Actualitats
Los palhassos que semenan la terror son arribats en Occitània
Los agressors vestits de palhasso an començat d’aparéisser dins lo nòrd de França e ara n’i a en Peiregòrd e Lengadòc
Almens sièis denóncias se son fachas en Montpelhierenc e Besierés a prepaus d’agressions amb de “palhassos que semenan la terror”. S’agís d’un fenomèn que se propaga sus Facebook, e qu’ara es arribat en Lengadòc.
Dissabte detenguèron catòrze adolescents vestits aital, que portavan de pistolets, de cotèls e de batedors de beisbòl sul pargatge d’un licèu d’Agde (Montpelhierenc) après las alèrtas de qualques testimònis. Meses en gàrdia a vista, foguèron remeses en libertat dimenge de matin.
Mentretant, a Montpelhièr, un òme de 35 ans foguèt batut amb una barra de fèrre per un individú mascat de palhasso e dos complices. Los tres agressors son estats detenguts segon çò que rapòrta Libération.
A Palavàs (Montpelhierenc), Tesan de Besièrs e Cecenon (Besierés), tres automobilistas faguèron lor denóncia per èsser estats victimas de “palhassos espaventoses”, segon çò que rapòrta l’agropament de gendarmariá d’Erau.
Divendres de ser, la polícia detenguèt un jove mascat de “palhasso agressiu” que veniá de damatjar la veitura d’un automobilista a Massilhan (Montpelhierenc).
En Peiregòrd
L’11 d’octòbre passat i aguèt ja de cases d’aquel tipe d’agressions en Peiregòrd. La polícia detenguèt un jove de 16 ans, completament desguisat de “palhasso marrit”, que veniá de terrorizar qualques personas, a Peireguers. Segon la declaracion del detengut a la polícia, lo jove se seriá inspirat de Pennywise (en francés “Gripsou”), lo palhasso tuaire del roman d’Stephen King. Una adolescenta que faguèt sa denóncia diguèt qu’aguèt “la paur de sa vida”.
Dissabte detenguèron catòrze adolescents vestits aital, que portavan de pistolets, de cotèls e de batedors de beisbòl sul pargatge d’un licèu d’Agde (Montpelhierenc) après las alèrtas de qualques testimònis. Meses en gàrdia a vista, foguèron remeses en libertat dimenge de matin.
Mentretant, a Montpelhièr, un òme de 35 ans foguèt batut amb una barra de fèrre per un individú mascat de palhasso e dos complices. Los tres agressors son estats detenguts segon çò que rapòrta Libération.
A Palavàs (Montpelhierenc), Tesan de Besièrs e Cecenon (Besierés), tres automobilistas faguèron lor denóncia per èsser estats victimas de “palhassos espaventoses”, segon çò que rapòrta l’agropament de gendarmariá d’Erau.
Divendres de ser, la polícia detenguèt un jove mascat de “palhasso agressiu” que veniá de damatjar la veitura d’un automobilista a Massilhan (Montpelhierenc).
En Peiregòrd
L’11 d’octòbre passat i aguèt ja de cases d’aquel tipe d’agressions en Peiregòrd. La polícia detenguèt un jove de 16 ans, completament desguisat de “palhasso marrit”, que veniá de terrorizar qualques personas, a Peireguers. Segon la declaracion del detengut a la polícia, lo jove se seriá inspirat de Pennywise (en francés “Gripsou”), lo palhasso tuaire del roman d’Stephen King. Una adolescenta que faguèt sa denóncia diguèt qu’aguèt “la paur de sa vida”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Que i a tanben un roman de Stephen King qui presenta au començament palhassas inquietants, que s'apèra "Ça" en francés.
Ieu disi un palhassa coma disi tanben un caraca sai pas s'es correcte o non.
#2 Gratuïta ? Que non pas ! I fan pel plaser d'i far, pel plaser… Aquò a un nom : perversitat, e es vièlh coma lo mond uman, ailàs. Sonque la presentacion càmbia. Los personatges del Marqués de Sada son pas gaire melhors, me sembla.
L'an trapat lo Palhasso Dolent:
http://www.imagesup.net/?di=4141449091813
Satanàs e sas òbras... Fa tanben pensar al cap d'òbra de Stanley Kubrick, 'A Clockwork Orange': la violéncia gratuita...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari