Agèr diuendres que trobèren ara ossardeta Aubèrta mòrta, e qu’an amiat eth còrs ara Facultat Veterinària dera Universitat Autonòma de Barcelona entà hèr-li ua necropsia e determinar es causes dera mòrt. “Semble qu’en pujar o baishar d’un arbe, damb es branques s’ha hèt un talh abdominau”, çò diguèt eth conselhèr dera agricultura deth Conselh Generau d’Aran, José Enrique Arró. Segons era autopsia, eth talh qu’ei en ua cicatritz causada per emissor implantat en peritonèu dera ossardeta; era cicatritz s’ei dubèrta de manèra fatau a causa dera abitud qu’auie Aubèrta de pujar as arbes, a on se sentie segura.
 
Eth Govèrn d’Aran ère en tot tramitar era liberacion dera orsa en Pirenèu der estat francés, prevista entath seteme que ven, en un airau ont i a dos orsi mascles e cap de femèla.
 
Aubèrta, que la trobèren perduda en Aubèrt e abriu passat, viuie en un enclaus de 5000 mètres cairadi a on se l’alimentaue segons un protocòl internacionau entà garentir er isolament dera bèstia a respècte des persones.
 
 
 
 
FM