Actualitats
Marselha: probabla anullacion d’un matrimòni omosexuau
En aost passat, una elegida municipala s’èra fach remplaçar per lo celebrar pas
Divendres 31 d’octòbre, lo ministèri public de Marselha anoncièt qu’un matrimòni omosexuau, celebrat dins la vila en aost passat dins l’8n sector, s’anullèra probable.
Lo 16 d’aost passat, Na Sabina Hout, una conselhiera municipala socialista de religion musulmana, alora consolessa adjoncha a la familha —aguèt de renonciar a aquela foncion fa doas setmanas—, veniá de celebrar dos matrimònis, e se faguèt remplaçar quand se tractèt de maridar doas femnas d’un cinquantenat d’ans.
Aqueu remplaçament sobde ten dos problèmas juridics: lo remplaçant, un conselhier d’arredondiment, èra pas abilitat a celebrar de maridatges, e s’utilizèt lo nom d’un autre elegit, eu absent au moment de la ceremònia. Na Sabina Hout expliquèt puei que s’èra trobada mau, mai lei dos foncionaris municipaus presents e lo conselhier d’arredondiment que la remplacèt dison que la consolessa adjoncha lor parlèt de sei conviccions religiosas e de la pression de sei fraires.
Se prevei una audiéncia per anullacion dimars e la decision deuriá aver luòc en decembre. Entretant, lei doas maridadas, qu’o seràn pus probable ben lèu, pensan de denonciar davant la justícia l’elegida municipala que refusèt de celebrar la ceremònia. Na Samia Ghali, la senatritz consolessa socialista de l’8n sector de Marselha —que correspònd ai 15n e 16n arredondiments, lei Quartiers Nòrd— tanben li a levada la delegacion que li permetiá de maridar lei gents en sa plaça.
GJB
Lo 16 d’aost passat, Na Sabina Hout, una conselhiera municipala socialista de religion musulmana, alora consolessa adjoncha a la familha —aguèt de renonciar a aquela foncion fa doas setmanas—, veniá de celebrar dos matrimònis, e se faguèt remplaçar quand se tractèt de maridar doas femnas d’un cinquantenat d’ans.
Aqueu remplaçament sobde ten dos problèmas juridics: lo remplaçant, un conselhier d’arredondiment, èra pas abilitat a celebrar de maridatges, e s’utilizèt lo nom d’un autre elegit, eu absent au moment de la ceremònia. Na Sabina Hout expliquèt puei que s’èra trobada mau, mai lei dos foncionaris municipaus presents e lo conselhier d’arredondiment que la remplacèt dison que la consolessa adjoncha lor parlèt de sei conviccions religiosas e de la pression de sei fraires.
Se prevei una audiéncia per anullacion dimars e la decision deuriá aver luòc en decembre. Entretant, lei doas maridadas, qu’o seràn pus probable ben lèu, pensan de denonciar davant la justícia l’elegida municipala que refusèt de celebrar la ceremònia. Na Samia Ghali, la senatritz consolessa socialista de l’8n sector de Marselha —que correspònd ai 15n e 16n arredondiments, lei Quartiers Nòrd— tanben li a levada la delegacion que li permetiá de maridar lei gents en sa plaça.
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que los omosexuals se consòlen coma o poiràn, en esperant una societat de dreits egals vertadièra : fa nòu sègles, dins lo país nòstre, que sabèm qu'Amor non es maridatge.
La religion per damont la lei: es l'avenidor que nos espèra se contunham de far los estrucis.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari