Le deliri carnavalenc toquèc la vila de Godolin amb la venguda deu President Salengro
Après las envejas d’independéncia deus escoceses e deus catalans, les occitans se deishèren annexar per Groland. Per les que saben pas encara çò qu’es Groland, es un país imaginari d’una emission TV satirica de Canal+. Groland accentua, en les ridiculizant, les aspèctes lords de la vida politica exagonala. L’emission rescontra un succès terrible e sustot entà la joenessa.
Le divendres 19 de setembre, Ch. Salengro, president d’opereta de Groland, desguisat en Generau De Gaulle de comèdia, venguèc anonciar la fusion d’Occitània e de Groland a l’Ostau d’Occitània de Tolosa.
L’eroïna de Carles Molin qu’èra presenta, la Catinon, deishèc le Jacotin ende hèr potonasses au president grolandés, en tot voler segur imitar au president franchimand sas frascas.
Le president Salengro chapèc bèras cebas de Minjacebas, bevèc blanqueta de Limós ende afortir aquera union en díser aquesta frasa istorica: “Es ora que les nòstes pòbles coards s’unissen.”
Le pòble de la Ciutat Ròsa, en granda gaujor, acompanhèc dins un seguici trionfau, a la Carrèra Sent Roman, le president Salengro dins una Jeep de las colors d’Occitània e de Groland.
En èster sus la Plaça deu Capitòli le president Salengro, amb la clamor deu pòble mondin, mos mostrèc deu dit l’avénguer rajant de Groland e d’Occitània ende ne ríser.
Aqueras badinadas èran dins l’encastre deu Hestenau deu Filme de Groland que se debanèc a Tolosa en setembre. Notaram la draubertura de la còla de l’emission Groland cap a l’occitan. Aquò ajuda associacions occitanas coma País de Catinon a popularizar l’occitan cap a la joenessa. La TV France 3 Sud ne hasquèc un reportatge.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'a panat la femna aquel arganhnòl de grolandés ! Urosament ai trobat Valérie Trierweiler e teni a la mercejar pel moment.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Lo talent del contaire.
La formidabla intelligéncia de l'iniciativa.
Tot aquò damb un umorisme irresistible.
M'a panat la femna aquel arganhnòl de grolandés ! Urosament ai trobat Valérie Trierweiler e teni a la mercejar pel moment.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari