Actualitats
Episòdi totalitari al conselh municipal de Montalban
Un cameraman foguèt expulsat violentament e los autres jornalistas foguèron tanplan reprimits
La reünion del conselh municipal de Montalban visquèt dimars passat de ser un episòdi de violéncia totalitària. Lo cameraman de Networkvisio, Michel Lecomte, foguèt expulsat de fòrça per la polícia municipala a la demanda dels servicis de la consolessa UMP, Brigitte Barèges, çò rapòrta La Dépêche.
Lecomte faguèt sa denóncia ièr per “violéncia sus persona fisica”, segon çò qu’el anoncièt a l’AFP. A d’ematòmas e de dolors sus una espatla, çò que l’empedís de trabalhar.
Los jornalistas presents dins la sala prenguèron lors telefòns mobils per filmar la scèna, mas sul pic, de membres del servici d’òrdre lor prenguèron los telefòns de las mans e los lancèron al sòl. Après demandar d’excusas e que lor enebiguèron d’enregistrar d’imatges, los jornalistas reprenguèron lor plaça. Poguèron almens far de fòtos.
La reünion se debanèt sens los elegits del Partit Socialista, que quitèron la sala après l’expulsion del cameraman. Segon Valérie Rabault, deputada socialista presenta al conselh, se tracta d’una “negacion de democracia”. Rabault invoquèt una jurisprudéncia del tribunal administratiu de Bordèu del 24 de junh de 2003 qu’estipula qu’enebir d’enregistrar los debats es illegal.
Los debats del conselh municipal avián pojat de ton après que l’oposicion demandèsse la paraula per parlar dels festenals de la vila que la consolessa los vòl agropar en un sol. Mas la consolessa refusèt de dobrir lo microfòn. Libération planhiá que l’endeman, dimècres de matin, poguèsson pas parlar amb ela.
Segon aquel jornal, Michel Lecomte seriá vengut persona non grata a la comuna carcinòla dempuèi que difondèt los imatges de l’elegida pendent la campanha municipala de 2014 quand declarava qu’un de sos companhs de lista, Jean Trepkri, qu’es negre, èra “la taca de nòstra lista”.
Barèges foguèt declarada inelegibla en octòbre passat pel tribunal administratiu de Tolosa en rason d’una “violacion substanciala” de las règlas de finançament de la campanha, a las eleccions municipalas de 2014.
Lecomte faguèt sa denóncia ièr per “violéncia sus persona fisica”, segon çò qu’el anoncièt a l’AFP. A d’ematòmas e de dolors sus una espatla, çò que l’empedís de trabalhar.
Los jornalistas presents dins la sala prenguèron lors telefòns mobils per filmar la scèna, mas sul pic, de membres del servici d’òrdre lor prenguèron los telefòns de las mans e los lancèron al sòl. Après demandar d’excusas e que lor enebiguèron d’enregistrar d’imatges, los jornalistas reprenguèron lor plaça. Poguèron almens far de fòtos.
La reünion se debanèt sens los elegits del Partit Socialista, que quitèron la sala après l’expulsion del cameraman. Segon Valérie Rabault, deputada socialista presenta al conselh, se tracta d’una “negacion de democracia”. Rabault invoquèt una jurisprudéncia del tribunal administratiu de Bordèu del 24 de junh de 2003 qu’estipula qu’enebir d’enregistrar los debats es illegal.
Los debats del conselh municipal avián pojat de ton après que l’oposicion demandèsse la paraula per parlar dels festenals de la vila que la consolessa los vòl agropar en un sol. Mas la consolessa refusèt de dobrir lo microfòn. Libération planhiá que l’endeman, dimècres de matin, poguèsson pas parlar amb ela.
Segon aquel jornal, Michel Lecomte seriá vengut persona non grata a la comuna carcinòla dempuèi que difondèt los imatges de l’elegida pendent la campanha municipala de 2014 quand declarava qu’un de sos companhs de lista, Jean Trepkri, qu’es negre, èra “la taca de nòstra lista”.
Barèges foguèt declarada inelegibla en octòbre passat pel tribunal administratiu de Tolosa en rason d’una “violacion substanciala” de las règlas de finançament de la campanha, a las eleccions municipalas de 2014.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4- Camarada en primièr o en segon, rai, camarada Ernest Guevarra Jr, vos remandi a çò que disi sus los socialistas al poder dins mon comentari incorporat a "Malhum en bastison."
De tota manièra, podiái pas pensar en vos tengut compte del caractèr revolucionari qu'afichatz.
#1 Camarada Forment, oblidam pas l'UMP. Mas oblidam pas tanpauc çò que significa luchar contra lo capitalisme, es a dire "èsser d'esquèrra" ! E es per aiçò que sus Jornalet o endacòm mai, demandi ieu comptes als que se pretendon d'esquèrra e que dirigisson l'estat francés a l'ora d'ara, al mesprètz mai qu'evident de la volontat electorala esquerrista que los portèt al poder. Aquò non fa pas d'UMP d'angelons blaus…
E vos diràn que sonque son occitanistas... An pas los uelhs embrumats !
Estonant ? Non ! La cultura (Jazz à Montauban, Alors chante,...) , aprèp la premsa,... : Es pas un episòdi totalitari, es un conselh municipal totalitari !
E dire que sus Jornalet d'unes que i a demandan de comptes a l'Esquèrra tot se doblidant l'UMP.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari