Actualitats
Pas mai de trens entre Luishon en Montrejau
An “suspendut” la linha en esperar d’eventuals trabalhs chifrats a 50 milions d’èuros
Après 141 ans d’existéncia, an barrat la linha de tren de Luishon-Montrejau. Dimenge passat, a 17h32, partiguèt lo darrièr tren de Luishon en destinacion de Tolosa e qualques minutas puèi partiguèt lo darrièr tren dirècte vèrs París. L’SNCF a deplorat lo marrit estat de la linha, que la siá filiala RFF (Réseaux Ferrés de France) n’es la responsabla, e s’es servida d’aqueste pretèxt per suspendre la linha, coma son a mand d’o far dins tretze linhas de mai en Occitània.
Dins aquel sens, l’SNCF e RFF an considerat que los 36 quilomètres de camin de fèrre “permeton pas mai d’assegurar la seguretat dels usatgièrs” e an suspenduda la linha en esperar d’eventuals trabalhs chifrats a 50 milions d’èuros, segon un estudi de la societat ferroviària francesa.
Lo barrament de la linha s’anoncièt ja en genièr de 2014, e ara se parla solament d’una “suspension”. Un comitat de pilotatge s’es format amb de representats de l’estat francés, de la region de Miègjorn-Pirenèus e del departament de la Nauta Garona, d’elegits locals e d’usatgièrs del tren. Los resultats se faràn conéisser en junh de 2015. Mentretant, ara cal prene l’autobús.
Dobèrta en 1873 per la Companhiá del Miègjorn, èra encara de via unica. S’agís de la linha de tren mai pròcha de la Val d’Aran.
Dins aquel sens, l’SNCF e RFF an considerat que los 36 quilomètres de camin de fèrre “permeton pas mai d’assegurar la seguretat dels usatgièrs” e an suspenduda la linha en esperar d’eventuals trabalhs chifrats a 50 milions d’èuros, segon un estudi de la societat ferroviària francesa.
Lo barrament de la linha s’anoncièt ja en genièr de 2014, e ara se parla solament d’una “suspension”. Un comitat de pilotatge s’es format amb de representats de l’estat francés, de la region de Miègjorn-Pirenèus e del departament de la Nauta Garona, d’elegits locals e d’usatgièrs del tren. Los resultats se faràn conéisser en junh de 2015. Mentretant, ara cal prene l’autobús.
Dobèrta en 1873 per la Companhiá del Miègjorn, èra encara de via unica. S’agís de la linha de tren mai pròcha de la Val d’Aran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Lo "mestièr"de La RFF es de far barrar de linhas que son pas "rendablas" per tal de nos impausar la LGV Paris Bordèu Hendaia o Paris Bordèu Tolosa que sabon jà qe seràn pas rendablas e reservada als qu'an o qu'auràn la moneda per se pagar lo viatge.
En Òlt e Garona sabèm jà que se la LGV passa serem endeutats per 3 o 4 generacions
ÒSCA !!!!!!
L'eslogan subliminal del parelh SNCF-RFF :
"Es a nosaus de vos far preferir l'estrada / C'est à nous de vous vous faire préferer la route"
E dins aquel afar es clar que los sindicats de la SNCF coma los de l'industria nuclearia an crompat un brave chut al nom de la preservacion de l'emplèc. Es vertat que cal pagar l'ostal de fonccion d'un cert segretari general que sap far Le Paon.
RFF es pas una filiale de la SNCF. RFF a estat creat per l'estat frances apres las grandas grevas de 1995 . Es un establissament public chargeat de l'entreten de las votz de chamin de far. La SNCF a pus son mot a dire dins aquel entreten.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari