Actualitats
Aran: Bausen e Canejan que vòlen votar eth 9 de noveme
Era ANC reclame ara Generalitat de Catalonha que i facilite eth vòte, qu’ara non ei possible per problèmes burocratics
Era assemblada territoriau aranesa dera ANC, Aran pera Independéncia, reclame ara Generalitat que facilite eth procès participatiu enes pòbles de Bausen e Canejan.
Bausen e Canejan non son compdadi ena lista de municipis a on se poderà votar eth 9 de noveme que ven, mès per contra es consistòris qu’arresponeren positivaments ara sollicitud deth Govèrn de Catalonha e que facilitèren un locau municipau entà qu’es vesins e es vesies poguessen votar. Aqueri dus municipis aranesi non an cap de secretari municipau pròpri, solet n’an un que ven quauques ores per setmana. B’ei per açò que Bausen arresponec ara demanda dera Generalitat damb un dia de retard e Canejan damb 3 dies.
Era ANC-Aran pera Independéncia a demanat en reïterades escadences qu’eth Govèrn dera Generalitat de Catalonha comprengue era situacion d’aqueri dus municipis. I a es volentaris que cau entà assegurar-i era dubertura des burèus de vòte e i a vesins que reclamen eth sòn dret a poder votar sense auer-se de desplaçar. Mès enquia ara, era burocracia dera Generalitat de Catalonha ac a empedit.
Ei per aquerò qu’era ANC-Aran pera Independéncia demane ara Generalitat de Catalonha que rectifique e hèsque possible qu’es vesins e es vesies de Bausen e Canejan posquen participar liuraments deth procès participatiu, sense auer de hèr un desplaçament long e incomòde, e poder decidir coma toti eth futur de Catalonha e Aran.
ANC-Aran pera Independéncia
Bausen e Canejan non son compdadi ena lista de municipis a on se poderà votar eth 9 de noveme que ven, mès per contra es consistòris qu’arresponeren positivaments ara sollicitud deth Govèrn de Catalonha e que facilitèren un locau municipau entà qu’es vesins e es vesies poguessen votar. Aqueri dus municipis aranesi non an cap de secretari municipau pròpri, solet n’an un que ven quauques ores per setmana. B’ei per açò que Bausen arresponec ara demanda dera Generalitat damb un dia de retard e Canejan damb 3 dies.
Era ANC-Aran pera Independéncia a demanat en reïterades escadences qu’eth Govèrn dera Generalitat de Catalonha comprengue era situacion d’aqueri dus municipis. I a es volentaris que cau entà assegurar-i era dubertura des burèus de vòte e i a vesins que reclamen eth sòn dret a poder votar sense auer-se de desplaçar. Mès enquia ara, era burocracia dera Generalitat de Catalonha ac a empedit.
Ei per aquerò qu’era ANC-Aran pera Independéncia demane ara Generalitat de Catalonha que rectifique e hèsque possible qu’es vesins e es vesies de Bausen e Canejan posquen participar liuraments deth procès participatiu, sense auer de hèr un desplaçament long e incomòde, e poder decidir coma toti eth futur de Catalonha e Aran.
ANC-Aran pera Independéncia
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1- Omnia vincit libertatis
Santa Burocracia, ora pro nobis!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari