Actualitats
Restanca de Sivens: ara Ségolène Royal assegura qu’“un obratge serà fach”
Demandèt que los militants presents a Sivens evacuèsson lo sit e anoncièt son intencion d’enviar tres nòus expèrts sul terren
La ministra francesa de l’ecologia, Ségolène Royal, assegura ara qu’“un obratge serà fach”, per rapòrt a la restanca de Sivens, après una reünion a París tenguda dimars de ser amb d’elegits locals, de defensors dels païsans galhagòls, d’ecologistas e d’autres expèrts, çò rapòrta Le Figaro. La ministra francesa tanben demandèt que los militants presents a Sivens evacuèsson lo sit e anoncièt son intencion d’enviar tres nòus expèrts sul terren per trobar de solucions “abans la fin de l’annada”. La ministra reconeguèt: “demòran de divergéncias, servís pas a res de las dissimular”.
Ça que la, la meteissa ministra aviá dich dimenge sus i-Télé qu’amb l’òbra de Sivens i aviá agut una “error d’apreciacion” e qu’“un tal obratge seriá pas mai possible uèi”.
Ara: dimars de matin, sus France 2, Royal aviá nuançat sas declaracions de dimenge. “Aqueles que pensan que podèm far las causas en tot o res s’enganan”, çò diguèt, en afirmant que voliá examinar “totas las solucions alternativas” e “raprochar de ponches de vista fòrça divergents”.
A la session de dimars a l’Assemblada estatala, la deputada ecologista Cécile Duflot denoncièt tornarmai lo projècte de Sivens: “Un projècte perimit que menaça lo nòstre avenir”. Lo grop ecologista reclamèt la mesa en plaça d’una comission d’enquèsta parlamentària sus aquel dorsièr.
Ça que la, la meteissa ministra aviá dich dimenge sus i-Télé qu’amb l’òbra de Sivens i aviá agut una “error d’apreciacion” e qu’“un tal obratge seriá pas mai possible uèi”.
Ara: dimars de matin, sus France 2, Royal aviá nuançat sas declaracions de dimenge. “Aqueles que pensan que podèm far las causas en tot o res s’enganan”, çò diguèt, en afirmant que voliá examinar “totas las solucions alternativas” e “raprochar de ponches de vista fòrça divergents”.
A la session de dimars a l’Assemblada estatala, la deputada ecologista Cécile Duflot denoncièt tornarmai lo projècte de Sivens: “Un projècte perimit que menaça lo nòstre avenir”. Lo grop ecologista reclamèt la mesa en plaça d’una comission d’enquèsta parlamentària sus aquel dorsièr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Ni lo localisme ni lo centralisme metropolitan (foguès barcelonin o tolosan) non a pas jamai garentit la rason. Sonque la rason, pel biais del rasonament logic e documentat, pòt ensajar de sarrar la vertat. E la vertat non es sempre ni incondicionalament condicionada a d'interèsses privats, locals ni globals.
Aquò dit, se l'agricultura extensiva, productivista e financiarista es un mal a Sirvens — çò de que ieu dobti pas ni una estona — o es pertot, e es pertot que la cal abolir, non pas sonque a Sirvens. Aital, los païsans (que tornaràn subrepassar los "exploitnat agricoles" auràn pas mai besonh de cap baratge faraonic que siá. Auràn sonque besonh de comerci de proximitat. E aquí, si que decidiràn d'espereles.
#2 Tè! Me sembla aver ja legit una remarca gaireben similària d'aquel meteis autor!
E me semble qu'es aquel meteis autor que s'aubora fort e mort contra l'insulta.
Paura ministra.
#3 Perqué lo mond del parçan qu'an volgut lo projècte son pas Occitans ? Vòstre combat ecologista es sincèr, çaquelà es a la populacion locala de debatre e decidir liurament de son modèl de desvolopament. Son pas al mond venguts de las metropòlis d-o impausar. Fisança en la democracia locala.
Las bolhas de Testet al mièg de la forèsta de Sivens son un lòc de natura agro-silvestra dins una region ont, fòra las montanhas, i a una predominància d'una agricultura intensiva del milh e de las cerealas ligada a una mecanizacion generala, a l'emplec sistematic e pauc regulat de pesticids e d'intrants quimics. Los departaments subvencionèron sistematicament d'empresas localas del BTP d'un latz, per la destruccion de totas las zònas umidas per las nivelar e gasanhar de susfàcias suplementàrias de produccion e de l'autre per la bastison de restanca d'irrigacion. Ara, lor problèma es de trapar d'òbras nòvas per despensar las linhas budgetàrias e emplegar aquelas empresas de BTP.
La valorizacion d'aquel parçan petit del departament en zòna agro-silvestra e naturala sens tractopalas, sens òbras del BTP e per paucas subvencions paréis una absurditat per l'administracion publica.
E mai, non i a pas d'enjòc màger per l'industria de consum, los elegits departementals non son pas en capacitat intellectuala de prepausar de daissar faire la natura e los paisans.
Lo Testet es ara una batalha emblematica per n'acabar amb las òbras que desgalhen Occitània e França e crosen lo deute al profièit dels mercats financièrs.
Aquela batalha es en Occitània, ne cal faire una batalha occitana. Nos cal i èsser amb las bandièras occitanas.
Una ministra de m....
Un govèrn de m....
Un estat de m....
Ah, la grandeur de la France!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari