Actualitats
Alidé Sans presenta son prumèr CD a Sent Lis
La Catinon se hesteja sos 20 ans a Sent Lis amb un programa ajoenit amb Fòlc e Pic, Alidé Sans, Jòrdi Passerat e les Comedians Minjacebòls
Es le 20n aniversari de la Catinon a Sent Lis (Gasconha Tolosana) e aquera hèsta, occitana e populara, contunha sa modernizacion en se virar cap la joenessa. Le desir de Carles Molin, creator de las aventuras de Minjacebas, èra “de tocar lo mès de gents possible en occitan.” L’associacion sentlisiana avança sus aqueste camin en reorientar la siva hèsta. Atau le moment fòrt de la hèsta de la Catinon serà le concèrt d’Alidé Sans amb quate musicians catalans, liceans de l’Isla de Baish e benlèu collegians de Sent Lis.
Se harà le divendres 3 d’octòbre, a 20h30, a la sala de la Graveta de Sent Lis. Le concèrt es gratuit. Tanbens un bus gratuit es a disposicion ende anar véser le concèrt de l’Isla de Baish a Sent Lis.
En invitar la joena e talentosa cantaira aranesa ende presentar son novèl album, l’associacion Catinon vòu associar la joenessa qu’estúdian l’occitan a mostrar la lenga d’òc publicament. Atau, cinc liceans de l’Isla de Baish, Sophie Monteil (piano), Lisa Fraresso (flaüta traversièra), Edith Seguier (percussions), Anaïs Gaux (votz) e Antoine Finos (baisha) participèn a la debuta de seteme a l’album d’Alidé Sans a Barcelona. Enregistrèn ua version peberada e ajoenida deus Caulets. Le CD serà disponible a la fin d’octòbre. Aqueste concèrt d’Alidé e de las gojatas, que se vòu qualitós, serà le parat de mostrar que la joenessa pòt cantar en lenga occitana. Serà tanben la mòstra deu talent de l’estela novèla de la cançon qu’es Alidé Sans. A mancar pas!
Una Catinon virada cap aus dròlles pr’amor que i a mès de 150 escolans d’occitan a Sent Lis. A la dintrada de 2002 se draubisquèc la prumèra seccion bilingüa francés-occitan deu País Tolosan. Se hasquèc a Sent Lis, comuna de quasi 9000 abitants, en Gasconha Tolosana. Les joens de la seccion bilingüa profièitan d’un ensenhament occitan-francés, a paritat orària, dins las escòlas sentlisianas de la mairala au licèu. Donc seràn les escolans que beneficiaràn d’una iniciacion a las danças occitanas, que serà hèita per J.F. Capon a las escòlas de Sent Lis, le dijaus 2 d’octòbre.
Le grand moment serà a Sent Lis, a l’espaci Graveta a partir de 18h, le dissabte 4 d’octòbre, amb les cants occitans deus pichons de la seccion bilingüa. La Catinon e le Jacotin balharàn bonbons aus dròlles ende’us remerciar e les grands auràn la tradicionala còca de cebas de Minjacebas amb le còp de vin doç (es a gratis!). Tot aquò serà seguit d’un repaish tolosan a 6 èuros e d’una balòcha gratuita de Fòlc e Pic a partir de 19h.
L’endoman, le dimenge 5 d’octòbre, a 11h, se harà una granda messa occitana a la Glèisa de Sent Lis amb l’Abat Passerat. Tot aquò serà seguit d’una granda taulejada gastronomica a 12h30 a la sala de Graveta de Sent Lis. Après le repaish i aurà ua pèça comica de Catinon e Jacotin, entitolada Lo Jacotin s’atend la retrèita de la companhia teatrala Los Comedians Minjacebòls de 15h a 17h. Le repaish-espectacle còsta 24 èuros. Totas las nombrosas activitats gratuitas son possiblas gràcias au sosteng de la vila de Sent Lis dins l’encastre deu Hestenau Occitània.
Informacions e reservacions: +33(0)6 86 89 23 61 o paisdecatinou@...
Nicolau Rei Bèthvéder
Se harà le divendres 3 d’octòbre, a 20h30, a la sala de la Graveta de Sent Lis. Le concèrt es gratuit. Tanbens un bus gratuit es a disposicion ende anar véser le concèrt de l’Isla de Baish a Sent Lis.
En invitar la joena e talentosa cantaira aranesa ende presentar son novèl album, l’associacion Catinon vòu associar la joenessa qu’estúdian l’occitan a mostrar la lenga d’òc publicament. Atau, cinc liceans de l’Isla de Baish, Sophie Monteil (piano), Lisa Fraresso (flaüta traversièra), Edith Seguier (percussions), Anaïs Gaux (votz) e Antoine Finos (baisha) participèn a la debuta de seteme a l’album d’Alidé Sans a Barcelona. Enregistrèn ua version peberada e ajoenida deus Caulets. Le CD serà disponible a la fin d’octòbre. Aqueste concèrt d’Alidé e de las gojatas, que se vòu qualitós, serà le parat de mostrar que la joenessa pòt cantar en lenga occitana. Serà tanben la mòstra deu talent de l’estela novèla de la cançon qu’es Alidé Sans. A mancar pas!
Una Catinon virada cap aus dròlles pr’amor que i a mès de 150 escolans d’occitan a Sent Lis. A la dintrada de 2002 se draubisquèc la prumèra seccion bilingüa francés-occitan deu País Tolosan. Se hasquèc a Sent Lis, comuna de quasi 9000 abitants, en Gasconha Tolosana. Les joens de la seccion bilingüa profièitan d’un ensenhament occitan-francés, a paritat orària, dins las escòlas sentlisianas de la mairala au licèu. Donc seràn les escolans que beneficiaràn d’una iniciacion a las danças occitanas, que serà hèita per J.F. Capon a las escòlas de Sent Lis, le dijaus 2 d’octòbre.
Le grand moment serà a Sent Lis, a l’espaci Graveta a partir de 18h, le dissabte 4 d’octòbre, amb les cants occitans deus pichons de la seccion bilingüa. La Catinon e le Jacotin balharàn bonbons aus dròlles ende’us remerciar e les grands auràn la tradicionala còca de cebas de Minjacebas amb le còp de vin doç (es a gratis!). Tot aquò serà seguit d’un repaish tolosan a 6 èuros e d’una balòcha gratuita de Fòlc e Pic a partir de 19h.
L’endoman, le dimenge 5 d’octòbre, a 11h, se harà una granda messa occitana a la Glèisa de Sent Lis amb l’Abat Passerat. Tot aquò serà seguit d’una granda taulejada gastronomica a 12h30 a la sala de Graveta de Sent Lis. Après le repaish i aurà ua pèça comica de Catinon e Jacotin, entitolada Lo Jacotin s’atend la retrèita de la companhia teatrala Los Comedians Minjacebòls de 15h a 17h. Le repaish-espectacle còsta 24 èuros. Totas las nombrosas activitats gratuitas son possiblas gràcias au sosteng de la vila de Sent Lis dins l’encastre deu Hestenau Occitània.
Informacions e reservacions: +33(0)6 86 89 23 61 o paisdecatinou@...
Nicolau Rei Bèthvéder
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca Alidé !
Anarem totis a Sant Lis !!!
Alidé, amb ton talent e amb ton carisme, faràs calar totas aquelas marridas lengas,
#2 "super per la pausa entre dus cors de fisic, aquò's solide !" Quin mesprètz !
"me hè hasti aquera unanimitat plan-pensanta a l'entorn d'aquera gojata." Be vse'n cau pòc !
#2
Quina cèrca-estronhs fasètz!
Quin cinisme pietadós!
Quin fargaire de contes!
Fasètz de marrits deliris....
Vos planhe...
#2 Soi l'autor de l'article e le vice-president de l'asssociacion País de Catinon de Sent Lis. Çò que disètz e faus e innjuste e, mès grèu qu'aquò, es una difamacion de las abjèctas. Segur es agit de s'amagar darrèr un chafre...
Sai que dins l'occitanisme i a les rares que hèn e les nombroses qu'escupissen.
Alidé Sans ajudèc a gratís joens com eres a se lançar dins la cançon en occitan. Es donc un exemple d'altruïsme e de miltantisme qu'avèm de promòver.
Ni Ferriol, ni Jusèp-Loís ni jo avèm pas interesses financièrs en hèr promocion de joens que cantan en occitan.
Après, ende jutjar de la qualitat de las cançons d'Alidé Sans vos inviti a vénguer au concèrt de Sent Lis (es gratuit !), e se podètz pas, vos conselhi d'escotar le CD a la siva sortida en fin d'octòbre.
Remèrqui tanben que parlatz pas de la rèsta deu programa, çaquelà deus rics, de la hèsta de la Catinon.
#2 Jornalet es finançat per de dons, per las cotizacions dels Amics de Jornalet e per una partida de la publicitat que se publica. Amb aquò se pòt pagar lo serveire, la mantenença e los tecnicians. De còps se pòt quitament pagar qualque despensa de promocion mas pas encara cap de salari. Lo paire d'Alidé Sans collabòra amb Jornalet amb una cronica d'opinion per mes, aquò es tot, mas a pas jamai donat un èuro.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari