Actualitats
Lo plan d’Artur Mas per l’independéncia de Catalonha
Prepausa una eleccion anticipada al Parlament amb una lista unitària dels partits favorables a l’independéncia, e un periòde de 18 meses per la constitucion d’un nòu estat catalan
Lo president de Catalonha, Artur Mas, expliquèt dimars passat de ser, en una conferéncia (vidèo), son plan per que Catalonha venga un estat independent en dètz e uèch meses, a partir d’una eleccion anticipada al Parlament de Catalonha.
En aquela conferéncia, lo president catalan afirmèt qu’el avançariá l’eleccion al Parlament de Catalonha, se totes los partits favorables a l’independéncia e las associacions independendistas de la societat civila s’amassèsson dins una sola lista. Aquò fariá qu’aquela eleccion —completament legala dins la lei espanhòla— venguèsse lo referendum que Madrid s’entestardís a desautorizar. Al delà, lo president Mas afirmèt qu’el pòt èsser lo primièr o lo darrièr d’aquela lista. Per el solament es important que siá un ensemble de totas las fòrças independentistas.
S’aquela lista atenguèsse la majoritat absoluda dels vòtes, lo govèrn resultant proclamariá l’independéncia dins los dètz e uèch meses seguents e sul pic se fariá una nòva eleccion, aquel còp amb los partits politics, ont el se presentariá pas. Tanben prepausèt que s’i presentèsson pas los autres membres d’aquela lista.
Dins aqueles dètz e uèch meses, lo nòu govèrn elegit deuriá negociar amb Espanha e amb la comunautat internacionala del temps que redigiriá la constitucion del nòu estat catalan. “Tot aquel procès se deuriá acabar a la fin de 2016”, quand i auriá de nòvas eleccions e simultanèament un referendum per validar l’independéncia.
Lo cap d’Esquèrra Republicana de Catalonha (ÈRC), Oriol Junqueras, se diguèt “satisfach” amb la proposicion d’Artur Mas e amb l’enveja de ne parlar. Junqueras a convidat lo president a la conferéncia qu’el farà lo 2 de decembre, ont lo cap republican anonciarà qual es son plan per l’independéncia. Per ÈRC la proposicion del president es un bon ponch de partença que se pòt melhorar.
L’esquèrra independentista de la Candidatura d’Unitat Populara (CUP) refusèt lo plan d’Artur Mas, que lo comparèt amb una ofèrta publica d’aquisicion d’ÈRC, e critiquèron que pendent los dètz e uèch meses se poiriá “congelar la realitat sociala”. Parièr, l’esquèrra ecologista d’Iniciativa per Catalonha-Verds (ICV) critiquèt lo plan d’Artur Mas perque vòlon pas participar a una eleccion se se parla pas de “corrupcion e caumatge”, que per eles son d’afars tant grèus coma l’independéncia.
Los partits espanholistas critiquèron tanben lo plan de Mas. Lo president d’Espanha, Mariano Rajoy, diguèt qu’“Artur Mas a fach un autre pas per anar pas enluòc”.
La societat civila en favor
Las principalas associacions independentistas de la societat civila, qu’a l’ora d’ara son elas qu’an lo poder de convocacion, an celebrat la proposicion d’Artur Mas.
La presidenta de l’Assemblada Nacionala Catalana (ANC), Carme Forcadell, nuancèt en dire que la lista unitària deu aver tanben de representants dels partits politics. De son costat, la presidenta d’Òmnium Cultural, Muriel Casals, demandèt als partits de “quitar de pensar a lors interèsses pel ben comun”. Lo president de l’Associacion dels Municipis per l’Independéncia, Josep Maria Vila d’Abadal, planguèt lo refús de la CUP e d’ICV.
En aquela conferéncia, lo president catalan afirmèt qu’el avançariá l’eleccion al Parlament de Catalonha, se totes los partits favorables a l’independéncia e las associacions independendistas de la societat civila s’amassèsson dins una sola lista. Aquò fariá qu’aquela eleccion —completament legala dins la lei espanhòla— venguèsse lo referendum que Madrid s’entestardís a desautorizar. Al delà, lo president Mas afirmèt qu’el pòt èsser lo primièr o lo darrièr d’aquela lista. Per el solament es important que siá un ensemble de totas las fòrças independentistas.
S’aquela lista atenguèsse la majoritat absoluda dels vòtes, lo govèrn resultant proclamariá l’independéncia dins los dètz e uèch meses seguents e sul pic se fariá una nòva eleccion, aquel còp amb los partits politics, ont el se presentariá pas. Tanben prepausèt que s’i presentèsson pas los autres membres d’aquela lista.
Dins aqueles dètz e uèch meses, lo nòu govèrn elegit deuriá negociar amb Espanha e amb la comunautat internacionala del temps que redigiriá la constitucion del nòu estat catalan. “Tot aquel procès se deuriá acabar a la fin de 2016”, quand i auriá de nòvas eleccions e simultanèament un referendum per validar l’independéncia.
Lo cap d’Esquèrra Republicana de Catalonha (ÈRC), Oriol Junqueras, se diguèt “satisfach” amb la proposicion d’Artur Mas e amb l’enveja de ne parlar. Junqueras a convidat lo president a la conferéncia qu’el farà lo 2 de decembre, ont lo cap republican anonciarà qual es son plan per l’independéncia. Per ÈRC la proposicion del president es un bon ponch de partença que se pòt melhorar.
L’esquèrra independentista de la Candidatura d’Unitat Populara (CUP) refusèt lo plan d’Artur Mas, que lo comparèt amb una ofèrta publica d’aquisicion d’ÈRC, e critiquèron que pendent los dètz e uèch meses se poiriá “congelar la realitat sociala”. Parièr, l’esquèrra ecologista d’Iniciativa per Catalonha-Verds (ICV) critiquèt lo plan d’Artur Mas perque vòlon pas participar a una eleccion se se parla pas de “corrupcion e caumatge”, que per eles son d’afars tant grèus coma l’independéncia.
Los partits espanholistas critiquèron tanben lo plan de Mas. Lo president d’Espanha, Mariano Rajoy, diguèt qu’“Artur Mas a fach un autre pas per anar pas enluòc”.
La societat civila en favor
Las principalas associacions independentistas de la societat civila, qu’a l’ora d’ara son elas qu’an lo poder de convocacion, an celebrat la proposicion d’Artur Mas.
La presidenta de l’Assemblada Nacionala Catalana (ANC), Carme Forcadell, nuancèt en dire que la lista unitària deu aver tanben de representants dels partits politics. De son costat, la presidenta d’Òmnium Cultural, Muriel Casals, demandèt als partits de “quitar de pensar a lors interèsses pel ben comun”. Lo president de l’Associacion dels Municipis per l’Independéncia, Josep Maria Vila d’Abadal, planguèt lo refús de la CUP e d’ICV.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L’esquèrra independentista de la Candidatura d’Unitat Populara (CUP) refusèt lo plan d’Artur Mas, que lo comparèt amb una ofèrta publica d’aquisicion d’ÈRC, e critiquèron que pendent los dètz e uèch meses se poiriá “congelar la realitat sociala”. Parièr, l’esquèrra ecologista d’Iniciativa per Catalonha-Verds (ICV) critiquèt lo plan d’Artur Mas perque vòlon pas participar a una eleccion se se parla pas de “corrupcion e caumatge”, que per eles son d’afars tant grèus coma l’independéncia.
Siá.
E ara, qué mai prepausan aqueles dos partits, per avançar mai aviat cap a l'Independéncia autrament qu'amb parlicadas estèrlas ?
#1
Compreni pas tanpauc, mès crotzam los dits !
"L’esquèrra independentista de la Candidatura d’Unitat Populara (CUP) refusèt lo plan d’Artur Mas, que lo comparèt amb una ofèrta publica d’aquisicion d’ÈRC, e critiquèron que pendent los dètz e uèch meses se poiriá “congelar la realitat sociala”."
Abitualament soi d'acòrdi amb las posicions de la CUP, mès aquest còp d'ací, compreni pas. Es una ocasion istorica de passar d'un regim monarquic a un regim republican; un partit d'esquèrra deuriá pas trantalhar amb açò!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari