Actualitats
Jean Tirole, de l’Universitat de Tolosa, a ganhat lo Prèmi Nobel de l’economia
Lo cercaire ha estudiat los monopòlis e cossí cal regular las grandas corporacions
L’Acadèmia Suedesa de las Sciéncias decidiguèt ièr d’autrejar lo Prèmi Nobel de l’economia al cercaire de l’Universitat de Tolosa, Jean Tirole, per son “analisi del poder del mercat e de la regulacion”. Lo professor laureat a estudiat cossí la regulacion dels mercats monopolistics pòt pas èsser unitària e cossí se deu adaptar a las especificitats de cada mercat.
“Mercés, soi plan onorat e fòrça esmogut”, çò diguèt Tirole dins la conferéncia de premsa que faguèt en connexion telefonica. De son costat, lo comitat Nobel a presentat lo cercaire tolosan coma “un dels economistas mai influents de nòstra epòca”.
Lo prèmi a una dotacion de 8 milions de coronas suedesas, aperaquí 882 000 èuros, e se liurarà amb totes los autres Prèmis Nobel d’ongan, lo 10 de decembre.
Aquel guierdon, que son nom oficial es “Prèmi de la Banca de Suècia en Sciéncias Economicas en Memòria d’Alfred Nobel”, es lo sol qu’es pas previst dins lo testament de l’inventor de la dinamita. Lo creèt la banca centrala de Suècia e s’autregèt per lo primièr còp en 1969.
“Mercés, soi plan onorat e fòrça esmogut”, çò diguèt Tirole dins la conferéncia de premsa que faguèt en connexion telefonica. De son costat, lo comitat Nobel a presentat lo cercaire tolosan coma “un dels economistas mai influents de nòstra epòca”.
Lo prèmi a una dotacion de 8 milions de coronas suedesas, aperaquí 882 000 èuros, e se liurarà amb totes los autres Prèmis Nobel d’ongan, lo 10 de decembre.
Aquel guierdon, que son nom oficial es “Prèmi de la Banca de Suècia en Sciéncias Economicas en Memòria d’Alfred Nobel”, es lo sol qu’es pas previst dins lo testament de l’inventor de la dinamita. Lo creèt la banca centrala de Suècia e s’autregèt per lo primièr còp en 1969.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jean Tirole es lo director d'una escòla qu'es finançada per de financièrs per suportar l'ideologia neoliberala. I a pas de qué èsser fièrs qu'aquela escòla siá a Tolosa.
Veire l'article "Jean Tirole, prix Nobel des « imposteurs de l’économie » - Laurent Mauduit, Mediapart, 13 octobre 2014" sul site "Sauvons l'université" (http://www.sauvonsluniversite.com/spip.php?article7158) que dona un ligam cap a un repòrt de la cort dels Comptes que denóncia aquela ingeréncia de la Finança (http://www.mediapart.fr/files/TSE_Cour_des_comptes.pdf)...
Fa páur!
Coneissa pas las tesas d'aquel òme mas veiqui las mias.
L'economia quo es simple a comprener. Mon pair, que sabià ni legir ni escriure, contava aquela nhorla:
"Lo pair disset a son filh:" Tu, feras los paniers, ieu los vendrai." E mon pair disià: lo qual daus dos a ganhat lo mai d'argent?
1o 2 seglas de capitalisme respondet:
Per ganhar lo mai d'argent, chau espleitar lo productor, l'obrier, las resorças prumieras, lo client. Fau se dire : "Mielhs vau fabricar daus dechets que daus nutriments; l'om pòd poluar si aquò deu raportar de l'argent. Mielhs vau suprimar las subvencions a d'un scientific que trobaria la possibilitat de fabricar de l'electricitat gratuita per tot lo mondre. Esitatz pas a chaptar lo politic qu'a dau poder, las chadenas de television e tots los medias.
Regularisar lo mercat es una bona ideia . Daus uns porian pensar que lo trafic qu'arieba a Marselha poria esser deviat vers las montagnas occitanas e irigats tota l'occitanià pus leu que s'en anar vers Lion.
I a de que soscar. Mas, es quò que lo monde d'en bas an lo dreit de soscar, anuech au pais de la pensada unica?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari