Actualitats
Jules Bianchi operat d’urgéncia après un accident al Grand Prèmi de Japon
Lo pilòt niçard foguèt operat d’urgéncia de lesions cerebralas, son estat es fòrça grèu
Jules Bianchi, lo pilòt niçard de formula 1, patiguèt un grèu accident ièr al Grand Prèmi de Japon. Foguèt operat sul pic de lesions grèvas al cap e a l’ora d’ara es plaçat en suènhs intensius sens besonh d’assisténcia respiratòria. Pasmens son estat de santat es fòrça grèu, segon çò que rapòrta Nice Matin.
Quand mancavan 13 torns per acabar l’espròva automobilistica, Bianchi s’esclafèt, amb la veitura Marussia que menava, contra una grua qu’assistissiá lo pilòt Adrian Subtil, car aquel d’aquí s’èra accidentat contra las proteccions lateralas del circuit. Lo niçard, qu’a 25 ans, demorèt inconscient e lo menèron còp sec a l’espital de Mie en ambulància. Son estat èra talament grèu qu’èra pas aconselhat de lo menar en elicoptèr. L’operèron sul pic d’un ematòma subdural.
Segon un pòrtavotz de l’espital de Mie, se farà pas cap de rapòrt sus l’estat de santat de Bianchi fins a uèi diluns.
A la demanda de la Federacion Internacionala d’Automobilisme (FIA), s’es pas difusat cap d’imatge vidèo de l’accident del pilòt occitan. Pasmens, los imatges e los comentaris partejats suls rets socials atèstan la gravitat de l’accident.
Après l’accident de Bianchi s’arrestèt la corsa.
_____
Nice Matin: VIDEOS. "Dans un état critique", le pilote varois Jules Bianchi opéré au Japon
Quand mancavan 13 torns per acabar l’espròva automobilistica, Bianchi s’esclafèt, amb la veitura Marussia que menava, contra una grua qu’assistissiá lo pilòt Adrian Subtil, car aquel d’aquí s’èra accidentat contra las proteccions lateralas del circuit. Lo niçard, qu’a 25 ans, demorèt inconscient e lo menèron còp sec a l’espital de Mie en ambulància. Son estat èra talament grèu qu’èra pas aconselhat de lo menar en elicoptèr. L’operèron sul pic d’un ematòma subdural.
Segon un pòrtavotz de l’espital de Mie, se farà pas cap de rapòrt sus l’estat de santat de Bianchi fins a uèi diluns.
A la demanda de la Federacion Internacionala d’Automobilisme (FIA), s’es pas difusat cap d’imatge vidèo de l’accident del pilòt occitan. Pasmens, los imatges e los comentaris partejats suls rets socials atèstan la gravitat de l’accident.
Après l’accident de Bianchi s’arrestèt la corsa.
_____
Nice Matin: VIDEOS. "Dans un état critique", le pilote varois Jules Bianchi opéré au Japon
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari