnestia Internacionala.
Mòstran tanben lor chepic, per aquel tipe de detencions, d’organismes coma lo Comitat contra la Tortura, lo Raportaire contra la Tortura de l’ÒNU e lo Comitat Europèu per la Prevencion de la Tortura.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela practica facilita la tortura e los marrits tractaments e aumenta la violacion dels dreches umans contra los detenguts : e la tortura engimbra la terror. Donc, la polícia a d'activitats terroristas, consistissent a obtenir çò que vòl pel mejan de la terror… Çò que caliá desmostrar. E lo nòstre justicièr intergallactic, En Manèl Valls, non s'es esmogut d'aquelas practicas ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari