Actualitats
Air France redutz dètz destinacions al despart de Tolosa
Los vòls jornalièrs a París-Orly davalan de 27 a 25
Air France a decidit de reduire 10 destinacions al despart de l’aeropòrt de Tolosa-Blanhac a partir del 26 d’octòbre per la sason d’ivèrn. Segon çò que rapòrta La Dépêche, la societat francesa d’aviacion o justifica amb la crisi e amb la fòrta concurréncia de nombrosas destinacions que partisson de la Vila Ròsa. Aquelas linhas seràn, normalament, suspendudas fins al 28 de març de 2015.
Alavetz, aqueste ivèrn i aurà pas de vòls entre Tolosa e Atenas, Berlin, Casablanca, Amborg, Malaga, Malta, Nàpols, Praga, Sevilha e Venècia. Solament Marraquèsh es conservat amb dos vòls per setmana.
Lo personal d’Air France que trabalha a l’aeropòrt de la Ciutat Mondina serà redesplaçat sus las autras destinacions que son París-Orly, Roissy, Estrasborg e Lion.
De mai, los vòls jornalièrs a l’aeropòrt de París-Orly davalan de 27 a 25, e mai s’Air France ditz qu’aumenta las capacitats pendent las oras de poncha. Al delà, en luòc de l’Airbus 319, s’emplegarà d’A320 e d’A321 qu’an mai de capacitat de viatjaires.
Alavetz, aqueste ivèrn i aurà pas de vòls entre Tolosa e Atenas, Berlin, Casablanca, Amborg, Malaga, Malta, Nàpols, Praga, Sevilha e Venècia. Solament Marraquèsh es conservat amb dos vòls per setmana.
Lo personal d’Air France que trabalha a l’aeropòrt de la Ciutat Mondina serà redesplaçat sus las autras destinacions que son París-Orly, Roissy, Estrasborg e Lion.
De mai, los vòls jornalièrs a l’aeropòrt de París-Orly davalan de 27 a 25, e mai s’Air France ditz qu’aumenta las capacitats pendent las oras de poncha. Al delà, en luòc de l’Airbus 319, s’emplegarà d’A320 e d’A321 qu’an mai de capacitat de viatjaires.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Concretament es una Ryanairisacion, dins la continuitat de l'istòria de Transavia en effet. Es pron conoissut que lei linhas Air França regularias de provinça son pas fòrça rentablas, e que son un pauc la sobra d'un esperit de servici public qu'es a mand de disapareisser (quitament se era un pauc un "servici public per lei rics").
#1 Transavia per exemple ? ;-)
Air Rance...
Es de creire que fan tot per nos far causir la concurréncia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari