Actualitats
Reforma territoriala de l’estat francés: mai près de la recentralizacion
L’Assemblada francesa votarà la reforma territoriala lo 25 de novembre que ven. Fusionaràn Miègjorn-Pirenèus amb Lengadòc-Rosselhon, Auvèrnhe amb Ròse-Alps, Lemosin amb Aquitània e amb Peitau-Charantas
La comission de las leis de l’Assemblada francesa aprovèt dimècres passat la nòva carta de las regions ont Lemosin se fusionarà amb Peitau-Charantas e Aquitània, Auvèrnhe amb Ròse-Alps e Miègjorn-Pirenèus amb Lengadòc-Rosselhon. Aquela nòva carta, que redutz las regions “metropolitanas” de l’estat francés de 22 a 13, s’aprovarà lo 25 de novembre que ven.
Aquela reforma administrativa es una inciativa del govèrn de Valls, e mai concretament del quite Manuel Valls, que prepausèt de reduire lo nombre de regions e de suprimir los departaments, amb lo pretèxt de far d’economias. Se prevei que la majoritat dels deputats de l’Assemblada sostendràn aquel projècte de recentralizacion.
Lo projècte qu’aviá aprovat l’Assemblada francesa considerava de reduire las regions a 13, mas lo 30 d’octòbre passat, lo Senat aprovèt per 175 vòtes en favor e 33 contra, una reforma territoriala amb 15 regions. Los senators i demandèron de manténer las regions d’Alsàcia, Miègjorn-Pirenèus e Lengadòc-Rosselhon, al delà, Aquitània s’integrariá dins la region qu’amassa Peitau-Charantas e Lemosin. Lo Partit Socialista a la majoritat a l’Assemblada francesa, mas dins lo Senat i a una majoritat de l’UMP.
Ça que la, la darrièra paraula a l’entorn d’aquela question es de l’Assemblada francesa. Aital, la proposicion dels senators reüssirà pas.
Las autras fusions
La reforma territoriala prevei tanben la fusion de Borgonha amb la Franca Comtat, de Picardia lo Nòrd-Pas de Calais, de las doas Normandias, d’Alsàcia amb Lorena e amb Champanha-Ardena, e mai s’en Alsàcia o vòlon pas.
En mai de Provença, restaràn coma fins ara: Corsega, l’Illa de França, lo Centre, Bretanha e lo Païses de Léger. Dins aqueste darrièr cas, doncas, lo govèrn francés a pas pres en consideracion d’aprofechar la reforma territoriala per integrar lo departament de Nantas (Léger Atlantic) als quatre departaments de la region de Bretanha, una revendicacion istorica del movement breton, que darrièrament an pro manifestat en o demandar.
Lemosin es occitan e o deu restar
La Coordinacion Occitana de Lemosin lancèt una peticion en linha per protestar contra la decision de restacar lo país occitan a una region novèla amb Peitau-Charantas (e amb lo Centre segon una primièra version de las fusion, ara abandonada). Dins aquel sens, an manifestat tre lo començament d’aquel debat lor chepic envèrs aquela decision. Dison qu’an pas cap de reticéncia envèrs aquelas regions, mas que per de rasons geograficas, païsatgisticas, culturalas, agricòlas, economicas e sustot lingüisticas, Lemosin pòt pas èsser arrancat de l’ensemble occitan. Per aquò demandan que s’estúdie la nòva division regionala, per que Lemosin pòsca èsser restacat a una autra region occitana. Al delà, exigisson tanben una enquèsta sus la lenga, que sos elements concrets serviscan a elaborar una futura politica lingüistica digna del país.
La Coordinacion Occitana de Lemosin nasquèt a la fin de 2013 en amassant d’associacions e de personalitats engatjadas dins la defensa e la promocion de l’occitan lemosin.
_____
Peticion en linha: Lemosin es occitan e o deu restar
Aquela reforma administrativa es una inciativa del govèrn de Valls, e mai concretament del quite Manuel Valls, que prepausèt de reduire lo nombre de regions e de suprimir los departaments, amb lo pretèxt de far d’economias. Se prevei que la majoritat dels deputats de l’Assemblada sostendràn aquel projècte de recentralizacion.
Lo projècte qu’aviá aprovat l’Assemblada francesa considerava de reduire las regions a 13, mas lo 30 d’octòbre passat, lo Senat aprovèt per 175 vòtes en favor e 33 contra, una reforma territoriala amb 15 regions. Los senators i demandèron de manténer las regions d’Alsàcia, Miègjorn-Pirenèus e Lengadòc-Rosselhon, al delà, Aquitània s’integrariá dins la region qu’amassa Peitau-Charantas e Lemosin. Lo Partit Socialista a la majoritat a l’Assemblada francesa, mas dins lo Senat i a una majoritat de l’UMP.
Ça que la, la darrièra paraula a l’entorn d’aquela question es de l’Assemblada francesa. Aital, la proposicion dels senators reüssirà pas.
Las autras fusions
La reforma territoriala prevei tanben la fusion de Borgonha amb la Franca Comtat, de Picardia lo Nòrd-Pas de Calais, de las doas Normandias, d’Alsàcia amb Lorena e amb Champanha-Ardena, e mai s’en Alsàcia o vòlon pas.
En mai de Provença, restaràn coma fins ara: Corsega, l’Illa de França, lo Centre, Bretanha e lo Païses de Léger. Dins aqueste darrièr cas, doncas, lo govèrn francés a pas pres en consideracion d’aprofechar la reforma territoriala per integrar lo departament de Nantas (Léger Atlantic) als quatre departaments de la region de Bretanha, una revendicacion istorica del movement breton, que darrièrament an pro manifestat en o demandar.
Lemosin es occitan e o deu restar
La Coordinacion Occitana de Lemosin lancèt una peticion en linha per protestar contra la decision de restacar lo país occitan a una region novèla amb Peitau-Charantas (e amb lo Centre segon una primièra version de las fusion, ara abandonada). Dins aquel sens, an manifestat tre lo començament d’aquel debat lor chepic envèrs aquela decision. Dison qu’an pas cap de reticéncia envèrs aquelas regions, mas que per de rasons geograficas, païsatgisticas, culturalas, agricòlas, economicas e sustot lingüisticas, Lemosin pòt pas èsser arrancat de l’ensemble occitan. Per aquò demandan que s’estúdie la nòva division regionala, per que Lemosin pòsca èsser restacat a una autra region occitana. Al delà, exigisson tanben una enquèsta sus la lenga, que sos elements concrets serviscan a elaborar una futura politica lingüistica digna del país.
La Coordinacion Occitana de Lemosin nasquèt a la fin de 2013 en amassant d’associacions e de personalitats engatjadas dins la defensa e la promocion de l’occitan lemosin.
_____
Peticion en linha: Lemosin es occitan e o deu restar
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Sensa jogar sus lei mòts, es evident que la reforma administrativa procedís d'un jacobinisme prefond. Es la negacion deis identitats culturalas de la màger part dei pòbles de l'estat.
Serà gaireben impossible qu'un departament càmbie de region: caudrà una majoritat dei tres cinquens dins lo conseu regionau de partença e lo d'arribada.
Un libre d'un istorian BRITANIC , Graham ROBB : "The discovery of France", 2007. Tradusit en francés en 2011 e publicat per Flammarion /Champs histoire : "une histoire buissonnière de la France". Un titol mau causit, que "toristifica" lo libre. Curiós ! nada publicitat per aqueth libre.
Per ne pas auger los ulhs cluchats, fau estar un istorian britanic ! Aquí un tròç de l'introduccion : " il m'apparaissait depuis quelque temps déjà que la France dont j'enseignais et étudiais la littérature et l'histoire n'était qu'une FRACTION (soslinhat per jo) du vaste territoire que j'avais pu voir lors de mes vacances, voyages d'études et aventures. La connaissance professionnelle que j'en avais , reflétait la vision parisianiste d'écrivains comme Balzac et Baudelaire, pour qui les boulevards extérieurs de Paris marquaient la frontière du monde civilisé. (...) Dans les périodes historiques dont j'ai fait mon foyer intellectuel , le fossé entre savoir livresque et vécu était encore plus vertigineux. (...) ... un livre dans lequel les habitants ne seraient pas de simples données statistiques extraites de leur milieu, la "France" et "les Français" signifieraient autre chose que Paris et une poignée d'individus puissants. ..."
Podètz peticionar coma volètz, servirà pas a res. L'Estat se fot d nòstre vejaire, nos auriá demandat senon, per lo decopatge coma per la delegacion de poder. Comenti quitament pas las economias esperadas…
Atencion dins l'article : "Provença" a ges d'existéncia coma region. O manca sud Dalfinat, Comtat Venaicin...
Es sòrga de confusion, qué Provença : istorica ? linguistica (amb Nimes) ?
Actualament la realitat es indenegablament nomenada : Provença-Alps-Còsta d'Azur.
Un estat francés federal o amb de " regions " autonòmas es tant realista coma d'aiga seca.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari