“La quimia es preciosa.” Amb aquesta frasa s’aculhís los vesitaires del sit Beautiful Chemistry, una iniciativa collaborativa entre l’Universitat de Sciéncia e Tecnologia de China e la Tsinghua University Press per visualizar lo prètzfach scientific al près del public en general, a travèrs dels mejans numerics e la tecnologia. Un dels mejans utilizats es Beautiful Reactions, un ensemble de vidèos espectacloses que mòstran la beutat de las reaccions quimicas.
 
I a d’exemples de precipitacion, de cristallizacion, de cambiaments de color… Al total son uèch vidèos, faches per Yan Liang amb una camèra Panasonic GH4.