Actualitats
Lo nòu PADDUC de Corsega reconeis lo “pòble còrs” e la cooficialitat de la lenga
Aquel nòu plan fixa las linhas principalas del desvolopament economic, social, cultural e toristic de l’illa
L’Assemblada de Corsega aprovèt lo 31 d’octòbre passat son nòu plan d’ordenament e desvolopament sostenable de Corsega (PADDUC segon la sigla en francés), que remplaça lo de 2009 e qu’es vengut un element de batalha important dins la politica de l’illa. Aquel nòu plan fixa las linhas principalas del desvolopament economic, social, cultural e toristic de Corsega e reconeis l’existéncia del pòble còrs e la cooficialitat de la lenga pròpria de l’illa, segon çò que rapòrta Nationalia.
Lo plan es estat aprovat pels partits nacionalistas e independendistas de Corsega e pels elegits francistas d’esquèrra; s’opausan a la drecha francista, que s’es retirada del vòte en disent qu’es “irrealizable” e qu’“arrestarà lo desvolopament de Corsega”. Per contra, los de Corsica Libera (independentistas) son contents perque ara “seràn pas mai los especulators e los mafioses que decidiràn l’estrategia de desvolopament” de l’illa, mas “los representants elegits pel pòble”. De son costat, los de Femu a Corsica (nacionalistas) dison que l’aprobacion del plan es “una victòria politica del pòble còrs” justament perque mençona “lo pòble còrs” e la cooficialitat de la lenga, mas tanben perque la proteccion dels espacis naturals ven mai granda e perque dobrís “d’elements dinamics de governament”.
Lo plan de 2009, aprovat quand la drecha francista aviá la majoritat de l’Assemblada, èra mal considerat per mai d’un sector de la societat còrsa perque atacava l’environament e favorissiá l’urbanisme de las residéncias segondàrias, pas pensat pels còrses.
Aquela proposicion del PADDUC de Corsega, ara, serà analisada per divèrsas instàncias publicas del país que faràn de recomandacions de modificacion pendent tres meses, puèi l’Assemblada de Corsega ne farà lo vòte definitiu.
França: la cooficialitat es impossibla
Ara caldrà veire cossí se fa efectiva la coofialitat de la lenga còrsa, que la cambra dels representants de l’illa ja aprovèt per majoritat mas que París refusèt en argumentant qu’“es impossible”. Dins l’estat francés sola l’Assemblada estatala qu’es a París a la capacitat legislativa.
Lo plan es estat aprovat pels partits nacionalistas e independendistas de Corsega e pels elegits francistas d’esquèrra; s’opausan a la drecha francista, que s’es retirada del vòte en disent qu’es “irrealizable” e qu’“arrestarà lo desvolopament de Corsega”. Per contra, los de Corsica Libera (independentistas) son contents perque ara “seràn pas mai los especulators e los mafioses que decidiràn l’estrategia de desvolopament” de l’illa, mas “los representants elegits pel pòble”. De son costat, los de Femu a Corsica (nacionalistas) dison que l’aprobacion del plan es “una victòria politica del pòble còrs” justament perque mençona “lo pòble còrs” e la cooficialitat de la lenga, mas tanben perque la proteccion dels espacis naturals ven mai granda e perque dobrís “d’elements dinamics de governament”.
Lo plan de 2009, aprovat quand la drecha francista aviá la majoritat de l’Assemblada, èra mal considerat per mai d’un sector de la societat còrsa perque atacava l’environament e favorissiá l’urbanisme de las residéncias segondàrias, pas pensat pels còrses.
Aquela proposicion del PADDUC de Corsega, ara, serà analisada per divèrsas instàncias publicas del país que faràn de recomandacions de modificacion pendent tres meses, puèi l’Assemblada de Corsega ne farà lo vòte definitiu.
França: la cooficialitat es impossibla
Ara caldrà veire cossí se fa efectiva la coofialitat de la lenga còrsa, que la cambra dels representants de l’illa ja aprovèt per majoritat mas que París refusèt en argumentant qu’“es impossible”. Dins l’estat francés sola l’Assemblada estatala qu’es a París a la capacitat legislativa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Ara caldrà veire cossí se fa efectiva la coofialitat de la lenga còrsa, que la cambra dels representants de l’illa ja aprovèt per majoritat mas que París refusèt en argumentant qu’“es impossible”. Dins l’estat francés sola l’Assemblada estatala qu’es a París a la capacitat legislativa. » Cossí se fa efectiva ? Una sola solucion : un estat còrse indepedent. Aital, a París legalizaràn o pas çò que voldràn, lo problèma serà reglat. Los pòbles an lo dreit d'existir, e França o lor confisca, siá disent per mesura de solidaritat (e donc, d'agalitat) territoriala. Doncas, cal quitar son territòri, o ne crebar…
Car Pirolet,
Cresi que sèm dos e sens dobte mai que dos.
un boycott un pauc mai organizat los faria soscar
#1 "Decidir al país": aquí la problematica nòstra, òc-ben...
Son pas tan nècis coma d'autres per se sonar "Sud de France". Sabi pas vautres mas ieu los crompi pas los produches "Cuol de França".
Excellent !!! Aquò's triste pertant qu'una decision concernent sonque la Còrsa divi passar per Paris. "Decidir al pais"!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari