Actualitats
Marselha: fin tragica per lo Teatre de la Comèdia?
Lo proprietari dei luòcs, la Diocèsi de Marselha, vòu far barrar lo teatre per 45 000 èuros de renda impagada.
Coma o nos aprenon nòstrei confraires d’Aquò d’Aquí, lo TCM, valent a dire lo Teatre de la Comèdia de Marselha, situat au 107 bis Baloard Joana d’Arc, dins lo cinquen arredondiment, risca de barrar. Lo proprietari dei luòcs, la Diocèsi de Marselha, reclama d’efiech 45 000 èuros de renda a son gerent, Jean-Pascal Mouthier, perque a de besonh de sòus per entretenir un patrimòni immobilier sovent voide, lo primier de la vila mai granda d’Occitània.
En 1999, Jean-Pascal Mouthier signèt un contracte amb l’Associacion Sindicala Eclesiastica dei Prèires que gerís lo patrimòni immobilier de la Glèisa Catolica: en escambi de rendas gratuitas pendent 12 ans, veniá a En Mouthier de realizar d’òbras per metre en conformitat lei luòcs, çò que faguèt abans la dobertura dau teatre en mai de 2013.
Lo gerent admet la renda impagada, que justifica per la non-rendabilitat d’una activitat culturala quand comença, e promet de regularizar sei deutes se la Diocèsi n’accèpta un escalonament, que pasmens la Glèisa Catolica refusa. Per aiçò un recors davant la justícia es previst per lo divendres 28 de novembre.
Lo TCM recep l’apieja de l’occitanisme provençau, per exemple de l’Institut d’Estudis Occitans dei Bocas dau Ròse qu’organizèt dins lo teatre un concèrt dau grop Lo Còr de la Plana divendres passat. L’escrivan marselhés Gilles Ascaride, fraire de l’actritz Ariane Ascaride e de l’actor e cineasta Pierre Ascaride, presidís un comitat de sosten qu’a mesa en linha una peticion ja signada per mai de 20 000 personas.
Lo comitat de sosten espèra que la reüssida de la peticion convenca la justícia que i aurà pron de donacions per finançar lo deute dau TCM. Coma o ditz la pregària evangelica (Matieu 6:12), “perdona-nos nòstrei deutes coma perdonam tanben ai nòstrei debitors”.
Gerard-Joan Barceló
En 1999, Jean-Pascal Mouthier signèt un contracte amb l’Associacion Sindicala Eclesiastica dei Prèires que gerís lo patrimòni immobilier de la Glèisa Catolica: en escambi de rendas gratuitas pendent 12 ans, veniá a En Mouthier de realizar d’òbras per metre en conformitat lei luòcs, çò que faguèt abans la dobertura dau teatre en mai de 2013.
Lo gerent admet la renda impagada, que justifica per la non-rendabilitat d’una activitat culturala quand comença, e promet de regularizar sei deutes se la Diocèsi n’accèpta un escalonament, que pasmens la Glèisa Catolica refusa. Per aiçò un recors davant la justícia es previst per lo divendres 28 de novembre.
Lo TCM recep l’apieja de l’occitanisme provençau, per exemple de l’Institut d’Estudis Occitans dei Bocas dau Ròse qu’organizèt dins lo teatre un concèrt dau grop Lo Còr de la Plana divendres passat. L’escrivan marselhés Gilles Ascaride, fraire de l’actritz Ariane Ascaride e de l’actor e cineasta Pierre Ascaride, presidís un comitat de sosten qu’a mesa en linha una peticion ja signada per mai de 20 000 personas.
Lo comitat de sosten espèra que la reüssida de la peticion convenca la justícia que i aurà pron de donacions per finançar lo deute dau TCM. Coma o ditz la pregària evangelica (Matieu 6:12), “perdona-nos nòstrei deutes coma perdonam tanben ai nòstrei debitors”.
Gerard-Joan Barceló
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari