Cinc joves ultradrechistas, qu’avián entre 21 e 34 ans, decidiguèron d’atacar lo procès participatiu per l’independéncia de Catalonha de dimenge passat. Causiguèron un local de vòte de Girona, i intrèron encagolats e en cridant de consignas espanholistas, tombèron de siètas, de veires, e ensagèron de tombar las urnas. Mas en aquel moment i aviá un grop de l’esquipa de rugbi del GEIEG de Girona, qu’esperavan lor torn per votar. Los esportius capitèron a reténer tres faissistas, lor levèron las cagolas, ne faguèron de fòtos e los liurèron a la polícia.
 
Vilaweb parlèt amb un dels esportius qu’arrestèt los faissistas.