Dissabte 11 d’octobre de 2014, una estapa de mès dens lo (long) camin deu rugbi occitan estoc trespassada a l’Ostal d’Occitània de Tolosa dab la purmèra amassada de trabalh sus la formacion d’una vertadèra associacion.
Nos èm retrobats dab lo vam deus pionèrs, deus quaus uns noms plan coneishuts deu Jornalet, ende pausar las basas de la Federacion Occitana de Rugbi que neishoc, un còp los estatuts discutits e aprovats, suu còp de mieidia. Lo depaus en prefectura seguirà lèu.
Los estatuts de la federacion precisan plan qu’es “una entrepresa de vocacion umanista que’s reconeish dens las valors de l’educacion populara, que son la solidaritat, l’entreajuda e l’egalitat entre los individús e los pòbles ende lutar contra totas formas de discriminacion e favorizar atau l’escota de se medish e de l’aute, coma la presa de responsabilitat, la vida de grop e la libertat de causir.”
Atau, la Federacion Occitana de Rugbi se balha mejans ende sensibilizar tota mena de publics sus la practica d’un rugbi educatiu dab coma mira de crear tornegs, campionats, copas e seleccions.
L’utilizacion non negociabla de la lenga occitana coma lenga usuala estoc tanben gravada dens aquestes estatuts.
Lo sonvénguer deus precursors de La Mesclanha (o Associacion Occitana peu Retorn de la Finala dens lo Sud) planava sus aquera amassada, çò que pròva plan que, s’èm capborruts, finissèm totjorn per arribar a la mira.
Un còp los paus apitats, la navèra Federacion Occitana de Rugbi espèra fòrça monde ende vénguer participar a la benalèja. E solide, totas las bonas volontats son e seràn planvengudas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
'Na plan bona novela ! Ten, una ideia per la FOR. Parlatz de championat, torneg, echa. Ai imaginat una mena de torneg un pauc sus lo modele dau de las 6 nacions : las 7 provincias, las dau Felibritge, coma las set branchas de la senta estela. Un torneg emb una seleccion per provincia (en tot esperar que lo Lemosin ganharà de segur !!)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
'Na plan bona novela ! Ten, una ideia per la FOR. Parlatz de championat, torneg, echa. Ai imaginat una mena de torneg un pauc sus lo modele dau de las 6 nacions : las 7 provincias, las dau Felibritge, coma las set branchas de la senta estela. Un torneg emb una seleccion per provincia (en tot esperar que lo Lemosin ganharà de segur !!)
Plan bona novela,longa vita a la FOR !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari