Actualitats
Cuba mandarà 461 mètges e infirmièrs en Africa per luchar contra l’Ebòla
Cuba mandarà 461 mètges e infirmièrs eb Sierra Leone, Libèria e Guinèa Conakry per ajudar a combatre l’Ebòla, segon çò que raportèt dijòus passat lo Ministèri cuban de la Santat Publica. Lo govèrn de L’Avana aviá previst de mandar 165 professionals de la santat mas fin finala a decidit de n’aumentar lo nombre fins a 461. Aquò seriá lo mandadís “mai important” de mètges dins la region, segon la directritz de l’Organizacion Mondiala de la Santat (OMS).
Los professionals se son entraïnats dins l’Institut de Medecina Tropicala Pedro Kourí del país caribenc, e partiràn en Africa al començament d’octòbre. Segon Cuba Debate, s’agís de personal fòrça engatjat amb fòrça experiéncia solidària de pertot. A l’ora d’ara i a de cooperants cubans de la santat de Cuba dins 66 païses, e an participat a de contingéncias dins mai de 23 estats.
L’OMS decretèt en agost la flambada d’Ebòla coma una emergéncia internacionala e demandèt d’intensificar a l’extrèm las mesuras de proteccion dins los estats afectats. D’un autre costat, l’autoritat sanitària mondiala remembra que lo risc de transmission de la malautiá per transpòrt aerian es fòrça bas e, per aquò, non recomanda pas cap d’enebicion de viatjar.
Los professionals se son entraïnats dins l’Institut de Medecina Tropicala Pedro Kourí del país caribenc, e partiràn en Africa al començament d’octòbre. Segon Cuba Debate, s’agís de personal fòrça engatjat amb fòrça experiéncia solidària de pertot. A l’ora d’ara i a de cooperants cubans de la santat de Cuba dins 66 païses, e an participat a de contingéncias dins mai de 23 estats.
L’OMS decretèt en agost la flambada d’Ebòla coma una emergéncia internacionala e demandèt d’intensificar a l’extrèm las mesuras de proteccion dins los estats afectats. D’un autre costat, l’autoritat sanitària mondiala remembra que lo risc de transmission de la malautiá per transpòrt aerian es fòrça bas e, per aquò, non recomanda pas cap d’enebicion de viatjar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Èra pas util de'n parlar dins Jornalet, que las televisions francesas, que sabon donar un còp de man per la tondeson dels motons (vèire Lo repotegaire), nos n'informaràn damb un plaser mal mestrejat e "en continu".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari