#25 Benlèu qu'en Rhône-Alpes lo monde s'identifica pas a la region (a que s'identifican, alavetz ? a la ciutat ?)... Mès en Miegjorn-Pirénénèus, hòra deus occitanistas, lo monde s'identifica segon lo departament, la région o la ciutat, ua identificacion que s'afirme CONTRA l'identitat Occitana. Vaqui çò que se passa, aci : "Soi Avaironés, doncas, soi pas Occitan !" "Soi de Tolosa, Tolosa ei la prefectura de Garona-Nauta, doncas soi autaplan naut-garonés, mès alavetz me sentishi pas brica Occitan"... Aquò non cambiera sonque dambe ua reconeishença administrativa. Se non, Occitania demorarà sonque un concepte defengut per quauques érudits, lo monde se reconeisherà pas dins aquò, e l'occitanisma, quitament legitima, demorarà condemnat a la marginalitat.

Per aquesta part d'Occitània s'agis ben d'una reunificacion del LENGADÒC istoric de Tolosa a Montpelhier, cal arrèstar de voler molzer las polas ! S'es vertat que concernis pas l'integralitat d'aqueste territòri es una avançada màger, n'avèm pas causit lo biais de far ni la resulta finala mas devèm pas mancar d'utilizar çò de positiu aqui dedins per contunhar de caminar. Los 2 despartaments gascons (65 e 32) e lo 1/3 d'Arièja (lo Coseran) mai lo sud del 31 aurian de se mobilizar per afirmar los gasconitat contra l'estat francés, s'o vòlon, mas lor servirà pas a res de se batre contra lo Lengadòc qu'es pas responsable de lor "anexion" idem pels catalans, los autres 9 despartaments son en granda majoritat lengadocians e aquò es un astre per nosautres occitanistas. S'o sabèm far, debriam ne profitar per s'apiejar sus aquela identitat totjorn viva e populara per far pujar lo nivèl de consciença occitana en Lengadòc. Endacòm mai es parièr se cal tornar apiejar sus nòstres paises occitans, Gasconha, Provença, Lemosin etc...Es aital que bastirèm Occitània e pas amb d'afirmacions nacionalistas que son pas en fasa amb lo pòble.

"Raimon" (un pauc ufanós de se donar coma pseudonim lo nom d'un comte de Tolosa, non?), levat se la region correspond mai o mens a una nacion (Bretanha, Corsega, Alsàcia), las gents en França e en Occitània s'identifican pauc a las regions administrativas. Aquí ont vivi, coneissi pas degun que diga "Je suis rhône-alpin". Per contra, es evident que se per cas la region nòva s'apelèsse "Occitània", serà un argument massís en favor de las gents de l'IBG o del Collectiu Provença que non quitan pas de repetir qu'Occitània=Lengadòc=Comtat de Tolosa. Que los occitanistas s'uniscan, parlen enfin a la populacion occitana de pertot en nom de la lenga, de la cultura e del país.

#20 D'argumentar vos dona pas lo drech de mespresar vòstres interlocutors.

#21 E alavètz, quina denominacion prepausatz entau nom de "Provença", de "Gasconha", de "Lemosin" entà que "l'occitanitat" d'aquestas régions sia botada en evidéncia, en saber que de tot biais, d'un punt de vist administratiu, nos demandaràn pas nòste avis ? la sola region que pòt i aver un cambiament de nom, serà la gessida de la fusion Midi-Pyrénées-Languedoc-Roussillon. Que podèm esperar un nom dambe "Occitanie". Alavetz, de que prepausar ? quitament se la part bèra de la populacion Occitan ei en Provença, me vesi pas prepausar lo nom "Occitanie Occidentale" (e la Gasconha en Aquitània ??? que deveng ?)... Doncas, quin nom podèm prepausar entà que sia a l'encòp un nom que comprenga "Occitanie" shens oblidar los provençaus en hèr-z-oc ?