Actualitats
25 ans de la casuda del mur de Berlin
L’an tornat bastir efemèrament amb l’installacion de milièrs de glòbes de lum
Lo 9 de novembre de 1989, uèi fa 25 ans, los ciutadans de l’Alemanha de l’Èst e de l’Oèst se sarrèron del mur que devesissiá la vila de Berlin dempuèi 1961 e comencèron de lo demolir. Èra lo començament de la reünificacion alemanda. Alemanha èra estada devesida a partir de la Segonda Guèrra Mondiala.
Per commemorar aqueste 25n anniversari, los artistas Christopher e Marc Brauder l’an tornat bastir efemèrament amb l’installacion de milièrs de glòbes de lum long dels 15 quilomètres de l’ancian traçat. Aquela installacion se nomena Lichtgrenze (frontièra de lum) e, segon los fraires Bauder, forma un mur virtual en seguissent l’ancian traçat pel centre de la vila. Amb aquò, los berlineses e los que vesitan la vila pòdon imaginar, pendent aquesta dimenjada, cossí seriá la vila s’encara èra devesida pel mur.
L’installacion se completa amb qualques activitats restacadas, coma d’exposicions, la projeccion d’imatges de l’epòca sus d’ecrans gigants e de vesitas guidadas sus qualques endreches istorics per ont passava lo mur.
De ser, après un compte a rebors, se desliurarà los glòbes de lum.
Per commemorar aqueste 25n anniversari, los artistas Christopher e Marc Brauder l’an tornat bastir efemèrament amb l’installacion de milièrs de glòbes de lum long dels 15 quilomètres de l’ancian traçat. Aquela installacion se nomena Lichtgrenze (frontièra de lum) e, segon los fraires Bauder, forma un mur virtual en seguissent l’ancian traçat pel centre de la vila. Amb aquò, los berlineses e los que vesitan la vila pòdon imaginar, pendent aquesta dimenjada, cossí seriá la vila s’encara èra devesida pel mur.
L’installacion se completa amb qualques activitats restacadas, coma d’exposicions, la projeccion d’imatges de l’epòca sus d’ecrans gigants e de vesitas guidadas sus qualques endreches istorics per ont passava lo mur.
De ser, après un compte a rebors, se desliurarà los glòbes de lum.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Polit projècte artistic !
#1 Es just çò que pensavi al moment de redigir la nòva
A la seguida d'un istorian qu'ausiguèri l'autre jorn (e que ne perdèri lo nom), me pensi que cal cambiar l'expression e utilizar puslèu un nom evocant una accion coma "dubertura", "demolicion", desrocament" del mur de Berlin, puslèu que lo passiu "casuda". En efièt, la paret tombèt pas tota sola, es l'accion conjunta de politicians, de ciutadans, qu'o faguèt. En mai "la casuda" es lo moment ont tomba, pas la resulta. Sabi qu'es lo mot utilizat dins mai d'una lenga, mas me sembla pas lo mot apropriat.
Bona jornada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari