Actualitats
Massilia Sound System torna
La banda marselhesa de raggamuffin presenta son disc nòu en Occitània tota e festeja son 30n anniversari
Sèt ans après lor darrièr disc, Massilia Sound System torna. La banda marselhesa de raggamuffin son a virar en tot presentar lor disc nòu Massilia, que la mitat de tèmas i son en occitan, e aital festejan lors 30 ans. L’album serà dins las botigas a partir del 21 d’octòbre.
La banda de Papet, Mossur T, Garri Grèu, Blu, Janvier e lo DJ Kayalik es passada per Catalonha (divendres passat a Perpinhan e dissabte a Manresa). Contunharà al país: 16 d’octòbre a Marselha, 23 d’octòbre a Tornafuèlha (Gasconha Tolosana), 24 d’octòbre a Lemòtges, 31 d’octòbre a l’Uvernada del Borg Sant Dalmatz (Val Ges), 7 de novembre Carpentràs (Comtat Venaicin), 8 de novembre a Narbona, 13 de novembre a Tarba, 14 de novembre a Biàrritz (Bas Ador), 15 de novembre a Aisinas (Grava), 21 de novembre a Rinhac (Bacin de la Sala), 22 de novembre a Tonencs (Naut Agenés), 28 de novembre al Borg de Valença (Valentinés), 29 de novembre al Monastier (Briançonés) e 11 de decembre a Montpelhièr. Al delà passaràn per Villeurbanne (Arpitània) lo 27 de de novembre e per París lo 5 de decembre.
Lo jornal catalan Vilaweb a fach resson de la tornada de la banda Marselhesa, en tot explicar la granda reüssida de la musica en occitan dins lo decenni del 1980 amb los Fabulous Trobadors de Tolosa, Nux Vomica de Niça, Lo Dalfin dins las Valadas… Segon aquel jornal, Massilia Sound System foguèt alavetz “l’expausant màger de l’esclatament del nòu ritme occitan, dempuèi la brusenta e eterogenèa Marselha”.
La banda de Papet, Mossur T, Garri Grèu, Blu, Janvier e lo DJ Kayalik es passada per Catalonha (divendres passat a Perpinhan e dissabte a Manresa). Contunharà al país: 16 d’octòbre a Marselha, 23 d’octòbre a Tornafuèlha (Gasconha Tolosana), 24 d’octòbre a Lemòtges, 31 d’octòbre a l’Uvernada del Borg Sant Dalmatz (Val Ges), 7 de novembre Carpentràs (Comtat Venaicin), 8 de novembre a Narbona, 13 de novembre a Tarba, 14 de novembre a Biàrritz (Bas Ador), 15 de novembre a Aisinas (Grava), 21 de novembre a Rinhac (Bacin de la Sala), 22 de novembre a Tonencs (Naut Agenés), 28 de novembre al Borg de Valença (Valentinés), 29 de novembre al Monastier (Briançonés) e 11 de decembre a Montpelhièr. Al delà passaràn per Villeurbanne (Arpitània) lo 27 de de novembre e per París lo 5 de decembre.
Lo jornal catalan Vilaweb a fach resson de la tornada de la banda Marselhesa, en tot explicar la granda reüssida de la musica en occitan dins lo decenni del 1980 amb los Fabulous Trobadors de Tolosa, Nux Vomica de Niça, Lo Dalfin dins las Valadas… Segon aquel jornal, Massilia Sound System foguèt alavetz “l’expausant màger de l’esclatament del nòu ritme occitan, dempuèi la brusenta e eterogenèa Marselha”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Melhau escririá "far", non pas "faire", m'es d'avís.
Sonqu'una pichòta remarca de Roergàs purista... Rinhac es pas dins lo Bacin de la Sala, es dejà dins lo Segalar... Mas nos en trufam, lo 21 de novembre Rinhac serà Provençala non?
Perque n'en parlatz ? Van faire una collaboracion coma l'Alide Sans ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari