Actualitats
Episòdi racista dins un tren regional a Tolon: un òme es expulsat pels passatgièrs
L’SNCF metiá en question son títol de transpòrt, qu’èra pasmens valid. Los passatgièrs l’expulsèron del tren violentament
La crisi sociala es de mai en mai grèva, e los tesics racistas arriban a de nivèls espantants. Una altercacion de tipe xenofòb esclatèt dins un tren regional, a la gara de Tolon, dins un jorn de cauma. Los faches se passèron dimars 4 de novembre e dissabte passat los raportèt Var Matin.
Birame, un òme de 41 ans, foguèt expulsat del tren manu militari per d’autres passatgièrs. Èra lo tren que Birame pren cada jorn per anar trabalhar a Marselha.
Quand Birame anava vèrs lo cai, dins lo tunèl, un emplegat de l’SNCF li demandèt de mostrar la bilheta, e el mostrèt sa carta d’abonament. E mai se l’abonament que Birame mostrava èra del mes de novembre, l’emplegat li diguèt que s’agissiá del mes d’octòbre. Benlèu un malentendut? Birame anèt lèu al tren en disent “Non, ai ben lo mes de novembre”. Lo despart èra imminent e èra un jorn de cauma que fòrça trens foncionavan pas.
En aquel moment, d’agents de l’SNCF seguiguèron Birame e li demandèron de davalar del tren per mostrar son abonament. Birame refusèt en lor disent que se davalava lo tren partiriá sens el. Alavetz, un òme li diguèt: “Gojat, tu davalas o te sòrti per totei lei mejans”, e sul pic, mai d’un viatjaire l’expulsèron del tren. Quitament una femna se serviguèt de son cartable per lo far tombar sul cai. Birame se levèt e ensagèt de cambiar de vagon. “Vòli anar trabalhar”, çò disiá. Mas los passatgièrs se mostravan ostils e l’insultavan. “Bamboula! Son totjorn lei meteis que pausan problèma. Lei cartas d’abonament, sabèm coma lei pagatz amb nòstrei impòsts”, çò disián. La polícia qu’èra sul cai detenguèt Birame e lo menèt al comissariat.
Un contrarotlaire de l’SNCF faguèt sa denóncia per otratge contra Birame. Birame tanben faguèt la sieuna, de denóncia. Aquel meteis jorn un mètge li liurèt una incapacitat totala de trabalh de cinc jorns per una emorragia dins un uèlh.
Los policièrs constatèron qu’èra en possession d’un títol de transpòrt valid.
L’SNCF se defend en dire que Birame refusèt de mostrar sa bilheta.
Es evident que i a doas versions dels faches. L’SNCF estima que “l’enquèsta establirà de faiçon precisa lo desvolopament dei fachs”. Veirem ben.
Birame, un òme de 41 ans, foguèt expulsat del tren manu militari per d’autres passatgièrs. Èra lo tren que Birame pren cada jorn per anar trabalhar a Marselha.
Quand Birame anava vèrs lo cai, dins lo tunèl, un emplegat de l’SNCF li demandèt de mostrar la bilheta, e el mostrèt sa carta d’abonament. E mai se l’abonament que Birame mostrava èra del mes de novembre, l’emplegat li diguèt que s’agissiá del mes d’octòbre. Benlèu un malentendut? Birame anèt lèu al tren en disent “Non, ai ben lo mes de novembre”. Lo despart èra imminent e èra un jorn de cauma que fòrça trens foncionavan pas.
En aquel moment, d’agents de l’SNCF seguiguèron Birame e li demandèron de davalar del tren per mostrar son abonament. Birame refusèt en lor disent que se davalava lo tren partiriá sens el. Alavetz, un òme li diguèt: “Gojat, tu davalas o te sòrti per totei lei mejans”, e sul pic, mai d’un viatjaire l’expulsèron del tren. Quitament una femna se serviguèt de son cartable per lo far tombar sul cai. Birame se levèt e ensagèt de cambiar de vagon. “Vòli anar trabalhar”, çò disiá. Mas los passatgièrs se mostravan ostils e l’insultavan. “Bamboula! Son totjorn lei meteis que pausan problèma. Lei cartas d’abonament, sabèm coma lei pagatz amb nòstrei impòsts”, çò disián. La polícia qu’èra sul cai detenguèt Birame e lo menèt al comissariat.
Un contrarotlaire de l’SNCF faguèt sa denóncia per otratge contra Birame. Birame tanben faguèt la sieuna, de denóncia. Aquel meteis jorn un mètge li liurèt una incapacitat totala de trabalh de cinc jorns per una emorragia dins un uèlh.
Los policièrs constatèron qu’èra en possession d’un títol de transpòrt valid.
L’SNCF se defend en dire que Birame refusèt de mostrar sa bilheta.
Es evident que i a doas versions dels faches. L’SNCF estima que “l’enquèsta establirà de faiçon precisa lo desvolopament dei fachs”. Veirem ben.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Los partits politics, generalament que's demandan meilèu "quin ganhar las eleccions" que "quin combàter lo racisme".
Que'us ac podem tostemps demandar : que diseràn de òc...
Mes que vau miélher non pas aténer qu'analisen e qu'agiscan abans de s'i hicar, nosauts los ciutadans.
#3 Perqué? Totes los racistas son a Tolon?
Quand legissi aquò soi descorat e, paradoxalament, soi urós d'èsser exiliat a l'ubac.
Quina òrra istòria…
I a quicòm de poirit en Occitània. Demandi a las associacions e als partits politics de se metre al trabalh per analisar e guarir aquela malautiá de la societat del país nòstre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari