Segon son opausant lo conselhier municipau de drecha Michel Dallari, lo cònsol FN de la vilòta de Cogolin (Mauras) auriá enebit un espectacle de dança orientala previst per la gala deis associacions dau mes de setembre. Lo cònsol, Marc-Étienne Lansade, qu’auriá tanben, segon Michel Dallari, empedit de maugrabins d’accedir au gimnasi per una activitat de fotbòl de sala, se ditz pas au corrent. Pasmens ajustèt: “Se prepausèron coma sol espectacle de danças orientalas, signi e torni signar mon oposicion pr’amor qu’aicí siam en Provença, pas en Orient, e se vòlon viure coma en Orient, lei frontieras son dobèrtas.”
Marc-Étienne Lansade se faguèt ja remarcar dos còps ongan. Après son eleccion en març, decidiguèt d’aumentar aperaquí dau 15% son indemnitat de cònsol. Puei, en julhet, vouguèt apelar un pargatge dau nom de l’escrivan nacionalista francés Maurice Barrès.
Tanben, sembla que la dança orientala obsedisca l’FN: fa gaire, lo cònsol d’Hayange (Heengen), en Lorena, refusèt que s’organizèsse un talhier de dança dins sa municipalitat.
Coma que siá, En Lansade sembla malaürosament d’ignorar qu’au contrari, la cultura provençala e occitana s’es totjorn caracterizada per una dobertura sus l’Orient. Bensai li poiriam recomandar de legir l’article sus la Translatio studiorum de Matiàs Gibèrt ò, se l’espanhòu es pas tròp exotic per aqueu defensor de l’identitat provençala, lo roman Òc de Griselda Lozano, que lèu serà publicat en occitan.
Gerard-Joan Barceló
Marc-Étienne Lansade se faguèt ja remarcar dos còps ongan. Après son eleccion en març, decidiguèt d’aumentar aperaquí dau 15% son indemnitat de cònsol. Puei, en julhet, vouguèt apelar un pargatge dau nom de l’escrivan nacionalista francés Maurice Barrès.
Tanben, sembla que la dança orientala obsedisca l’FN: fa gaire, lo cònsol d’Hayange (Heengen), en Lorena, refusèt que s’organizèsse un talhier de dança dins sa municipalitat.
Coma que siá, En Lansade sembla malaürosament d’ignorar qu’au contrari, la cultura provençala e occitana s’es totjorn caracterizada per una dobertura sus l’Orient. Bensai li poiriam recomandar de legir l’article sus la Translatio studiorum de Matiàs Gibèrt ò, se l’espanhòu es pas tròp exotic per aqueu defensor de l’identitat provençala, lo roman Òc de Griselda Lozano, que lèu serà publicat en occitan.
Gerard-Joan Barceló
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo monde orientau, mai tanben los magrebens porian nos botar de maeschantas ideias en testa. Si los frances e pas solament los provençaus se trapavan a imaginar que las religions bodistes o ben musulmanas son mielhs que la religion catolica de Ròma quò esbolhara la nocion de França. Es plan coneigut que dempuei lo bateme de Clovis, la França e los papes an fan los 400 còps ensemble aidats per los poderos en plaça (gueras de religion, de conquestas, crotzadas, inquisicion...). Si los frances se prenian de pensar que quo era pas tròp catolique, que los catares, los protestants eran pus pres de la veritat, quò porria aver de consequenças tragicas per la França. Boulevard Voltaire, una revista fondada par Robert Meynard, lo conse de Besiers, se planjià que los catolics en França eran persecutats.
Los conses que se presentèron al vòte amaguèron pas la politica qu'anavan menar e los cogolencs votèron en majoritat per aquela ...
Mes mèfi ! Aprèp la condemna s'explosèron los Dada.
Conusion, efectivament ; cal acusar lo Marc-Étienne Lansada.
#2 Lo cònsol s'apèla Marc-Étienne Lansade. Michel Dallari es un conselhier municipau d'oposicion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari