Actualitats
Còp judiciari occitanofòb contra la Calandreta Lemosina
Lo tribunal administratiu de Lemòtges a condemnat l’escòla occitana a tornar l’argent de la subvencion en seguida d’una denóncia de “liurepensaires”
Lo tribunal administrtiu de Lemòtges a condemnat la Calandreta Lemosina a tornar una subvencion de 47 000 èuros al conselh regional de Lemosin. Aquela subvencion representa l’essencial de las ressorsas de l’escòla occitana, segon Le Populaire.
La roïna de l’escòla occitana de Lemosin seguís la denóncia que faguèron en 2012 un dotzenat de ciutadans. La majoritat d’eles son membres d’una organizacion francesa nomenada la Liura Pensada (Féderation Nationale de la Libre Pensée), que s’es manifestada mai d’un còp contra la lenga occitana e per la supremacia lingüistica del francés. Teoricament planhián aquò: “una region, a qui incombís la charja daus licèus, pòt pas ajudar financierament una associacion tala, e impòrta pauc que l’aprendissatge de l’occitan presente un interès regionau culturau puei que l’estructura a subvencionar es una escòla primària e non pas un licèu”. Es a dire, qu’aquel mond antioccitans son fòrça inquiets pel fach que l’argent de la region ane als licèus e non pas a las autras escòlas.
“Sèm legalistas, aplicarem la lei”, çò declarèt lo president interimari del conselh regional, Gérard Vandenbroucke. “Sosteniam una cultura, una practica lingüistica, quò es una polemica ben inutila e quò es pechat”, çò apondèt.
Lo president de l’associacion, Dàvid Dallot, declarèt a Le Populaire que demandarián un escasencièr al conselh regional. Al delà fan una crida a la confederacion de las Calandretas “e a tots los amics de la cultura occitana”.
L’organizacion francesa nomenada la Liura Pensada es una associacion d’encastre estatal francés qu’amassa de diches liurepensaires, e se definís coma organizacion non politica ni religiosa, que cèrca de desvolopar l’esperit de liure examen e de tolerància. Es coneguda per sos atacs contra las lengas que non sián lo francés. Dins aquel sens luchèt fervorosament contra la Carta Europèa de las Lengas Regionalas o Minorizadas.
La roïna de l’escòla occitana de Lemosin seguís la denóncia que faguèron en 2012 un dotzenat de ciutadans. La majoritat d’eles son membres d’una organizacion francesa nomenada la Liura Pensada (Féderation Nationale de la Libre Pensée), que s’es manifestada mai d’un còp contra la lenga occitana e per la supremacia lingüistica del francés. Teoricament planhián aquò: “una region, a qui incombís la charja daus licèus, pòt pas ajudar financierament una associacion tala, e impòrta pauc que l’aprendissatge de l’occitan presente un interès regionau culturau puei que l’estructura a subvencionar es una escòla primària e non pas un licèu”. Es a dire, qu’aquel mond antioccitans son fòrça inquiets pel fach que l’argent de la region ane als licèus e non pas a las autras escòlas.
“Sèm legalistas, aplicarem la lei”, çò declarèt lo president interimari del conselh regional, Gérard Vandenbroucke. “Sosteniam una cultura, una practica lingüistica, quò es una polemica ben inutila e quò es pechat”, çò apondèt.
Lo president de l’associacion, Dàvid Dallot, declarèt a Le Populaire que demandarián un escasencièr al conselh regional. Al delà fan una crida a la confederacion de las Calandretas “e a tots los amics de la cultura occitana”.
L’organizacion francesa nomenada la Liura Pensada es una associacion d’encastre estatal francés qu’amassa de diches liurepensaires, e se definís coma organizacion non politica ni religiosa, que cèrca de desvolopar l’esperit de liure examen e de tolerància. Es coneguda per sos atacs contra las lengas que non sián lo francés. Dins aquel sens luchèt fervorosament contra la Carta Europèa de las Lengas Regionalas o Minorizadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Bona idèa ! Es pas possible de deishar aquesta calandreta s'ic virar tota soleta ! TOTS, nos la devem ajudar . A eths de decidir e de díser l'ajuda que vòlen .
#6 Un collectiu ambe tot lo mond aqueste còp, public coma privat. Se cal pas enganar : aquela decision inica pòrta prejudici a tot lo mond. Cò censurat es la competéncia lingüistica e culturala dels territòris. E deman van ennebir las subvencions a las associacions occitanas qu'asseguran de TAPs ? Una bona ocasion de relançar Anem Òc. A la bretona.
La "Libre Pensée", qu'a una istoria onorabla, es estaa fagocitaa quauques ans en reire per l'entrisme d'una pichota secta post-gauchista e sociau-chauvina. Lo colloqui qu'an tengut lo 10 de mai passat a Paris sus la Charta es d'una nullitat intellectuala e politica totala, e aquest mond se troban aligats, sus la defensa dau francés ranhanhà, a de mond proches de l'ultra drecha. (Me sembla de l'aguer agut evocat aqui meteis). Es quauque ren que chau saber ramentar, per la comunicación sus aquel afar, per far tombar las masquetas.
-Los consèus practics de Terric Lausa me semblan una bona draia.
#3 E concretament, prepausi, s'es pas encara fach, que se crèe un collectiu de defensa d'aquesta Calandreta.
Mercés a Terric per los conselhs fòrça importants.
Aquel afar me fai venir fumassa. La "Liura pensada" se trapet de la Calandreta lemoujauda fai tres ans quand l'escòla èra a Landoja (vilòta que fai partida de Lemòtges), e que Calandreta deuguet partejar la cort en dos emb l'escòla publica d'a costat. Avián tindat un fiau dins la cort per deisseparar los enfants de la Calandreta daus enfants de l'escòla publica per de las rasons "d'assegurança", çò disseren. La guerra contra Calandreta fuguet menada per tres-quatre parents liures pensaires de l'escòla publica emb aquel eslogan : "argent public, école publique, argent privé, école privé" .
Aquilhs parents avián creat un blog a aqueu moment, picatz "écolepublique87" sus un motor de recerchas e tombaretz dessús e veiretz la retorica terribla e sectària de la Liura pensada.
Aquela decision dau tribunal administratiu es inica. Se fau mobilizar per sauvar la Calandreta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari