Un grop jihadista argerian, Yund Al Jilafa, restacat a l’Estat Islamic, anoncièt ièr de ser la decapitacion d’Hervé Gourdel, un òme occitan de 55 ans que fasiá de torisme. Los assassins an publicat un vidèo sus Internet, entitolat Messatge de sang pel president francés, que ne mostrariá la decapitacion.
Gourdel èra un òme niçard, guida de nauta montanha del Pargue Nacional de Mercantorn, e mai èra un apassionat de fotografia e de viatges. Foguèt raubat lo 21 de setembre passat en Cabilia e los jihadistas menacèron de l’executar dins las 24 oras seguentas se França quitava pas de bombardar l’Estat Islamic.
En seguida del raubatòri, lo pòble amazigh (berbèr) de Cabilia a reagit amb colèra, tant sus plaça coma a l’estrange, segon çò que rapòrta Tamazgha.fr.
Manifestacions en Cabilia e en Occitània
Es aital qu’a Tizi Wezzu (Tizi Ouzou), lo luòc ont Gourdel foguèt raubat, un “Comitat Ciutadan Cabil” a cridat a una manifestacion que se debana uèi dijòus 25 de setembre. Los manifestants planhon lo raubatòri e l’assassinat d’Hervé Gourdel, e denóncian las manòbras de l’estat argerian e de sos servicis en los acusant d’èsser, d’un biais o d’un autre, los sols responsables d’aquel raubatòri que cèrca d’“accelerar lo procès de destruccion de Cabilia dins totas sas dimensions.”
En Occitània, los cabils de Tolosa s’acampèron ièr dimècres a 18h a la Plaça del Capitòli.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perqué contunham de parlar de "decapitacion", es a dire de l'accion de copar lo cap per lo desseparar del còs, mentre qu'aqueles pseudo-musulmans s'aplican a degargantar, (coma se tua lo pòrc crestian, ol lo moton de l'Aïr musulman) per far morir sas victimas en los privant d'aire e, mai que mai, de sang ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Perqué contunham de parlar de "decapitacion", es a dire de l'accion de copar lo cap per lo desseparar del còs, mentre qu'aqueles pseudo-musulmans s'aplican a degargantar, (coma se tua lo pòrc crestian, ol lo moton de l'Aïr musulman) per far morir sas victimas en los privant d'aire e, mai que mai, de sang ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari