Actualitats
Tolosa: los jogaires de l’esquipa dels Isards vesitan Brussèlas
Los a convidats José Bové e cèrcan cambiar l’imatge dels joves musulans de las banlègas e combatre lo racisme
Diluns passat, un trentenat de jogaires de fotbòl de l’esquipa dels Isards, a Tolosa, partiguèron a Brussèlas. Convidats per l’eurodeputat occitan José Bové, la tòca del viatge es de melhorar l’imatge del club.
Se passa qu'en aquel club, nomenat en francés AS Izards, i jogava Mohamed Merah. E coma Merah, los joves son crescuts dins aquel quartier marginal dins las meteissas condicions economicas e socialas.
Lo viatge deurà contribuir a cambiar l’imatge dels Isards e las idèas preconcebudas dels joves musulmans de las banlègas del país. Conten una vesita privada del musèu josieu, una vesita al musèu de la banda dessenhada e a la Comission Europèa. Tanben assistiràn a una session de l’Europarlament e disputaràn un match amical amb una esquipa de deputats dont Daniel Cohn-Bendit e José Bové, segon çò qu’a raportat Le Figaro e France 3.
Lo president del club esportiu, Frédéric Mercadal expliquèt a RTL la tòca del periple: “Lo fotbòl nos permet de desvolopar d’idèas antiracistas, volèm uèi menar aquel combat contra lo racisme dins la vida”. De son costat un dels joves apondiá qu’”amb aqueste viatge a Brussèlas ensajam de mostrar que cal pas metre tot lo mond dins lo meteis sac. Soi pas d’acòrd amb çò que Merah faguèt, e dins totas las religions, i a una causa qu’es retrobada, es la patz”.
L’idèa de far aqueste viatge venguèt del rescontre del club amb José Bové, quand l’eurodeputat vesitèt lo club en campanha electorala. Alavètz Bové lor prometèt de los convidar vesitar lo Parlament Europèu.
Per menar a tèrme lo viatge, an recebut l’ajuda de Marie-Christine Etelin, avocada e esposa del defensor de la familha Merah.
Mohamed Merah èra un jove ciutadan francés d’origina argeriana de 23 ans que foguèt fusilhat e matat per una fòrça d’elèit de la polícia francesa dins son apartament de Tolosa, après 32 oras de sètge. Mohamed Merah, que se desplaçava en motocicleta, reconeguèt aver tuat lo paracasudista Imad Ibn Ziaten, l’11 de març 2012 a Tolosa, los paracasudistas Abel Chennouf e Mohamed Legouad, lo 15 de març 2012 a Montalban, Myriam Monsonego, de 8 ans, Gabriel e Arieh Sandler, de 4 e 5 ans, e lor paire Jonathan, lo 19 de març davant l’escòla josieva Ozar Hatorah de Tolosa.
Se passa qu'en aquel club, nomenat en francés AS Izards, i jogava Mohamed Merah. E coma Merah, los joves son crescuts dins aquel quartier marginal dins las meteissas condicions economicas e socialas.
Lo viatge deurà contribuir a cambiar l’imatge dels Isards e las idèas preconcebudas dels joves musulmans de las banlègas del país. Conten una vesita privada del musèu josieu, una vesita al musèu de la banda dessenhada e a la Comission Europèa. Tanben assistiràn a una session de l’Europarlament e disputaràn un match amical amb una esquipa de deputats dont Daniel Cohn-Bendit e José Bové, segon çò qu’a raportat Le Figaro e France 3.
Lo president del club esportiu, Frédéric Mercadal expliquèt a RTL la tòca del periple: “Lo fotbòl nos permet de desvolopar d’idèas antiracistas, volèm uèi menar aquel combat contra lo racisme dins la vida”. De son costat un dels joves apondiá qu’”amb aqueste viatge a Brussèlas ensajam de mostrar que cal pas metre tot lo mond dins lo meteis sac. Soi pas d’acòrd amb çò que Merah faguèt, e dins totas las religions, i a una causa qu’es retrobada, es la patz”.
L’idèa de far aqueste viatge venguèt del rescontre del club amb José Bové, quand l’eurodeputat vesitèt lo club en campanha electorala. Alavètz Bové lor prometèt de los convidar vesitar lo Parlament Europèu.
Per menar a tèrme lo viatge, an recebut l’ajuda de Marie-Christine Etelin, avocada e esposa del defensor de la familha Merah.
Mohamed Merah èra un jove ciutadan francés d’origina argeriana de 23 ans que foguèt fusilhat e matat per una fòrça d’elèit de la polícia francesa dins son apartament de Tolosa, après 32 oras de sètge. Mohamed Merah, que se desplaçava en motocicleta, reconeguèt aver tuat lo paracasudista Imad Ibn Ziaten, l’11 de març 2012 a Tolosa, los paracasudistas Abel Chennouf e Mohamed Legouad, lo 15 de març 2012 a Montalban, Myriam Monsonego, de 8 ans, Gabriel e Arieh Sandler, de 4 e 5 ans, e lor paire Jonathan, lo 19 de març davant l’escòla josieva Ozar Hatorah de Tolosa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari