Actualitats
Rugbi XIII: los Dracs apichonisson los Gigants
Una primièra dimenjada de tardor de gala amb de rescontres de XIII de tria sus tota la planeta
Alan Roch
Los Dracs en mièja finala
Divendres, los Dracs jogavan a Huddersfield la partida qualificativa per las mièjas finalas de Superliga contra l’esquipa locala dels Gigants, qu’avián encaissat un 57-4 la setmana passada a Wigan. Es una firma d’electricitat qu’esponsoriza la competicion, mas a una ora de la debuta de la partida una pana privèt una tribuna d’electricitat e la mitat dels projectors de lum! D’unes començavan de parlar de repòrt de la partida a dimenge, mas Laurenç Fraissinós mandèt son esquipa sus la pelena per s’entraïnar coma se de res non èra! E la partida se joguèt!
Oldfield marcava d’entrada: l’ensag èra refusat a la vidèo. Mas, en seguida, èra Huddesfield que marcava; Duport resistissiá a un placatge e liberava la pauma per Millard que marcava. Lo lum tornava e Oldfield embrumava son adversari dirècte: 10-4 pels Dracs que se fasián prene en contra, 10 pertot a la pausa. A la represa, sus una recuperacion de pauma aprèp un cinquen tengut, l’alièr dels Gigants marcava aprèp 90 mètres de corsa, mas en debuta d’accion, l’arbitre vidèo vegèt l’obstruccion sus Whitehead e Tomàs Bòsc ensacava la penalitat que valdriá d’aur! A l’ora de jòc, lo menaire Danny Brough tustava a seguir a ras de pelena e Luke Robinson aplatussava: 16-12 pels Gigants. A la 70a, Tomàs Bòsc montava una candela, los catalans èran a la recepcion e Ben Pomeroy puntava l’ensag que Bòsc transformava: 18-16 pels catalans que, solidaris en diable, tenguèron còp fins a la còrna (SportChoc TV, L’Indépendant, BeIn Sports). Dins la nuèit, encara mai de sostens que la setmana passada los esperèron a l’aeropòrt de Perpinhan per reprene en còr Els Segadors.
Especificitat de la Superliga: Saint Helens, primièr de la fasa regulara, aviá la causida entre los Dracs e Warrington, venceire la velha a Castleford: 30-14. Los dirigents de Saint Helens an causit los Dracs per una mièja finala de jogar dijòus de ser (sus BeIn Sport Max 10 a 21 h). L’autra mièja finala se debanarà divendres e Wigan reçauprà los Lops de Warrington.
Los Dracs son a 80 minutas de la finala del dissabte 11 d’octobre a Old Trafford! E perdequé pas?
Lapinons e Dògols en finala
En NRL, una finala originala serà prepausada dimenge 5 d’octobre. Divendres, los Pols-Roosters, qu’avián daissat Remi Casty en tribuna, menèron 12-0 abans que la maquina dels Lapinons-Rabbitohs se metèsse a l’òbra amb Greg Ingliss a la manòbra e los 3 fraires Burgess a l’òbra. E los Lapinons sortiguèron 32-22 lo campion de 2013!
Dins l’autra mièja finala, los Dògols de Canterbury (setens al classament) prenguèron lo pas sus las Pantèras de Penrith: 18-12.
Avèm pas de pofre a nòstra disposicion en Aude, entre Pontvièlh e Pontnòu, per vos faire un pronostic segur sul nom del campion NRL de 2014. Alara, vos demòra de gaitar una partida que serà coma de costuma l’apoteòsi de la sason australa!
Carcassona e Lesinhan prenon las comandas
En Elèit 1, dissabte, l’AS Carcassona recebiá los vesins limosencs. En aquesta debuta de sason, los Grizzlies son pas mai que d’orsonets bravonets amb una esquipa rejovenida e dins l’espèra miraclosa de 4 australians. Las cargas dels avants jaune e negre, la sciéncia del jòc de Maxim Gressèque (dos ensages, 8 transformacions) e las cambas de fuòc de l’arrièr Luke Towers salèron l’addicion e pebrèron mai que necessari los pebradons: cinc ensages abans la pausa (30-0) e quatre de mai dins lo segond temps (52-6 per una partida a sens unic). Demòra d’esperar que los Roge e Negre tornen trapar un pauc de vam per pas patir lo martiri. Una brava suspresa veniá de Tolosa: lo campion marcava cinc ensages contra tres a Vilanuèva, mas Decarnin ensacava quatre penalitats que balhavan una marca de 26 pertot al final. Dimenge, Lesinhan metiá mièg temps a prene la mesura d’Avinhon: 8-4 a la pausa, 29-4 a la fin. E una autra suspresa, se jogava a Palau ont l’esquipa locala, menada 16-0 en tota debuta de partida, amb un ensag transformat a la darrièra minuta, passava davant los Dragonets 24-22.
Dissabte, Vilanuèva reçauprà Limós, los Dragonets aniràn a Avinhon e Tolosa esperarà Palau als Minims; dimenge de vèspre, las doas esquipas amb tres victòrias, l’FC Lesinhan e l’AS Carcassona, se rescontraràn sus la pelena del Molin (15h30) amb la primièra plaça en jòc.
Alan Roch
Divendres, los Dracs jogavan a Huddersfield la partida qualificativa per las mièjas finalas de Superliga contra l’esquipa locala dels Gigants, qu’avián encaissat un 57-4 la setmana passada a Wigan. Es una firma d’electricitat qu’esponsoriza la competicion, mas a una ora de la debuta de la partida una pana privèt una tribuna d’electricitat e la mitat dels projectors de lum! D’unes començavan de parlar de repòrt de la partida a dimenge, mas Laurenç Fraissinós mandèt son esquipa sus la pelena per s’entraïnar coma se de res non èra! E la partida se joguèt!
Oldfield marcava d’entrada: l’ensag èra refusat a la vidèo. Mas, en seguida, èra Huddesfield que marcava; Duport resistissiá a un placatge e liberava la pauma per Millard que marcava. Lo lum tornava e Oldfield embrumava son adversari dirècte: 10-4 pels Dracs que se fasián prene en contra, 10 pertot a la pausa. A la represa, sus una recuperacion de pauma aprèp un cinquen tengut, l’alièr dels Gigants marcava aprèp 90 mètres de corsa, mas en debuta d’accion, l’arbitre vidèo vegèt l’obstruccion sus Whitehead e Tomàs Bòsc ensacava la penalitat que valdriá d’aur! A l’ora de jòc, lo menaire Danny Brough tustava a seguir a ras de pelena e Luke Robinson aplatussava: 16-12 pels Gigants. A la 70a, Tomàs Bòsc montava una candela, los catalans èran a la recepcion e Ben Pomeroy puntava l’ensag que Bòsc transformava: 18-16 pels catalans que, solidaris en diable, tenguèron còp fins a la còrna (SportChoc TV, L’Indépendant, BeIn Sports). Dins la nuèit, encara mai de sostens que la setmana passada los esperèron a l’aeropòrt de Perpinhan per reprene en còr Els Segadors.
Especificitat de la Superliga: Saint Helens, primièr de la fasa regulara, aviá la causida entre los Dracs e Warrington, venceire la velha a Castleford: 30-14. Los dirigents de Saint Helens an causit los Dracs per una mièja finala de jogar dijòus de ser (sus BeIn Sport Max 10 a 21 h). L’autra mièja finala se debanarà divendres e Wigan reçauprà los Lops de Warrington.
Los Dracs son a 80 minutas de la finala del dissabte 11 d’octobre a Old Trafford! E perdequé pas?
Lapinons e Dògols en finala
En NRL, una finala originala serà prepausada dimenge 5 d’octobre. Divendres, los Pols-Roosters, qu’avián daissat Remi Casty en tribuna, menèron 12-0 abans que la maquina dels Lapinons-Rabbitohs se metèsse a l’òbra amb Greg Ingliss a la manòbra e los 3 fraires Burgess a l’òbra. E los Lapinons sortiguèron 32-22 lo campion de 2013!
Dins l’autra mièja finala, los Dògols de Canterbury (setens al classament) prenguèron lo pas sus las Pantèras de Penrith: 18-12.
Avèm pas de pofre a nòstra disposicion en Aude, entre Pontvièlh e Pontnòu, per vos faire un pronostic segur sul nom del campion NRL de 2014. Alara, vos demòra de gaitar una partida que serà coma de costuma l’apoteòsi de la sason australa!
Carcassona e Lesinhan prenon las comandas
En Elèit 1, dissabte, l’AS Carcassona recebiá los vesins limosencs. En aquesta debuta de sason, los Grizzlies son pas mai que d’orsonets bravonets amb una esquipa rejovenida e dins l’espèra miraclosa de 4 australians. Las cargas dels avants jaune e negre, la sciéncia del jòc de Maxim Gressèque (dos ensages, 8 transformacions) e las cambas de fuòc de l’arrièr Luke Towers salèron l’addicion e pebrèron mai que necessari los pebradons: cinc ensages abans la pausa (30-0) e quatre de mai dins lo segond temps (52-6 per una partida a sens unic). Demòra d’esperar que los Roge e Negre tornen trapar un pauc de vam per pas patir lo martiri. Una brava suspresa veniá de Tolosa: lo campion marcava cinc ensages contra tres a Vilanuèva, mas Decarnin ensacava quatre penalitats que balhavan una marca de 26 pertot al final. Dimenge, Lesinhan metiá mièg temps a prene la mesura d’Avinhon: 8-4 a la pausa, 29-4 a la fin. E una autra suspresa, se jogava a Palau ont l’esquipa locala, menada 16-0 en tota debuta de partida, amb un ensag transformat a la darrièra minuta, passava davant los Dragonets 24-22.
Dissabte, Vilanuèva reçauprà Limós, los Dragonets aniràn a Avinhon e Tolosa esperarà Palau als Minims; dimenge de vèspre, las doas esquipas amb tres victòrias, l’FC Lesinhan e l’AS Carcassona, se rescontraràn sus la pelena del Molin (15h30) amb la primièra plaça en jòc.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Grandmercegi Alan Roch per sas cronicas setmanièras de rugbi XIII
Dracs : los meteisses per la mièja-finala :
http://www.catalansdragons.com/articles-9/95-2977-demi-finale-le-groupe-des-19/
... E Remi Casty torna als Dracs e signa per quatre ans :
http://www.catalansdragons.com/articles-9/95-2975-remi-casty-de-retour-aux-dragons/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari