#2 Soi d'accòrdi ambe lo Sèrgi quant a la critica sul biais pacific de la manifestacion. Me sembla (mas me pòdi enganar, èri pas sus plaça) que la manifestacion de dissabte passat èra ben pacifica coma l'ensemble de la mobilizacion del Testet mas que los eveniments de la nuèch foguèron mai de batèstas entre ultràs e fòrças militaras amenats per l'agrevament del conflicte après mantuns meses de violéncias d'Estat qu'an fach poirir l'afar. Lo Remèsi Fraisse qu'èra pas conegut per èsser militant de la violéncia a benlèu naturalament (disi naturalament perque auriai pogut far la meteissa causa !) ganhat los rengs dels ultras per òdi d'aquesta repression que podia pas menar quicòm d'autre que mai de violencias. Lo problèma es qu'aquestas batestas son esterilas e menan pas a res mas a 20 ans, zo sabèm pas encara pecaire !
Quant a la legitimitat del projècte, lo debat demòra dubèrt e quitament se dobti largament qu'aquesta aiga sia pas reservada a la cultura intensiva (si si sus 40 ha es possible !) de milhòc per qualques "espleitadors" agricòls pòdi entendre (se òm me'n pòrta la pròva) que lo baratge a aqueste endrech èra necite. Era segurament mai simple de desbosigar la forèst puslèu que de lo far mai naut sus de tèrras agricòlas al risca de dintrar en conflicte ambe los meteis "espleitadors" (FNSEA e autres pecs...) e tot aquò ambe l'argent public plan evidentament.
Mas quand los politics locals e los representants de l'Estat an vist la mobilizacion qu'aquò menava, lor dever de democrats seria estat de pas començar aqueste massacre e de tornar far l'enquèsta publica que foguèt mai que suspècte òm diria (coma sovent d'alhors). Mas França a un fonccionament democratic?
Ara, i a un paure jove tuat, un pais devesit e enrabiat e una plaga irremediabla dins la forèst milenària de Sivens ont jamai pus res serà coma abans quitament se los pecs del CG vòtan o vòtan pas...
Es a regantar !

#3- Sembla pas que ne parla pas; ne parla pas !

Es damatge per paratge que los jornalistas del Jornalet.com balhen doas contra-vertats dins aqueste article. Son de contra vertats e pas un manca d'informacion.
Primièrament: "protèsta populara e pacifica", aquò's mespresar lo legeires quand totes an vist en bocla a la television los marginals agarrir de longa las fòrças d'ocupacion. An tanben vist los degalhs ocasionats pels sacamands dins las vilas de Galhac e d'Albi. Al Testet (demòri a vint quilomètres) avem costuma de dire que "çò que se vei s'amaga pas". Es una expression idiomatica fòrça emplegada. Perqué lo Jornalet.com contunha de dire que los ocupants son de "pacifics"? (emai n'i a plan solide mas son 150 a voler, non pas transformar la societat, mas la destrusir). Probablament un problèma per percebre correctament la realitat.
Segondament: "d’esplechaires practicant l’agricultura intensiva". Evidentament es fals. E los qu'o vòlon pas entendre o pòdon anar verificar sus plaça. Es encara çò melhor. Se tracha d'una agriculra familiala. D'alhors lo rapòrt dels expèrts ditz plan que la mejana de las expleitacions es de 30/40 ectaras (me rebrembi pas mas cadun pòt anar verificar). Ara se 30/40 ectaras es d'agricultura industriala, es a ieu de m'anar far suènhar. Aièr i aviá justament a F3 un reportatge sus l'agricultura dins la val de Tescon. Faguèron parlar una agricultritz que solide demanda la construccion d'aquela restanca desempuèi 30 ans. Sabi pas se l'an causida exprès, mas èra una agricultritz biò!
Anem, passatz una bona jornada.

Uns quants mots de Edwin Plenel. Textualament : "(...) en hommage à Rémi Fraisse et à tous ces jeunes qui font bouger les lignes, qui bousculent un monde vieux qui ne sait pas encore qu'il est mort, qui inventent l'avenir par-dessus tous les préjugés, tous les conformismes(...)"