Actualitats
De susmautas a Tolosa après la manifestacion d’omenatge a Rémi Fraisse
De mèdias alternatius denóncian la preséncia d’individús d’extrèma drecha qu’agisson conjonchament amb la polícia per originar los incidents
Una manifestacion d’omenatge a Rémi Fraisse se debanèt dissabte passat a Tolosa. Que s’acabèt amb d’incidents.
La protèsta comencèt amb un omenatge al jove tolosan mòrt a Sivens lo 26 d’octòbre passat a causa d’una granada lacrimogèna lançada per la polícia. En seguida, qualques centenats de personas (600 segon la polícia) manifestèron contra las violéncias policièras. “Tolosa quilha-te, un camarada es mòrt”, çò cridavan los manifestants.
Un grop de manifestants respondèron als lançaments de gases lacrimogèns de la polícia en getant de caladas. Los mai exaltats incendièron de bordilhièrs e quitament esclapèron la veirina d’una agéncia bancària. Lo resultat es de desenats de ferits e almens sièis arrestats segon d’informacions de l’AFP.
Los mèdias mai importants criminalizan lo vandalisme dels manifestants, mentre que de mèdias alternatius denóncian la preséncia d’individús d’extrèma drecha qu’agisson conjonchament amb la polícia per originar los incidents.
D’autras manifestacions d’omenatge a Rémi Fraisse se son debanadas per tot l’estat francés. A Nantas (Bretanha), la manifestacion d’omenatge a Fraisse foguèt fòrça nombrosa, e tanben violenta. E mai se lo prefècte aviá dich que cap de flashball s’èra pas emplegat, un jove foguèt grèvament ferit al nas per una d’aquelas balas.
Fòto: Taranis News
La protèsta comencèt amb un omenatge al jove tolosan mòrt a Sivens lo 26 d’octòbre passat a causa d’una granada lacrimogèna lançada per la polícia. En seguida, qualques centenats de personas (600 segon la polícia) manifestèron contra las violéncias policièras. “Tolosa quilha-te, un camarada es mòrt”, çò cridavan los manifestants.
Un grop de manifestants respondèron als lançaments de gases lacrimogèns de la polícia en getant de caladas. Los mai exaltats incendièron de bordilhièrs e quitament esclapèron la veirina d’una agéncia bancària. Lo resultat es de desenats de ferits e almens sièis arrestats segon d’informacions de l’AFP.
Los mèdias mai importants criminalizan lo vandalisme dels manifestants, mentre que de mèdias alternatius denóncian la preséncia d’individús d’extrèma drecha qu’agisson conjonchament amb la polícia per originar los incidents.
D’autras manifestacions d’omenatge a Rémi Fraisse se son debanadas per tot l’estat francés. A Nantas (Bretanha), la manifestacion d’omenatge a Fraisse foguèt fòrça nombrosa, e tanben violenta. E mai se lo prefècte aviá dich que cap de flashball s’èra pas emplegat, un jove foguèt grèvament ferit al nas per una d’aquelas balas.
Fòto: Taranis News
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La policia tirant gasos sus los manifestant es una actuació criminal, e cal que sia lo foll tret del cos, mas los manifestants no han de caure amb les provocacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari