Actualitats
Crida als dons per salvar las castanhals de Vivarés
Los productors an besonh d’ajuda per luchar contra un parasit qu’empedís la formacion de la frucha
De productors de castanhas de Vivarés an lançat una campanha de dons en linha per luchar contra lo cinip (Cynips en latin scientific), un parasit qu’ataca las castanhals en empedissent la formacion de la frucha.
Ara qu’arriba lèu lo temps de la recòlta de las castanhas, los productors de la region de Vivarés (lo departament d’Ardecha), dison que lor cal 150 000 èuros per salvar la produccion. “I a de pèrdas de produccion fins al 80%”, çò declarèt a France Info David Loupiac, president del Comitat Interprofessional de la Castanha, qu’es un dels promotors de la campanha dels dons.
De fach, per combatre aquel parasit, fa qualques annadas que largan un insècte nomenat torymus, que se noirís de las larvas dels cinips. Mas aquela solucion es fòrça cara e es pas brica sostenguda per l’INRA nimai pel Ministèri de l’Agricultura.
Vivarés es lo país occitan ont actualament se produtz mai de castanhas.
Ara qu’arriba lèu lo temps de la recòlta de las castanhas, los productors de la region de Vivarés (lo departament d’Ardecha), dison que lor cal 150 000 èuros per salvar la produccion. “I a de pèrdas de produccion fins al 80%”, çò declarèt a France Info David Loupiac, president del Comitat Interprofessional de la Castanha, qu’es un dels promotors de la campanha dels dons.
De fach, per combatre aquel parasit, fa qualques annadas que largan un insècte nomenat torymus, que se noirís de las larvas dels cinips. Mas aquela solucion es fòrça cara e es pas brica sostenguda per l’INRA nimai pel Ministèri de l’Agricultura.
Vivarés es lo país occitan ont actualament se produtz mai de castanhas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'ajustar que la venta de castanhièrs es ennebida dins mantunas regions. Una pèrda pels plantolieristas. Lo prètz de la castanha va créisser pels consumidors.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari