Actualitats
De violéncias a Tolosa dins una manifestacion contra las violéncias policièras
Los estudiants, en protèsta contra las politicas d’austeritat, protèstan tanben contra las repressions policièras enregistradas pendent las manifestacions
Dissabte se debanèt a Tolosa una manifestacion contra las violéncias policièras, non autorizada, que s’acabèt precisament amb de violéncias. I participèron d’opausants a la restanca de Sivens e fòrça estudiants que protèstan energicament après la mòrt del jove tolosan Rémi Fraisse.
Segon France 3 de Miègjorn-Pirenèus, la polícia esperava pas una manifestacion tan nombrosa. Los manifestants, que volián manifestar pel centre vila, foguèron desviats cap a Sant Çubran per la polícia, e es ailà que comencèron las susmautas. Se compta 16 detenguts e 5 ferits, dont 2 policièrs e un jornalista de Ràdio Canadà que foguèt menat inconscient a l’espital de Purpan a causa de l’agitacion e dels gases lacrimogèns.
Après se desplaçar a Sant Çubran, la tension montava e lo cordon policièr dobriguèt lo pas a la Carrièra Billières. Es ailà qu’apareguèron los vandals que damatgèron las veirinas de 4 agéncias bancàrias e de mobilièr urban, çò que permetèt a la polícia de començar de tirar de lacrimogèns e de far de detencions. Los 16 detenguts s’expausan a de sancions penalas.
Deman l’Universitat del Miralh serà tornarmai blocada
Los estudiants de l’Universitat Joan Jaurés, qu’abans s’apelava Lo Miralh, tornaràn blocar deman aquela universitat mondina, après i aver levat lo blocatge dijòus. Los estudiants protèstan contra las politicas d’austeritat menadas dins las universitats e contra la pojada de las tarifas d’inscripcion, segon çò que rapòrta La Voix du Midi.
Mas un dels ingredients de las protèstas dels estudiants son las repressions policièras enregistradas pendent las manifestacions.
manif Sivens Remi Fraisse Tolosa 22/11/2014por sami-logos
Segon France 3 de Miègjorn-Pirenèus, la polícia esperava pas una manifestacion tan nombrosa. Los manifestants, que volián manifestar pel centre vila, foguèron desviats cap a Sant Çubran per la polícia, e es ailà que comencèron las susmautas. Se compta 16 detenguts e 5 ferits, dont 2 policièrs e un jornalista de Ràdio Canadà que foguèt menat inconscient a l’espital de Purpan a causa de l’agitacion e dels gases lacrimogèns.
Après se desplaçar a Sant Çubran, la tension montava e lo cordon policièr dobriguèt lo pas a la Carrièra Billières. Es ailà qu’apareguèron los vandals que damatgèron las veirinas de 4 agéncias bancàrias e de mobilièr urban, çò que permetèt a la polícia de començar de tirar de lacrimogèns e de far de detencions. Los 16 detenguts s’expausan a de sancions penalas.
Deman l’Universitat del Miralh serà tornarmai blocada
Los estudiants de l’Universitat Joan Jaurés, qu’abans s’apelava Lo Miralh, tornaràn blocar deman aquela universitat mondina, après i aver levat lo blocatge dijòus. Los estudiants protèstan contra las politicas d’austeritat menadas dins las universitats e contra la pojada de las tarifas d’inscripcion, segon çò que rapòrta La Voix du Midi.
Mas un dels ingredients de las protèstas dels estudiants son las repressions policièras enregistradas pendent las manifestacions.
manif Sivens Remi Fraisse Tolosa 22/11/2014por sami-logos
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Eri present amb un grop de manifestants/cantaires dins l'esquina dels policiers, en defòra del recampament, embarrat, plaça Esquiròl qu'es lèu vengut una trapèla coma lo còp passat sus las alèas Jaurès. La policia un còp de mai faguèt de provocacions gratuitas per nos menar a l'agressivitat, un policier me demandèt menaçant amb la lacrimò a mens d'un mètre del visatge de passar amb lo tropèl gròs de la manif darrèr lors linhas, li respondèri: "non plan mercés, ei encara mon cervèl !" e reculèri doçamenton, èra meissant coma una arna, arnos, puèi tornèrem partir endacòm mai, mobilitat e trebolament. Per fer cort me sembla que cal respondre a n'aquela estrategia de radicalisacion de l'estat policier e de manipulacion de l'opinion per la diversitat de las respòstas (SO amb blòcs de defensa "armats" per protegir los pacifistas, clowns activistas, cantaires, grops ciclistas, medias liures protegits etc...)
Ouf ! Lo centre vila es salvat...
#4 Alavetz...
#3 Sus de principis elementaris…
#2 Ont demoratz ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari