Luc d’Aude: Serada de sosten als zadistas de Sivens
Dimars passat se debanèt a Luc d’Aude (Rasés) una serada pel sosten a la ZAD (zòna a defendre) del Testet. Aquela serada permetèt d’expausar la situacion passada e presenta sul sit ocupat del projècte de barratge de Sivens. Una cinquantena de gents presentas, dont d’estatjant(a)s del sit, tant coma qualques zadistas del vilatge vesin nòstre, Los Banhs de Rènnas. La serada comptèt amb la participacion de qualques activistas que se desplacèron dempuèi Sivens (Galhaqués).
Aprèp la vista d’un filme explicatiu davant lo drama del 25 d’octòbre, un debat que seguiguèt permetèt de comprene la necessitat d’ocupar lo terren e d’organizar mai encara la solidaritat amb la ZAD e la luta contra los projèctes inutils en cors e que venon… L’evidéncia de la repression plan segur foguèt mesa al davant, tant al Testet coma per las manifestacions sus la mòrt de Rémi Fraisse e sus las violéncias policièras.
Mercés tanben als punks locals qu’aquesta dimenjada avián organizat un concèrt a Luc e collectat de material destinat a la ZAD.
La serada permetèt de collectar tanben 525 èuros, de material agricòla, de vestidura, de vèlos, etc. per lo Testet en luta. D’autras seradas van se faire dins lo país d’Aude: es necessari per mostrar que n’i a pro d’aquela politica productivista de destruccion de la planeta e dels umans que i vivon, tot coma de la rèsta del vivent.
Mercés plan a l’ostal de la vila de Luc, mercés plan a totes.
Miquèl Béchereau
Pendent aquela serada s’amassèron de letras de sosten per Thomas Roseres, un zadista detengut dins una manifestacion e qu’es en preson preventiva fins al 15 de decembre a Murèth-Sèishes.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Camarada Terric, l'afica de crida era sus "fessesbouc" e l'ai difusada mai d’un còp, e era domatge que tu sias pas vengut, mas es pas grèu, i aurà d'autras seradas, benlèu lèu a Carcassona o alhors. E per M. Amans, òc, es partisan per los Zadistas del Testet e d'alhors, contra las violèncias policièras de l'estat francès e contra tots los colabòs occitans que sostenon los productivistas de la FNSEA e la mafia socialista e tuti quanti...
Domatge qu'èri pas al corrent ja qu'i seriái vengut, vesin.
Dins l'afar de Sivens e de l'assassinat de Romièg Fraisse, pas res es acabat. La nòstra mobilizacion serà nòstra manièra de far omenatge a Romièg Fraisse e a la causa que defendiá. Mercés als companhs de Luc d'Aude
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Camarada Terric, l'afica de crida era sus "fessesbouc" e l'ai difusada mai d’un còp, e era domatge que tu sias pas vengut, mas es pas grèu, i aurà d'autras seradas, benlèu lèu a Carcassona o alhors. E per M. Amans, òc, es partisan per los Zadistas del Testet e d'alhors, contra las violèncias policièras de l'estat francès e contra tots los colabòs occitans que sostenon los productivistas de la FNSEA e la mafia socialista e tuti quanti...
Domatge qu'èri pas al corrent ja qu'i seriái vengut, vesin.
Dins l'afar de Sivens e de l'assassinat de Romièg Fraisse, pas res es acabat. La nòstra mobilizacion serà nòstra manièra de far omenatge a Romièg Fraisse e a la causa que defendiá. Mercés als companhs de Luc d'Aude
Es un article o un comunicat de premsa partisan ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari