Wunsiedel es una vila de Bavièra qu’a lo malaür d’èsser vesitada cada 15 de novembre per qualques centenats de neonazis. S’i tròba lo tombèl de Rudolf Hess, una figura proeminenta del nazisme. Mas l’acamp faissista d’ongan, qu’a amassat aperaquí 250 personas, es estat fòrça desparièr. Los abitants de Wunsiedel an revirat la manifestacion nazi en una mena de marcha solidària.
Sens que los manifestants nazis o saupèsson, los abitants inventèron una campanha que los comèrcis de la vila i donavan 10 èuros per cada mètre que la marcha percorriá. E aital los ciutadans encoratjavan los nazis a contunhar de caminar, lor lançavan de confètis e mostravan de bandieròlas per que s’arrestèsson pas. Es aital que mercés als quites neonazis, s’amassèt 10 000 èuros per l’associacion Exit-Deutschland, qu’ajuda los que desiran quitar los grops extremistas d’aquela sòrta.
Sens que los manifestants nazis o saupèsson, los abitants inventèron una campanha que los comèrcis de la vila i donavan 10 èuros per cada mètre que la marcha percorriá. E aital los ciutadans encoratjavan los nazis a contunhar de caminar, lor lançavan de confètis e mostravan de bandieròlas per que s’arrestèsson pas. Es aital que mercés als quites neonazis, s’amassèt 10 000 èuros per l’associacion Exit-Deutschland, qu’ajuda los que desiran quitar los grops extremistas d’aquela sòrta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lavetz, pr'amor per un còp sui pas briga de maishanta fe :
qui paga ? quau es son interest ?
com pagan : cada comerçant balha 10€ per metre ?
qui organiza açò ?
los ciutadans encoratjan los nazis ? perqué ? qué vòu díder açò ?
lor lançan confetis ?
perqué pas balhar aqueths sòus shens tota la mesa en escena, e entrepachar la manifestacion ?
reaccion deus poders publics ? deus movements politics locaus ?
#8 Ba, l'i a tot plen de chausas que comprene pas mai en francés, quò es pas afar de lenga mas d'expression. Setz queraque tots dau monde fins, pas coma me de segur ! (ai 'chabat per compréner l'afar totparier).
Amb de garrolhas aital, serà aisit pels afrancimandits de dire que l'occitan es una lenga pas tan clara que lo francés que, ja se sap, es la lenga mai clara de totas. Ièu que siái pas tròp aluserpit, trapi que l'article es pro clar. Es sustot l'ingeniositat de la replica a la bèstia negra que demandava d'intelligéncia: los daissar desfilar e coma mai n'avançan mai d'argent s'amassa per los poder contrar. En mai d'aquò, amb aquel espectacle los felens d'Hitler pareisson çò que son: de piòts sens cervèla e fòrça asir.
#6 ont as legit que los comercis amassavan? los comercis donavan, fasián de dons
Ai legit e tornar legit, ai totjorn pas comprengut, fau 'restar de dire que la gent son forçadament de meschanta fe.
De quau biais los comercis 'massavan de l'argent ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari