Actualitats
LuxLeaks: Luxemborg aviá d’acòrdis fiscals secrets amb 340 societats multinacionalas
Aqueles acòrdis permetián a las societats de minimalizar lo pagament de lors taxas dins los estats ont elas fasián lor profièch. Aquel afar implica lo nòu president de la Comission Europèa
Luxemborg faguèt d’acòrdis secrets amb 340 societats multinacionalas, dont Apple, Pepsi, Ikea, Amazon, AIG o Heinz… çò que lor a permés d’estalviar de miliards d’èuros en impòstes. O a revelat una enquèsta de 15 meses del Consòrci Internacional dels Jornalistas Investigators (CIJI), qu’a amassat aperaquí 28 000 documents. Aqueles paches se debanèron entre 2002 e 2010, quand lo president de Luxemborg èra Jean-Claude Juncker, qu’es a l’ora d’ara president de la Comission Europèa. Los principals mèdias nomenan aquel afar LuxLeaks.
Aqueles acòrdis permetián a las societats de minimalizar lo pagament de lors taxas dins los estats on elas fasián lor profièch, çò qu’entraïnèt la pèrda de miliards d’èuros a l’argent public d’aqueles païses.
Le Monde e The Guardian n’an publicat lo rapòrt. Lo jornal francés afirma que Luxemborg manteniá aqueles acòrdis en secret e mai se coneissiá l’estrategia que prejudicava sos estats partenaris. The Guardian afirma qu’aquelas revelacions implican lo nòu president de la Comission Europèa.
Lo primièr ministre actual de Luxemborg, Xavier Bettel, a afirmat que las practicas fiscalas del grand ducat “respèctan las nòrmas internacionalas”. De son costat, la Comission Europèa a avertit que prendrà de mesuras s’aqueles acòrdis secrets s’adaptan pas a las nòrmas europèas sus las ajudas d’estat.
Aqueles acòrdis permetián a las societats de minimalizar lo pagament de lors taxas dins los estats on elas fasián lor profièch, çò qu’entraïnèt la pèrda de miliards d’èuros a l’argent public d’aqueles païses.
Le Monde e The Guardian n’an publicat lo rapòrt. Lo jornal francés afirma que Luxemborg manteniá aqueles acòrdis en secret e mai se coneissiá l’estrategia que prejudicava sos estats partenaris. The Guardian afirma qu’aquelas revelacions implican lo nòu president de la Comission Europèa.
Lo primièr ministre actual de Luxemborg, Xavier Bettel, a afirmat que las practicas fiscalas del grand ducat “respèctan las nòrmas internacionalas”. De son costat, la Comission Europèa a avertit que prendrà de mesuras s’aqueles acòrdis secrets s’adaptan pas a las nòrmas europèas sus las ajudas d’estat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E pensar que l'autre candidat a la presidéncia de la CE èra piéger!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari