Actualitats
Polemica en Turquia pel nòu palais presidencial
A costat 500 milions d’èuros e es mai grand que Versalhas
I a una polemica en Turquia pel nòu grand palais presidencial de Recep Tayyip Erdoğan. Mentre que lo president ditz que sa nòva residéncia “rebat la nòva Turquia”, los opausants e los mèdias creson qu’es una òbra excessiva e inutila.
Lo sit se nomena Aksaray, qu’en turc vòl dire “palais blanc”, a costat 500 milions d’èuros e es mai grand que Versalhas. Cal prene en compte que lo salari minimal del país es de 320 èuros per mes. Lo palais a un milierat de cambras e de complèxes sistèmas informatics per empedir l’espionatge. Es una bastissa blindada, protegida contra las armas de destruccion massissa, e a un bunquèr e de dependéncis sosterranhas per garentir lo govèrn del país dins totas las circonstàncias.
Los ecologistas planhon tanben que lo palais s’es bastit sens licéncia e en levant de centenats d’arbres del Bòsc d’Atatürk, un espaci de granda valor ecologica d’Ankara. Los mèdias tanben an criticat l’òbra e lo parlamentari opausant Hurşit Güneş a dich qu’aquel palais “representa un país primitiu e sosdesvolopat”. En mai de taxar lo palais de “ridicul”, Güneş a criticat lo president qu’“escota pas mai las decisions judiciàrias, qu’escota pas la Constitucion, qu’es fòra contraròtle”.
Lo sit se nomena Aksaray, qu’en turc vòl dire “palais blanc”, a costat 500 milions d’èuros e es mai grand que Versalhas. Cal prene en compte que lo salari minimal del país es de 320 èuros per mes. Lo palais a un milierat de cambras e de complèxes sistèmas informatics per empedir l’espionatge. Es una bastissa blindada, protegida contra las armas de destruccion massissa, e a un bunquèr e de dependéncis sosterranhas per garentir lo govèrn del país dins totas las circonstàncias.
Los ecologistas planhon tanben que lo palais s’es bastit sens licéncia e en levant de centenats d’arbres del Bòsc d’Atatürk, un espaci de granda valor ecologica d’Ankara. Los mèdias tanben an criticat l’òbra e lo parlamentari opausant Hurşit Güneş a dich qu’aquel palais “representa un país primitiu e sosdesvolopat”. En mai de taxar lo palais de “ridicul”, Güneş a criticat lo president qu’“escota pas mai las decisions judiciàrias, qu’escota pas la Constitucion, qu’es fòra contraròtle”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La partida ecologica de l'afar n'es qu'un apondonet de mai.
çò qu'es criticat es la megalomania del personatge, sa politica, son biais de far, son escota de degun, son biais religiós.
Es tanben l'imatge balhat qu'es lo retrach perfièch de l'imatge que se far europa de turquia dels turcs e del mond turc. es a díser un imatge claufit d'estereotipes, de farfentèlas totas mai grandas las unas dels autres. Dich d'un autre mena Erdoğan balha l'imatge que lo mond europenc se son balhat dels turcs, imagte fals se ne'n fuguèc.
L'oposicion es malastrudament dins un estat pièger qu'en fransa.
A l'epòca de la bastison del palais de Versalhas los escologistas integristas bramèron coma d'ases. Lo palais se bastiguèt, lo "rei solelh" es mòrt, los ecologistas integristas de l'epòca son mòrts, lo palais demòra.
En Turquia la bastison del palais presidencial fa bramar los ecologistas integristas coma d'aucas. Lo palais es bastit, dins qualques sègles lo dictator serà mòrt, los ecologistas integristas serán mòrts, lo palais demorarà.
D'uèi, amb los ecologistas integristas, la bastison de las piramidas se poriá pas mai far, lo Colisèu tanpauc, nimai (a la lèsta): lo canal de las doas mars (urós Riquet qu'escapèt a la vindicta dels zadistas!), lo palais del Capitòli a Tolosa (tròp grand, tròp car, los arbres del pargue abatuts), l'observatòri sul Pic de Bigòrra (descara lo paisatge e empacha las aglas d'anisar), e Pont de Gard i avètz pensat al Pont de Gard? Qu'òm venga pas me dire que ja a l'antiquitat avián besonh d'aiga! E çò que costèt lo Pont de Gard? Los ecologistas integristas de l'epòca bramèron coma de graulhas, lo pont se bastiguèt, los emperadors son mòrts, los ecologistas integristas de l'epòca moriguèron e -Dieu mercés- avem totjorn lo Pont. etc... etc...
Vivem una epòca formidabla!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari