Actualitats
Un grop de tatoaires prepausa de desligar la crotz gammada del nazisme
Remembran qu’a una origina millenària e que los nazis se n’apoderèron
S’avètz viatjat per Índia o s’avètz vesitat de roïnas grècoromanas, vos sètz estonats probable de veire de croses gammadas de pertot dins las bastissas religiosas, dins los mosaïcs o sus de ceramicas. L’antiquitat d’aquel simbòl es encara mai granda: la primièra crotz gammada documentada es de quinze mila ans. E son usatge es fòrça divèrs: se’n tròba dins la cultura japonesa, demest los pòbles americans… Dins totes los cases amb de senses ligats al benastre o a la benestança (qu’es aquò que vòl dire “esvastica”, en sanscrit svastika). Mas la fortuna del simbòl cambièt drasticament dins los ans 1930 a causa d’Adolf Hitler.
Los nazis s’apoderèron de la crotz gammada coma emblèma per ensajar de restacar los pòbles germanics amb una supausada raça ariana protoindiana, mas aquel simbòl èra largament utilizat tanben en occident. Steven Heller, dins lo libre Swastika: Symbol Beyond Redemption?, demòstra amb fòrça imatges qu’aquel simbòl èra adoptat d’un biais arderós coma motiu arquitectonic, publicitari e de dessenh: l’emplegavan las societats Coca-cola e Carlsberg, los Boy Scouts e quitament las fòrças aerianas estatsunidencas e britanicas fins en 1939.
L’adopcion de la crotz gammada pel nazisme la transformèt automaticament, sustot dins los païses occidentals, en un emblèma dirèctament restacat a l’orror faissista e l’olocaust.
Mas totes son pas d’acòrdi amb lo fach que los nazis ajan sequestrat la crotz gammada. L’artista e poèta canadian ManWoman consagrèt una bona part de sa vida a ensajar de li tornar son sens autentic de benastre. Per aténher la siá tòca, que qualificava de mistica, se faguèt tatoar gaireben dos cents croses gammadas pel còrs e publiquèt un libre entitolat Gentle Swastika, Reclaiming the Innocence.
Quand ManWoman moriguèt, lo 13 de novembre de 2012, lo sieu prètzfach de recuperacion de la crotz gammada s’arrestèt pas. Dins lo primièr anniversari de sa mòrt, un grop de tatoaires decidiguèt de revendicar l’ancian simbòl, amb lo sieu sens originari, a travèrs de la campanha “Learn to Love the Swastika”, e pendent aquel temps tatoèron de croses gammadas a gratis “per educar las gents sus sas originas e son sens real”.
Dijòus passat se’n faguèt la segonda edicion amb la participacion de centres de tatoatge de tot lo Mond, qu’entre eles n’i a que son a Tolosa, Pau, Auloron e Los Vans.
Los nazis s’apoderèron de la crotz gammada coma emblèma per ensajar de restacar los pòbles germanics amb una supausada raça ariana protoindiana, mas aquel simbòl èra largament utilizat tanben en occident. Steven Heller, dins lo libre Swastika: Symbol Beyond Redemption?, demòstra amb fòrça imatges qu’aquel simbòl èra adoptat d’un biais arderós coma motiu arquitectonic, publicitari e de dessenh: l’emplegavan las societats Coca-cola e Carlsberg, los Boy Scouts e quitament las fòrças aerianas estatsunidencas e britanicas fins en 1939.
L’adopcion de la crotz gammada pel nazisme la transformèt automaticament, sustot dins los païses occidentals, en un emblèma dirèctament restacat a l’orror faissista e l’olocaust.
Mas totes son pas d’acòrdi amb lo fach que los nazis ajan sequestrat la crotz gammada. L’artista e poèta canadian ManWoman consagrèt una bona part de sa vida a ensajar de li tornar son sens autentic de benastre. Per aténher la siá tòca, que qualificava de mistica, se faguèt tatoar gaireben dos cents croses gammadas pel còrs e publiquèt un libre entitolat Gentle Swastika, Reclaiming the Innocence.
Quand ManWoman moriguèt, lo 13 de novembre de 2012, lo sieu prètzfach de recuperacion de la crotz gammada s’arrestèt pas. Dins lo primièr anniversari de sa mòrt, un grop de tatoaires decidiguèt de revendicar l’ancian simbòl, amb lo sieu sens originari, a travèrs de la campanha “Learn to Love the Swastika”, e pendent aquel temps tatoèron de croses gammadas a gratis “per educar las gents sus sas originas e son sens real”.
Dijòus passat se’n faguèt la segonda edicion amb la participacion de centres de tatoatge de tot lo Mond, qu’entre eles n’i a que son a Tolosa, Pau, Auloron e Los Vans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òc-ben, mas lo sens dels simbòls evoluciona amb l'Istòria: la crotz latina evocava un instrument de suplici abans lo cristianisme, la crotz occitana aviá probable d'autras significacions e d'unes dison que trai son origina en cò dels crestians orientals. Ara sembla malaisit de separar la crotz gammada amb los òrres crimes dels nazis.
Vertat qu'es una especialitat dels extremistas, faissistas de se manlevar sens vergonha los vielhs simbòls de lutz, de vida o de patz per ne far de bandièras de l'òdi e de la mòrt.
A veire los ultras nacionalistas franceses se passacarrierar lo primièr de mai se pòt coneisser çò que vòl dire ignorància de l'istòria e escurantisme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari