Actualitats
Manifestacion per la restanca de Sivens: l’FDSEA ditz n’aver un sadol dels zadistas
Del costat occitanista, sostenguèt la protèsta l’associacion Lo Clusèl que ditz que la restanca es necita pel país
Aperaquí 5000 personas segons los organizaires, e 2200 segon la polícia, manifestèron a Albi dissabte passat pendent tres oras en favor del barratge de Sivens. “Pel restabliment de l’òrdre republican”, èra lo lèma principal de la manifestacion, acompanhat de bandieròlas que disián “daissatz-nos decidir l’avenir dels nòstres territòris”, “respectatz la volontat dels elegits”…
De manifestants èran venguts de tot l’estat francés, mai que mai d’elegits, que jonguèron la crida de Sylvain Fernandez, president de l’Associacion dels Cònsols e Elegits de Tarn, qu’aviá mandat un corrièr a aperaquí 3000 elegits en los convidant a manifestar “provesits de las insígnias de la Republica [francesa]”.
L’FDSEA (federacion departamentala dels sindicats agricòlas) portèt de manifestants a Albi dins un vintenat d’autocars. Aquela federacion, que sos membres son partisans de l’agricultura productivista, dempuèi gaire es remarcada dins las informacions per aver protagonizat d’accions de vandalisme. Anèron a Albi per manifestar lor “sadol” contra los antirestanca (los “zadistas”): “es pas la manifestacion dels pròrestanca contra los ecologistas, mas n’avèm un sadol contra los zadistas, de mercenaris venguts de pertot qu’emplegan la violéncia contra un projècte qu’a seguit un procès democratic”, çò expliquèt Philippe Bardy, director de l’FDSEA del departament de Tarn, segon çò que rapòrta Le Parisien.
Del costat occitanista, sostenguèt la crida l’associacion Lo Clusèl. Segon aquela associacion ciutadana, la restanca es necita per “assegurar los provesiments en aiga [e] per garentir la regularitat dels debits dels rius (aiga bassa) e l’irrigacion agricòla”. Dins aquel sens, l’associacion occitanista afirma “qu’Occitània deu demorar una nacion agricòla desvolopada”.
La veitura de la sonoziracion difusava de cançons occitanas abans la marcha, e se faguèt un omenatge a Rémi Fraisse, opausant a la restanca de Sivens e mòrt a causa d’una granada lançada pels gendarmas.
Rassemblement pro-barrage de Sivens à Albiper leparisienAFP
De manifestants èran venguts de tot l’estat francés, mai que mai d’elegits, que jonguèron la crida de Sylvain Fernandez, president de l’Associacion dels Cònsols e Elegits de Tarn, qu’aviá mandat un corrièr a aperaquí 3000 elegits en los convidant a manifestar “provesits de las insígnias de la Republica [francesa]”.
L’FDSEA (federacion departamentala dels sindicats agricòlas) portèt de manifestants a Albi dins un vintenat d’autocars. Aquela federacion, que sos membres son partisans de l’agricultura productivista, dempuèi gaire es remarcada dins las informacions per aver protagonizat d’accions de vandalisme. Anèron a Albi per manifestar lor “sadol” contra los antirestanca (los “zadistas”): “es pas la manifestacion dels pròrestanca contra los ecologistas, mas n’avèm un sadol contra los zadistas, de mercenaris venguts de pertot qu’emplegan la violéncia contra un projècte qu’a seguit un procès democratic”, çò expliquèt Philippe Bardy, director de l’FDSEA del departament de Tarn, segon çò que rapòrta Le Parisien.
Del costat occitanista, sostenguèt la crida l’associacion Lo Clusèl. Segon aquela associacion ciutadana, la restanca es necita per “assegurar los provesiments en aiga [e] per garentir la regularitat dels debits dels rius (aiga bassa) e l’irrigacion agricòla”. Dins aquel sens, l’associacion occitanista afirma “qu’Occitània deu demorar una nacion agricòla desvolopada”.
La veitura de la sonoziracion difusava de cançons occitanas abans la marcha, e se faguèt un omenatge a Rémi Fraisse, opausant a la restanca de Sivens e mòrt a causa d’una granada lançada pels gendarmas.
Rassemblement pro-barrage de Sivens à Albiper leparisienAFP
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Occitània deu demorar una nacion agricòla desvolopada" E entad aquò, que cau har la paishèra de Sivens ? Qu'ei la condicion sine qua non ?
«Volèm totis pagar per l'interés d'un vintenat d'agricultors !»
Compreni pas aquel monde…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari