Actualitats
Philippe Poutou quita la direccion del Nòu Partit Anticapitalista
Lo sindicalista occitan prioriza son trabalh a l’usina Ford de Blancahòrt, en Medoc, e qualifica lo comitat executiu de son partit de “tròp parisenc”
Philippe Poutou a renonciat d’èsser lo cap del Nòu Partit Anticapitalista (NPA). Lo sindicalista occitan a informat sos camaradas amb una letra entitolada Ma demission, en lor disent que sòrt de la direccion de l’NPA mas que quita pas lo partit.
Segon aquela letra, publicada per Mediapart, la demission de Poutou es “una contribucion entau progrès” e mai s’evòca de “desacòrdis multiples”. Explica qu’es una decision que fa mai d’un an qu’es a la perpensar e que s’es pas jamai sentit dins sa plaça a la direccion del partit, que qualifica de “tròp parisenca”. “Èri qu’ua «hantauma» au CE [comitat executiu] e aquò desempuish lo començament”, çò ditz. Denóncia “ua incapacitat collectiva de foncionar democraticament”, de “relacions conflictualas, destructritz, usantas, desmoralizantas”.
Es de remarcar que Poutou a pas jamai quitat son pòst de trabalh dins l’usina Ford de Blancahòrt (Medoc). Son pòst e son trabalh sindical aquí son per el prioritaris: “aquò, son los mens limits, ne soi desolat”.
Mas Poutou tanben explica qu’es pas una bona causa de prene aquela decision tot sol, e prepausa als camaradas de ne discutir tranquillament.
Pendent las eleccions presidencialas francesas de 2012, Philippe Poutou e l’NPA avián pres posicion per la reconeissença oficiala de la lenga occitana e per una extension dels poders regionals.
Segon aquela letra, publicada per Mediapart, la demission de Poutou es “una contribucion entau progrès” e mai s’evòca de “desacòrdis multiples”. Explica qu’es una decision que fa mai d’un an qu’es a la perpensar e que s’es pas jamai sentit dins sa plaça a la direccion del partit, que qualifica de “tròp parisenca”. “Èri qu’ua «hantauma» au CE [comitat executiu] e aquò desempuish lo començament”, çò ditz. Denóncia “ua incapacitat collectiva de foncionar democraticament”, de “relacions conflictualas, destructritz, usantas, desmoralizantas”.
Es de remarcar que Poutou a pas jamai quitat son pòst de trabalh dins l’usina Ford de Blancahòrt (Medoc). Son pòst e son trabalh sindical aquí son per el prioritaris: “aquò, son los mens limits, ne soi desolat”.
Mas Poutou tanben explica qu’es pas una bona causa de prene aquela decision tot sol, e prepausa als camaradas de ne discutir tranquillament.
Pendent las eleccions presidencialas francesas de 2012, Philippe Poutou e l’NPA avián pres posicion per la reconeissença oficiala de la lenga occitana e per una extension dels poders regionals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11
Hè, après m'estar rensenhat vésetz bien qu'èi nuançat mons prepaus.
#9
Amic Gabriel Balloux
Lo PNO a pas jamai desliurat de certificat d'occitanisme e ne vòl pas desliurar.
Mas quand nos es prepausat coma o fasètz de nos unir amb çò pejor de l'esquèrra colonialista francesa disèm de non e los amics Lausa e Barcelo que son pas al PNO an la medisha reaccion que nosaus.
#9 Per ieu, l'esquèrra que refusa de comprene la problematica de la liberacion dels pòbles a pas res de progressista. Paco Ibáñez, quand aprenguèt l'ostilitat de Mélenchon (de formacion ideologica lambertista) a las "lengas regionalas", lo qualifiquèt publicament de faissista. Aviá benlèu pas d'a fons tòrt...
#8
N'es pas percé qu'òm hèi pas partida dau PNO qu'òm es anti-occitanista. Mès aquò's vrai qu'après m'èster rensenhat, sui d'acòrd per diser que lo POI es jacobin, tot coma l'Alliance écologiste indépendante e lo costat melenchonista dau Front de gauche ; LO n'en parla briga (çò que vòu pas diser qu'es contra) ; per contra, lo PCF es favorable a les lengas ditas "regionalas", e lo NPA sàbem.
-
A prepaus de Michel Hilaire , qu'interrogèri en 2012 , vachiu l'extrèit de mon article dau Sarmonèir de l'epòca :
Michel Hilaire (Front de Gauche), prumèir
adjunt de Sent Pèir d'Aurilhac e conselhèir generau
de Sent Macari, assaja d'èster un practicant en
matèira de cultura locala. « Qu'il s'agisse de la
pratique du fifre, des danses traditionnelles, de la
cuisine de la lamproie, de l'incitation de mes
collègues élus à une double signalisation
linguistiques des communes ou de l'incitation
directe des lecteurs de mon blog à lire "lo
sarmonèir" ou des histoires du poète caudrotais
Florimond... j'essaie d'être un croyant et pratiquant
ouvert. » Coma consideracions mèi generalas,
estima que « le monolinguisme est un handicap
qu'il s'agira de faire reculer »
Aquò's simplament una question de prioritats :
- per d'uns, la causa centrala (omèi unica) serà l'independéncia de l'Occitània;
- per d'auts, i aurà en prumèir la volentat de se liberar dau jou mondialista, e après, lo pòple liberat s'autò-gestionarà e donc aquerirà de pus en pus d'independéncia.
... Entr'una utopia e una auta, aquò's parelh. L'important es d'i créser.
Mès a fòrça de divisions, nos ridiculìsam tots. E pendent 'queth temps, los gròs partits "UMPS" contunhan de créisher, ... e lo FN demb eths, atirant los que son lassats dau folclorisme de l'altermondialisme ipèr-divisat. Ec repeti, l'union hèi la fòrça, e se cadun hèi de concessions, n'en sortiram mèi fòrts. Nosauts los biologistas ec sàbem : una seuga multi-stratificada gaha mèi de nutriments qu'una seuga monospecifica !
#5
Lo problèma es que totes aqueles
partits anticapitalistas, altermondialistas, per los trabalhaires, l'autodeterminacion daus pòples, lo NPA, LO, lo partit de Schivardi, quauques ecologistas altermondialistas, quauques comunistas non-jacobins (pensi a l'elugit garonés Miquèu Hilaire) son foncièrament F.R.A.N.C.I.S.T.A.S. ......... per èles França es l'ORIZONT INDESPASSABLE.
Lo Partit de Schivardi s'es totjorn lo POI (Partit Obrièr Internacionalista) se pòt pas far mai colonialista qu'èles e lors amics son los de la Libre Pensée que son a far assassinar la Calandreta Lemosina per la justicia coloniala francesa.
Per L.O. los occitans, alzacians, bascos, bretons, catalans, flamencs son FRANCESES .... son de colonialistas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari