Actualitats
De mobilizacions a Pau e a Lanamesa per demandar la liberacion de Georges Ibrahim Abdallah
L’activista libanés es intrat dins sa 31a annada de detencion
Qualques centenats de personas manifestèron ièr dimenge davant la preson de Lanamesa (Manhoac) en demandant la liberacion de Georges Ibrahim Abdallah, l’activista libanés de 63 ans que foguèt empresonat en Occitània fa 31 ans per complicitat d’assassinat, e qu’es pas jamai estat liberat perque lo consideravan de “perilhositat especiala”.
Dissabte, un grop d’activistas de Libertat s’èran encadenats davant la prefectura dels Pirenèus Atlantics per exigir la liberacion del presonièr politic libanés e per cridar a la manifestacion de dimenge. Tres militants foguèron detenguts, menats al comissarat e retenguts 3 oras jol regim de gàrdia a vista.
31 ans en preson
Abdallah foguèt arrestat en 1984 a Lion (Arpitània), acusat de portar de documents falses e de téner d’armas amb d’explosius. En 2003, ja li autregèron la libertat condicionala mas lo liberèron pas ça que la.
Libanés, de familha crestiana maronita, comunista, antisionista e antiimperialista, Georges Ibrahim foguèt, en 1979, un dels principals promotors de las Fraccions Armadas Revolucionàrias Libanesas (FARL), una organizacion armada que se definissiá marxista, revolucionària e arabista, e que centrèt la siá activitat contra la preséncia coloniala israeliana, estatsunidenca e francesa en Liban.
Las FARL revendiquèron los assassinats de Ray Charles, adjonch militar de l’ambaissada dels Estats Units en França, e de Yakov Marsimantov, cap del Mossad en territòri francés, coma reaccion al masèl de Sabra e Shatila.
Abdallah foguèt condemnat a quatre ans de preson en 1984, mas en 1987 la condemnacion passèt a perpetuitat, amb un maxim de 15 ans, per complicitat amb los assassinats de Charles e Marsimantov.
En 2003, deviá èsser liberat, mas, quand Dominique Perben èra ministre de la justícia, lo procuraire de Pau faguèt un recors contra la decision per “l’impacte susceptible de se provocar en França, Israèl e los Estats Units amb la siá liberacion”.
Totas las demandas de libertat condicionala d’Abdallah li foguèron refusadas, per presentar “una perilhositat especiala”, e mai se los grops armats ont aviá militat existissián pas pus.
En genièr de 2013, la cambra d’aplicacion de las penas de París, qu’examinava la question en apelacion, accediguèt a l’ochena demanda de liberacion en la condicionant a un decret d’expulsion del “territòri francés”; mas Abdallah foguèt pas liberat a causa dels trecimacis de la maquina politicojudiciària francesa.
Dissabte, un grop d’activistas de Libertat s’èran encadenats davant la prefectura dels Pirenèus Atlantics per exigir la liberacion del presonièr politic libanés e per cridar a la manifestacion de dimenge. Tres militants foguèron detenguts, menats al comissarat e retenguts 3 oras jol regim de gàrdia a vista.
31 ans en preson
Abdallah foguèt arrestat en 1984 a Lion (Arpitània), acusat de portar de documents falses e de téner d’armas amb d’explosius. En 2003, ja li autregèron la libertat condicionala mas lo liberèron pas ça que la.
Libanés, de familha crestiana maronita, comunista, antisionista e antiimperialista, Georges Ibrahim foguèt, en 1979, un dels principals promotors de las Fraccions Armadas Revolucionàrias Libanesas (FARL), una organizacion armada que se definissiá marxista, revolucionària e arabista, e que centrèt la siá activitat contra la preséncia coloniala israeliana, estatsunidenca e francesa en Liban.
Las FARL revendiquèron los assassinats de Ray Charles, adjonch militar de l’ambaissada dels Estats Units en França, e de Yakov Marsimantov, cap del Mossad en territòri francés, coma reaccion al masèl de Sabra e Shatila.
Abdallah foguèt condemnat a quatre ans de preson en 1984, mas en 1987 la condemnacion passèt a perpetuitat, amb un maxim de 15 ans, per complicitat amb los assassinats de Charles e Marsimantov.
En 2003, deviá èsser liberat, mas, quand Dominique Perben èra ministre de la justícia, lo procuraire de Pau faguèt un recors contra la decision per “l’impacte susceptible de se provocar en França, Israèl e los Estats Units amb la siá liberacion”.
Totas las demandas de libertat condicionala d’Abdallah li foguèron refusadas, per presentar “una perilhositat especiala”, e mai se los grops armats ont aviá militat existissián pas pus.
En genièr de 2013, la cambra d’aplicacion de las penas de París, qu’examinava la question en apelacion, accediguèt a l’ochena demanda de liberacion en la condicionant a un decret d’expulsion del “territòri francés”; mas Abdallah foguèt pas liberat a causa dels trecimacis de la maquina politicojudiciària francesa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
30 ans de gàbia ! Res mens… A desparts dels presonièrs potlitics basques (e per las metiessas malas rasons), me trobaretz un autre condamnat; trafegant d'armas, trafegant de drògas duras, trafegant de carn umana (macarèl), tuaire gatjat, qu'aja jamai passat tant de temps dins una gàbia. França, tèrra de libertat e de dreits umans !
Donc, acabat lo" vam" de solidaritat damb Libertat qu'an pas sauput ensenhar l'occitan a un Ibrahim Abdallah, simbòl, a partir d'aquò, d'un combat sens interès per la causa universala que son la justícia e la libertat.
A lor, pas d'òme providencial, de figura sublimada, lo collectiu per una causa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari