Actualitats
De cònsols de Catalonha e d’Aran explican al Mond perqué vòlon votar
An fach un vidèo en anglés pel Conselh de Dipolomacia Publica de Catalonha, ont lo cònsol de Vielha parla en occitan
Mai de nòu cents cònsols representants de las comunas de Catalonha e Aran foguèron recebuts dissabte passat pel president de Catalonha Artur Mas. Los cònsols liurèron al president los comptes renduts del sosten de lors municipalitats al referendum per l’independéncia del 9 de novembre que ven.
Sèt d’aqueles elegits son los protagonistas d’un vidèo qu’a fach lo Conselh de Diplomacia Publica de Catalonha (Diplocat), en explicant per quinas rasons lo pòble de Catalonha vòl votar sus son avenir politic. Aqueles cònsols son de diferentas regions e ideologias.
E mai se lo vidèo es majoritàriament en anglés e tot sostitolat en anglés, lo cònsol de Vielha e Mijaran, Àlex Moga, i parla en occitan. A partir de la minuta 4’21”, Moga remembra que Catalonha a totjorn respectat la lenga e l’identitat de la Val d’Aran e per aquò sosten lo vòte. “Ara ei eth moment que mos tòque dar un pas entà deuant e hèr dera Val d’Aran un exemple en tota Euròpa e en tot eth Mond. Entad aquerò solet auem ua opcion, poder èster ath costat de Catalonha qu’ei qui mos a dat es nòstes institucions e que mos a dat era nòsta lengua e qu’a oficializat era nòsta lengua en tot Catalonha e que mos permet projectar eth nòste govèrn en tot eth Mond”, çò ditz lo cònsol de Vielha dins aquel vidèo.
Sèt d’aqueles elegits son los protagonistas d’un vidèo qu’a fach lo Conselh de Diplomacia Publica de Catalonha (Diplocat), en explicant per quinas rasons lo pòble de Catalonha vòl votar sus son avenir politic. Aqueles cònsols son de diferentas regions e ideologias.
E mai se lo vidèo es majoritàriament en anglés e tot sostitolat en anglés, lo cònsol de Vielha e Mijaran, Àlex Moga, i parla en occitan. A partir de la minuta 4’21”, Moga remembra que Catalonha a totjorn respectat la lenga e l’identitat de la Val d’Aran e per aquò sosten lo vòte. “Ara ei eth moment que mos tòque dar un pas entà deuant e hèr dera Val d’Aran un exemple en tota Euròpa e en tot eth Mond. Entad aquerò solet auem ua opcion, poder èster ath costat de Catalonha qu’ei qui mos a dat es nòstes institucions e que mos a dat era nòsta lengua e qu’a oficializat era nòsta lengua en tot Catalonha e que mos permet projectar eth nòste govèrn en tot eth Mond”, çò ditz lo cònsol de Vielha dins aquel vidèo.
| fffff | fffff | |
| Lo Diplocat, o Conselh de Diplomacia Publica de Catalonha, es una institucion creada en novembre de 2012 coma un consòrci public-privat: qu’a la tòca d’explicar Catalonha al Mond e a l’opinion publica internacionala, per tal de melhorar l’imatge e lo prestigi del país. Bastís de ligams e de relacions entre los ciutadans e las institucions de Catalonha e dels autres païses. Ne fan partida, entretant, la Generalitat de Catalonha, las comunas e las quatre deputacions catalanas, d’entitats municipalistas, d’associacions entrepresarialas, de sindicats, d’escòlas d’afars, d’universitats, d’associacions socialas e esportivas. Lo Conselh General d’Aran e la comuna de Vielha e Mijaran ne fan partida dempuèi lo mes de mai passat, amb la tòca d'explicar al Mond la realitat nacionala occitana d’Aran. | ||
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari