Actualitats
Son pas de galantariás, es de secutament
Vilaweb a fach una rejoncha de vidèos que denóncian lo secutament de las femnas per carrièras
Es a percórrer lo web un vidèo qu’ensenha lo secutament que patís una femna quand va per carrièras. De comentaris importuns, d’agaches e fins a un centenat de mòstras de secutament de tota sòrta, pendent dètz oras en Nòva York, resumidas dins un filmet de doas minutas. Es pas lo sol que se pòt veire sul ret, d’autras organizacions an denonciat de la meteissa faiçon lo secutament de las femnas per carrièras. E podèm quitament trobar qualques filmets que capviran los faches en metent los òmes en plaça de las femnas per far mai evidenta certanas agressions que son socialament acceptadas. Segon l’ÒNU, lo 99% de las femnas se son sentidas secutadas qualque còp.
L’organizacion Hollaback consagra son activitat a luchar contra lo secutament sexual per carrièras als Estats Units. Aquel vidèo foguèt enregistrat amb una camèra amagada e, una setmana après sa publicacion, recebèt aperaquí vint milions de vesitas. L’actritz del filme denoncièt qu’après la publicacion recebèt de menaças de violacion:
Coma aqueste vidèo viral de Nòva York, d’autres vidèos se son enregistrats. Per exemple, se’n publiquèt un fa dos ans sul secutament sexual per las carrièras de Brussèlas. Entitolat Femme de la rue (femna de la carrièra), generèt fòrça debat. S’i pòt veire de femnas qu’explican qu’evitan de portar de gonèlas per anar en mètro e s’i denóncia la practica abituala del secutament per carrièras:
Aqueste autre vidèo es del Caire, fach per las cineastas Colette Ghunim e Tinne Van Loon, e fa partida d’un projècte documentari per denonciar lo secutament en Egipte: The people’s girls (las gojatas del pòble). Dins aqueste fragment se pòt veire la reaccion dels òmes quora una femna arriba pel costat del pont:
Una autra organizacion que se consagra justament a denonciar e combatre lo secutament de las femnas per carrièras es Stop Street Harassment. “Fiular, far de comentaris sexuals explicits, de comentaris sexistas, d’insultes omofòbs, d’agachadas de biscanti… La màger part de las femnas e qualques òmes afrontan per carrièras lo secutament venent de personas que coneisson pas, solament per de questions de genre. Lo secutament per carrièras limita la mobilitat de las personas e l’accès als espacis publics. Es una forma de violéncia de genre e es una violacion dels dreches umans. O cal aturar”, çò denóncian.
Lo secutament capvirat
Que se passariá se tot aquò foguèsse a l’invèrs? Se los òmes foguèsson secutats per carrièras? La reaccion seriá la meteissa? E la tolerància tanben? Fa qualques pauques ans s’enregistrèt a Perpinhan lo filme Majorité opprimée (majoritat oprimida) que fa justament aquò. Cadun pòt veire e jutjar:
E aquí, un petit cortmetratge dins lo meteis sens:
L’organizacion Hollaback consagra son activitat a luchar contra lo secutament sexual per carrièras als Estats Units. Aquel vidèo foguèt enregistrat amb una camèra amagada e, una setmana après sa publicacion, recebèt aperaquí vint milions de vesitas. L’actritz del filme denoncièt qu’après la publicacion recebèt de menaças de violacion:
Coma aqueste vidèo viral de Nòva York, d’autres vidèos se son enregistrats. Per exemple, se’n publiquèt un fa dos ans sul secutament sexual per las carrièras de Brussèlas. Entitolat Femme de la rue (femna de la carrièra), generèt fòrça debat. S’i pòt veire de femnas qu’explican qu’evitan de portar de gonèlas per anar en mètro e s’i denóncia la practica abituala del secutament per carrièras:
Aqueste autre vidèo es del Caire, fach per las cineastas Colette Ghunim e Tinne Van Loon, e fa partida d’un projècte documentari per denonciar lo secutament en Egipte: The people’s girls (las gojatas del pòble). Dins aqueste fragment se pòt veire la reaccion dels òmes quora una femna arriba pel costat del pont:
Una autra organizacion que se consagra justament a denonciar e combatre lo secutament de las femnas per carrièras es Stop Street Harassment. “Fiular, far de comentaris sexuals explicits, de comentaris sexistas, d’insultes omofòbs, d’agachadas de biscanti… La màger part de las femnas e qualques òmes afrontan per carrièras lo secutament venent de personas que coneisson pas, solament per de questions de genre. Lo secutament per carrièras limita la mobilitat de las personas e l’accès als espacis publics. Es una forma de violéncia de genre e es una violacion dels dreches umans. O cal aturar”, çò denóncian.
Lo secutament capvirat
Que se passariá se tot aquò foguèsse a l’invèrs? Se los òmes foguèsson secutats per carrièras? La reaccion seriá la meteissa? E la tolerància tanben? Fa qualques pauques ans s’enregistrèt a Perpinhan lo filme Majorité opprimée (majoritat oprimida) que fa justament aquò. Cadun pòt veire e jutjar:
E aquí, un petit cortmetratge dins lo meteis sens:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quina ipocrisia dins bon nombre de messatges, coma s'èra simplament de cortesia ?
Oblidatz benlèu que las femnas an una vida, e que parchan pas per carrièra perl plaser de se far «cortesar» de longa. Se ne sèm a montar d'estrategias de contornament (biais de nos vestir, evitar se se trobar sus lo meteis trepador qu'un grop d'òmes, casque dins las aurelhas, e n'oblidi) per aver la patz es ben que i a un problèma non ? Urosament, amb l'atge, aquò passa. A 35 ans passat ai (enfin) una patz relativa.
Mas vos cal ben comprene mossurs : i a una larga diferéncia entre :
• dire «bonjorn», «as pas un 06 ?», «respond c*****», «polit cuòl», «mmmhhh charmante…»
e
• se parlar dins la carrièra (entre èsser umans que se respecton).
Lo primièr te fa sentir coma un tròç de carn, lo segon enriquís los dus. Simple, non ?
L'activista de gaucha Jerry Rubin que considerava que de saludar ua auta persona desconeguda per carrèras aus Estats Units èra ua accion de subversion. Qu'ac escrivó dens lo son libe DO IT en 1969.
Juste per díser que lo monde qui viven en vilas granas n'an pas esperat los moviments feministas de uei per deishar de se saludar tots. Que s'i passarén la jornada.
La mea molhèr, qui ne's defineish pas com ua feminista, que ditz qu'a Tolosa tanben la faiçon qui an cèrtes òmis d'abordar hemnas qu'ei pesanta. N'i demoram pas ; qu'i va a còps dab amigas e que l'èi déjà vista cambiar de hardas abans de partir (mentre que s'èra beròi aprestada) per'mor ne's volè pas har « emmerdar ».
Díser quauqu'arren de mauadret com « Zyva, comment t'es trop charmante ! Ça te dirait une glace à la menthe ? » que pòt passar per ua tentativa de seduccion. L'intencion n'ei pas maishanta.
Si hemnas se planhen que n'an tròp dens ua jornada o que los qui essajan de las sedusir n'entenen pas pro lèu quand disen « non », negar lo problèma ne'u harà pas desaparéisher.
Mes çaquelà si ei ua tentativa de seduccion, l'intencion n'ei pas maishanta. Qu'ei un problèma qui vien dilhèu d'ua manca de comunicacion entre personas deus dus sèxes.
Per contra, shiular, cridar « choune ! » e se n'anar juste après, marchar a costat de la persona shense díser arren, o enquèra insultar, aquò ne son pas tentativas de seduccion. Qu'ei lavetz ? Jo qu'aurí tendéncia a créder que son actes de maishantèr de monde frustrats…
#22 Completament d'acòrd, òsca, zo fau dire.
Se lei gènts se pòdon pus parlar en carrièra (çò qu'es encara luenh d'estre lo cas, i a encara de convèrsas cortesas) es gràcia an aquelei porcàsses que se sabon pas parlar an una frema e ges lo problèma dei fremas victimas d'aqueu comportament encoratjat. Una frema que marcha dins la carrièra es pas un produch de supermercat. Se se parlan pus en carrièra, sarà de la fauta deis agressors non deis agressats. DEGUN SE DEU SUPORTAR AQUEU COMPORTAMENT SENSA LA MENDRA EXCUSA E SUBRETOT PAS AU NOM D'UNA PSEUDO-CORTESIA O D'UN RISC DE MANCA DE COMUNICABILITAT. LEI FREMAS SE DEVON RESPECTAR.
#20 Moèi, çaquelà, crese pas que se pueschan comparar, en quantitat e en qualitat, las discriminacions enduradas per las femnas dins la societat emb las discriminacions que viven los òmes. Avant de se pus parlar, l'i a queraque un fum de chausas de far e de comportaments mai respiechós devèrs las femnas a adoptar. Çò que las femnas subissen, quò es mai de las besunhas coma : "Tu me donnes ton 06... ?" "Non ? Fais pas ta pute, hé salope" e aquò, veses, quò es irrepectuós.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari