Actualitats
L’Assemblada estatala francesa refusa de far una minuta de silenci per Rémi Fraisse
Es pas la tradicion de l’emicicle francés, segon Claude Bartolone
A la session de dimars de l’Assemblada estatala, la deputada ecologista Cécile Duflot denoncièt tornarmai lo projècte de Sivens: “Un projècte perimit que menaça lo nòstre avenir”. Lo grop ecologista reclamèt l’installacion d’una comission d’enquèsta parlamentària sus aquel dorsièr.
Mas abans de començar, Duflot demandèt d’observar una minuta de silenci a la memòria de Rémi Fraisse. “Soi persuadida qu’aicí totes los membres d’aquesta assemblada deploran la mòrt injusta de Rémi Fraisse. Lo grop ecologista desira doncas de consagrar una minuta d’aquela question a una minuta de silenci per dire quant sèm tocats per la mòrt d’aquel jove manifestant que solament defendiá la natura”, çò diguèt.
Qualques deputats se levèron, sustot los del grop ecologista, per mostrar lo respècte envèrs lo jove occitan tuat a Sivens. Mas lo president de l’Assemblada, Claude Bartolone, deneguèt aquela minuta de silenci. “Es de tradicion dins nòstre emicicle de saludar per una minuta de silenci los decèsses subrevenguts demest las nòstras fòrças armadas o demest los ostatges. Vos demandi de perseguir vòstra question”.
Après qualques segondas d’estupefaccion, Duflot deguèt pausar la question a la ministra de l’ecologia sens poder observar la minuta de silenci.
Mas abans de començar, Duflot demandèt d’observar una minuta de silenci a la memòria de Rémi Fraisse. “Soi persuadida qu’aicí totes los membres d’aquesta assemblada deploran la mòrt injusta de Rémi Fraisse. Lo grop ecologista desira doncas de consagrar una minuta d’aquela question a una minuta de silenci per dire quant sèm tocats per la mòrt d’aquel jove manifestant que solament defendiá la natura”, çò diguèt.
Qualques deputats se levèron, sustot los del grop ecologista, per mostrar lo respècte envèrs lo jove occitan tuat a Sivens. Mas lo president de l’Assemblada, Claude Bartolone, deneguèt aquela minuta de silenci. “Es de tradicion dins nòstre emicicle de saludar per una minuta de silenci los decèsses subrevenguts demest las nòstras fòrças armadas o demest los ostatges. Vos demandi de perseguir vòstra question”.
Après qualques segondas d’estupefaccion, Duflot deguèt pausar la question a la ministra de l’ecologia sens poder observar la minuta de silenci.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Compreni plan la volontat de legir l'actualitat amb un agach nacionalista occitan, mas aqui me cal un esclairatge:
"la memòria d'aqueste jove occitan assassinat per l'armada d'ocupacion francesa en Occitània"
1- Qu'es aquo que permet de dire qu'aquel jove èra occitan? las personas que volon far lo barratge son pas occitanas? los gendarmas d'avia en fàcia èran pas occitans?
2-"l'armada d'occupacion francesa en Occitània", es atal que s'apèlan los gendarmas occitans? aqueles de defendon los occitans favorables al barratge (lo PNO per exemple)?
A voler tot simple e binari, balha sia un efecte umoristic, sia daissa pensa a la flaquesa intellectuala de l'autor. E ni l'un ni l'autre son justes.
#11 Doncas puslèu "assemblada ciutadana" que "estatala", non?
#8 Aquela assemblada, per èsser dita nacionala, encara caldriá que ne representèsse una, nacion. Mas es un estat que representa ; e l'estat es constituït per l'ensemble de sos ciutadans, qu'a França tot al mens an plan mai d'una nacionalitat - la mieuna estant occitana, e non pas francesa, per exemple. Coma o explicita fòrt plan lo filosòfe Cornelius Castoriadis (dins son ensag "De la ciutat e de las leis"), la nacionalitat es culturala, e la ciutadanetat es politica. L'assemblada dels deputats de l'estat fancés es plan malvengudament dita nacionala, mentre qu'es estatala…
La FNSEA, aquela benda de saquetats que a Nantas auei t'an fotut daus rats-gaulhiers per las charrièras en los tuar a còps de pès.
http://www.huffingtonpost.fr/2014/11/05/manifestation-agriculteurs-scandale-ragondins-nantes_n_6108772.html
Ieu sabe de quau costat sei e segur pas d'aqueu de la FNSEA.
#7 Los dinosaures foguèron pas mafioses, que ieu sàpia! ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari