Ger ser se jogava lo prumèr quart de finala d'aqueth Euro. Se son pas estat tostemps hèra bons en las partidas de poras, Portugal èra favorit fàcia a una equipa de Republica Chèca que pensàvam pas retrobar aquí après un prumèr encontre perdut 4 a 1 contra Russia.
En un encontre pro disputat, los portugués an confirmat lor superioritat. Son estats los mei dangerós e an naturalament obèrt la marca sonque 10 minutas abans la fin de la partida. Ei Cristiano Ronaldo qui a marcat d'un bon còp de cap sus un servici de Moutinho. Lo capitani de la seleccion portuguesa, après duas prumèras partidas completament mancadas, ei entrat a de bonas en la competicion.
Deu son costat, Republica Chèca a provat qu'avè un collectiu coerent e motivat. Mes èra pas sufisent per rivalizar dab las mei bonas equipas europèas, a l'imatge d'un Milan Baroš qu'ei luenh de son nivèu de mei bon golaire de l'Euro 2004 ... que se debanava justament au Portugal.
Portugal encontrarà en mieja finala lo ganhant de l'encontre d'aqueste ser: Espanha o França.
Matieu Casanòva
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari