Actualitats
An manifestat contra las politicas antisocialas del nòu govèrn de Belgica
La manifestacion se debanèt dijòus passat a Brussèlas e s’acabèt amb de susmautas
Dijòus de la setmana passada manifestèron a Brussèlas mai de 100 000 personas contra las politicas socialas del nòu govèrn federal bèlga. La protèsta s’acabèt amb de violents afrontaments e un vintenat de ferits entre manifestants e policièrs e ara nos en son arribats qualques imatges.
L’origina de las protèstas son las mesuras del nòu govèrn bèlga, que cèrcan de retardar l’edat de la retirada e de reformar las pensions.
Lo primièr ministre, lo liberal valon Charles Michel, se reüniguèt lo ser de la manifestaciona amb de representants dels tres sindicats principals e lor ofriguèt de bastir un “fuèlh de rota” qu’ofriguèsse un “espaci per la concertacion”. Michel diguèt al Parlament bèlga que compren los dobtes e quitament “la ràbia” dels manifestants e diguèt qu’es prèst a menar un prètzfach pedagogic per explicar al pòble qu’aquelas mesuras que vòl prene son necessàrias.
De son costat, lo secretari general del sindicat CGSLB, Olivier Valentin, diguèt que “la tòca de las protèstas es de transmetre al nòu govèrn lo messatge que i a de mesuras inacceptablas pels obrièrs e pels interlocutors socials”. Valentin apondèt que “lo govèrn vòl aplicar de politicas d’austeritat del temps que totes los païses europèus an vist qu’aquel tipe de politicas fonciona pas”. De son costat, David Amberlinguen, pòrtavotz del sindicat CSC, apondèt que lo govèrn federal “demanda un grand esfòrç als salariats e ne demanda pas brica als patrons ni a las grandas fortunas. Sèm aicí per exigir un equilibri dins los esfòrces”.
Aquelas protèstas contunharàn amb una seguida de caumas entre lo 24 de novembre e lo 15 de decembre.
L’origina de las protèstas son las mesuras del nòu govèrn bèlga, que cèrcan de retardar l’edat de la retirada e de reformar las pensions.
Lo primièr ministre, lo liberal valon Charles Michel, se reüniguèt lo ser de la manifestaciona amb de representants dels tres sindicats principals e lor ofriguèt de bastir un “fuèlh de rota” qu’ofriguèsse un “espaci per la concertacion”. Michel diguèt al Parlament bèlga que compren los dobtes e quitament “la ràbia” dels manifestants e diguèt qu’es prèst a menar un prètzfach pedagogic per explicar al pòble qu’aquelas mesuras que vòl prene son necessàrias.
De son costat, lo secretari general del sindicat CGSLB, Olivier Valentin, diguèt que “la tòca de las protèstas es de transmetre al nòu govèrn lo messatge que i a de mesuras inacceptablas pels obrièrs e pels interlocutors socials”. Valentin apondèt que “lo govèrn vòl aplicar de politicas d’austeritat del temps que totes los païses europèus an vist qu’aquel tipe de politicas fonciona pas”. De son costat, David Amberlinguen, pòrtavotz del sindicat CSC, apondèt que lo govèrn federal “demanda un grand esfòrç als salariats e ne demanda pas brica als patrons ni a las grandas fortunas. Sèm aicí per exigir un equilibri dins los esfòrces”.
Aquelas protèstas contunharàn amb una seguida de caumas entre lo 24 de novembre e lo 15 de decembre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òc, las eleccions democraticas del 25 de mai permetèron la formacion d'un govèrn que vòl arrestar de viure deus sòus emprontats (Se la redaccion del Jornalet tròba normal que nòstres dròlles e petits-dròlles deurán pagar nòstres deutes, pòt daissar lo mot "antisocialas" dins lo títol d'aqueste article). La gaucha que perdiguèt las eleccions es - quala surpresa - pas d'acòrd emb la novèla politica e mobiliza sus sindicats per manifestar. Lo sindicat socialista refusa d'ajudar la polícia a identificar lus "manifestants" que blacèron deus policièrs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari