A l’ocasion del Jorn Internacional per l’Eliminacion de las Violéncias Masclistas, que se debanèt dimars passat, Le Figaro amb l’AFP publiquèron un rapòrt amb de chifras espaventosas extrachas de las donadas de l’UNICÈF, de l’ÒNU, de la Banca Mondiala e de l’OMS. Cal soslinhar qu’actualament al Mond una femna sus 7 es victima de violament e 130 milions de femnas son excisadas.
De fach, un femna sus tres es estada qualque còp victima de violéncias. L’OMS publiquèt dins la revista medicala The Lancet, la setmana passada, qu’aperaquí lo 35% de las femnas e de las dròllas son expausadas a una forma de violéncia fisica o sexuala dins lor vida. Aquela donada monta d’un biais espantant dins de païses coma Oganda o Samoa.
Mas cal pas anar tant luènh. Segon aquelas donadas, dins l’estat francés, cada tres jorns morís una femna jos los còps de son conjonch. Aperaquí 216 000 femnas son somesas a la violéncia fisica o psiquica d’un òme, siá son conjonch actual, siá son èx-conjonch, marit, concubin, calinhaire… Solament lo 16% d’aquelas femnas fan lor denóncia contra aquelas violéncias. N’i a fòrça que fan pas lor denóncia perque pensan aital de protegir lors enfants, lor reputacion o quitament lor vida.
Lo rapòrt analisa tanben los violaments, las femnas en risc de ne patir, los maridatges precòces e forçats, que tanben se passan dins l’estat francés, e las mutilacions genitalas patidas per aperaquí 130 milions de femnas, mai que mai en Egipte, Jiboti, Guinèa e Somalia.
Segon l’OMS, e mai se i a agut de progrèsses mercés a las campanhas de sensibilizacion, las violéncias sus las femnas atenhon encara un nivèl “inacceptable”. L’organizacion de la santat tanben jutja que los esfòrces emplegats son pas brica sufisents. Aquelas violéncias “exacerbadas dempuèi de conflictes e de crisis umanitàrias an de consequéncias per la santat mentala e fisica de las victimas”.
De fach, un femna sus tres es estada qualque còp victima de violéncias. L’OMS publiquèt dins la revista medicala The Lancet, la setmana passada, qu’aperaquí lo 35% de las femnas e de las dròllas son expausadas a una forma de violéncia fisica o sexuala dins lor vida. Aquela donada monta d’un biais espantant dins de païses coma Oganda o Samoa.
Mas cal pas anar tant luènh. Segon aquelas donadas, dins l’estat francés, cada tres jorns morís una femna jos los còps de son conjonch. Aperaquí 216 000 femnas son somesas a la violéncia fisica o psiquica d’un òme, siá son conjonch actual, siá son èx-conjonch, marit, concubin, calinhaire… Solament lo 16% d’aquelas femnas fan lor denóncia contra aquelas violéncias. N’i a fòrça que fan pas lor denóncia perque pensan aital de protegir lors enfants, lor reputacion o quitament lor vida.
Lo rapòrt analisa tanben los violaments, las femnas en risc de ne patir, los maridatges precòces e forçats, que tanben se passan dins l’estat francés, e las mutilacions genitalas patidas per aperaquí 130 milions de femnas, mai que mai en Egipte, Jiboti, Guinèa e Somalia.
Segon l’OMS, e mai se i a agut de progrèsses mercés a las campanhas de sensibilizacion, las violéncias sus las femnas atenhon encara un nivèl “inacceptable”. L’organizacion de la santat tanben jutja que los esfòrces emplegats son pas brica sufisents. Aquelas violéncias “exacerbadas dempuèi de conflictes e de crisis umanitàrias an de consequéncias per la santat mentala e fisica de las victimas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Voldien aquests homes que els fessin el mateix? Aveure que passsaria si els toqués a ells.
Aquí se vei lo nivèu de civilizacion vertadèir au sègle XXI !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari